Costas Vaxevanis kazetari greziarra atxilotu dute urriak 28 igandean, ustez iruzur fiskala egiten duten 2.000 laguneko zerrenda argitaratzeagatik. 2010ean Christine Lagarde Nazioarteko Diru Funtseko zuzendariak –artean Frantziako Ogasun Ministroa zen– Greziako agintariei eman zien zerrenda berdina da eta Suitzako bankuetan kontuak dauzkaten greziarren izenak ere jasotzen ditu.
Fiskalaren aurrean deklaratu ondoren aske utzi dute Vaxevanis egunean bertan, baina epaile batek galdekatu du gaur. Izaera pribatuko dokumentu pertsonalak argitaratzea leporatu diote. "Iritzi publikokoa den nire lana besterik ez dut egin, kazetari batek argitaratu du denak ezkutatzen saiatzen ari diren egi bat", erantzun dio epaileari. 2 urteko kartzela zigorrari aurre egin beharko dio.
Vaxevanisek Hot Doc astekarian argitaratu zuen zerrenda larunbatean eta atxilotuko zutela aurreikusita, zera adierazi zuen: “Iruzurgile fiskalak eta zerrenda hau eskuetan eduki zuten ministroak atxilotu ordez, egia eta prentsa askatasuna atxilotzen saiatuko dira”.
Greziako iruzur fiskala oso handia da duela bi urte Chicagoko Unibertsitateko hiru irakaslek egindako ikerketa baten arabera: 28.000 milioi euroko iruzurreraino iritsi ziren 2009an, hau da, Greziako estatuak urte hartan eduki zuen aurrekontu-defizitaren %31.
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]