Jolas librearen garrantziaz jardunaldiak egingo dituzte
"Jolas librearen bidez haurrak bere nahi eta beharretatik abiatuz norbere burua eta mundua askatasunez deskubritzen duelako", jolas librea ardatz duten jardunaldiak antolatu ditu Txatxilipurdi haur eta gazteen aisialdi taldeak. Gogoeta eta praktika uztartzea da asmoa.
Herriko hezkuntza eragile, hezitzaile eta familiekin batera, Txatxilipurdiren eguneroko lanean oinarrizko tresna den horri buruz eztabaidatu nahi dute: jolasa. Horretarako, hitzaldia, tailerra eta mahai-ingurua egingo dituzte.
"Zer da jolas librea eta zertarako balio du?" hitzaldia HUHEZI Hazitegiko Itziar Arregik emango du, otsailaren 28an; "jolas librea bizipenetatik" tailerra Plisiti Plasta egitasmoko Txusma Azkonak gidatuko du, martxoaren 17an; eta azkenik, apirilaren 14an "jolasa familian, eskolan, aisian eta herrian" mahai-inguruak honako partaideak izango ditu: Orbela natura hazkuntza komunitatea, Antzuolako Herri Eskolako Mila Etxaniz, Txatxilipurdi eta Hiritik at taldea.
30 urteko ibilbidea du Txatxilipurdik, haurren parte-hartzea sustatzen, herri hezitzaileen alde egiten, naturarekiko harremana zaintzen… Erabakimena haurrei itzultzen diegunean artikuluan kontatu genuen.
Urtebetez, jolas garaian Lehen Hezkuntzako neska-mutilen mugimenduak behatu dituzte Kataluniako bi ikastetxetan. Espazioaren gehiengoa mutilek okupatzen dute eta neskak bazterretan mugitu ohi dira. Ikerketak hainbat gogoeta utzi du espazioaren antolaketaz, genero rolez... eta... [+]
6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Horrela amaitzen da ARGIAk sortu berri duen OTU karta-jokoko azalpena; baina jolasaren hasiera ere izan liteke, dibertsioa hasteko sarrera. Modalitate asko egon litezke, irekia da jolasteko modua, baldintza bakarra irudimena izango da. Aurrean dituzun kartekin, bakarka edo... [+]
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]