Ibon Iparragirre euskal preso politikoari espetxean eraso egin diotela salatu dute
Ibon Iparragirre Burgoari eraso egin diote Madrilgo Alcala Mecoko funtzionarioek uztailaren 18an, Iparra Galdu Baik plataformak zabaldu duenez. Iparragirrek hiesa dauka, eta ikusmena galtzen ari da.
Plataformak azaldu du hainbat parte sartu dizkiotela Iparragirreri azken hilabeteetan, “gehienak funtzionarioek eurek probokatutako egoerengatik”. Horrek presoa isolamendura eramatea ekarriko luke, baina ez dute egiten, legeak debekatzen duelako eta gainontzeko preso politikoekin elkartuko litzatekeelako plataformaren ustez. Bi urte daramatza Iparragirrek modulu arruntean, gainontzeko euskal presoekin harremanik izan gabe.
Uztailaren 18an beste parte baten ebazpena iritsi zitzaion Iparragirreri, eta orduan isolamendura eraman zuten lau funtzionariok eta espetxeko zerbitzu buruak. Bertan kolpatu egin zuten, mehatxatu eta iraindu, Iparragirrek berak egun berean familiari azaldu zionez. Ondoren modulu arruntera itzuli zuten.
Iparra Galdu Baik gaineratu du 30 hilabetetan Iparragirrek jasandako bosgarren eraso fisikoa dela eta azken urtean ez diotela erresonantzia magnetikorik egin. Ondorioz, ezin da jakin gaixotasunaren garapena zein den. Etxeratzea eskatu dute, “beharrezko arreta, jarraipena eta mediku tratamendua jaso dezan”.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"