Iruñeko dispertsioaren aurkako muralak ezabatzeko agindu du Carmen Albak
Carmen Alba Espainiako Gobernuak Nafarroan duen ordezkariak eskatu du ezaba ditzatela Iruñeko Alde Zaharrean dauden dispertsioaren aurkako horma-irudiak. Auzoko bizilagunek margotu zituzten, iazko abenduan. “Dispertsioa salatzea ez da delitua, delitua dispertsioa da”, erantzun dute herritarrek, naiz.eusek jaso duenez.
Muraletan Alde Zaharreko presoen irudiak, hauen izenak, zein espetxetan eta etxetik zenbat kilometrotara dauden agertzen da. Espainiako Gobernuaren ordezkariak terrorismoaren goratzearekin lotu ditu; hortaz, ezabatzeko eskatu dio Iruñeko Udalari.
Ez da Carmen Albak mural bat ezabatzea agintzen duen lehen aldia. Duela urte bat Burlatan tortura salatzeko margotu zuten horma-irudi bat ezabatzea agindu zuen eta egileak atxilotzeko polizia operatiboa antolatu zuen. Agoitzeko Udalari ere eskatu zion Mikel Zabalzaren omenezko mural bat ezabatzeko.
Dispertsioa salatzeko dinamiken kriminalizazioa salatzeko kanpaina bat martxan jarri dute presoen eskubideen aldeko Iruñeko Alde Zaharreko kolektiboek. Mozio bat aurkeztu dute Albaren jarrera salatzeko eta ostegunean bozkatuko dute Iruñeko Udaleko osoko bilkuran.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]