Irati erakustazokan egingo da ekitaldia, 11:30ean hasita.

"Espultsioez gain, asignazioak, konfinamenduak, deportazioak, estradizioak eta azkenik euroaginduak… Lege mailako anitz arau sortu dituzte iheslarien kolektiboa suntsitzeko", dio antolatzaileek plazaratutako oharrak. "Egoera horiei ere, jendearen sustengu eta babesari esker egin zaie aurre".

"Euskal Herriak bizi duen une garrantzitsu eta interesgarri hontan, iheslarien kolektiboko kideek Euskal Herrian libre bizitzeko eskubidea jorratu nahi dutela adierazi dute, mundutik herrira itzuliz", dio oharrak. "Hor giren babesleak, heldu den ekainaren 15ean Miarritzeko Irati erakustazokan, iheslari politikoen kolektiboaren aldeko egun bat antolatzen dugu. Egun hortan, kolektiboak gatazkaren konponbidean ekarpen politiko baten egiteko aukera izanen du".

Iheslarien kolektiboak agerraldia egingo du asteazkenean Baionan. Euren ordezkariak aurkeztuko dituzte bertan.

Herria gara arnas erreportajea, gazteen ekarpena

Miarritzeko ekitaldiaren harira Ernai antolakundeak egindako ekarpena da bideo hau: Iheslari gazteen bi kasu eta bost testigantza ardatz hartuta, kolektibo horretako errealitatea biltzen duen erreportajea.