Seaska eta Ahetzeko auzapez Phillippe Elissalde elkarlanean ari dira herrian ikastola bat irekitzeko. Arbonako Herriko Etxeak ere asmo bera iragarri zuen, baina Marie-José Mialocq auzapezak “Ahetzeri lekua uztea” lehenetsi du. Seaskako lehendakari Paxkal Indoren esanetan, aldiz, bi herrietan ikastola bana irekitzea “beharrezkoa” da.
Ahetzen ikastola irekitzeko lanetan ari direla baieztatu dute Seaskak eta Herriko Etxeak, baina tentuz ari dira: “Ikastola bat hauskorra den zerbait da. Denborarekin lasaiki garatu dadin, lortu behar dugu ikastola segidan ongi integratzea lurraldean”, aipatu du Indok.
Elissaldek, orobat, esan du ikastola baten sortzea ez dagoela soilik bere esku.
Arbona herrian eskola publiko berri bat irekitzeko lanean ari dira, eta Seaska bilkura batean parte hartzeko gonbidatu zuten arren, proiektua ikastola gabe abiatu dute. “Tokia utzi diogu Ahetzeri, jakinik ez direla bi ikastola irekitzen ahal bi herrietan”, azaldu du Mialocq auzapezak.
Seaskako Paxkal Indok, ordea, esan du bi herrietako populazioa garatzen ari dela, eta posible dela herri biek ikastola izatea.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.