Hondakinik sortuko ez duen lehen supermerkatua
Hondakinik gabeko lehen supermerkatua ireki dute Alemanian Sara Wolf eta Milena Glimbovski ekintzaileek. Original Unverpackt (paketatu gabekoa esan nahi du alemanez) bataiatu dute denda.
Elikagaiek sortzen duten gehiegizko hondakinez kezkaturik, eredu berri bat sortzeko diru bilketari ekin zioten bultzatzaileek, crowdfunding bidez. Aurreikusita zutena baino diru gehiago –45.000 euro– bildu ostean, Berlinen ireki zuten supermerkatua, 2015eko irailaren 13an.
Original Unverpackt ez da ohiko supermerkatua. Ontziratu gabeko elikagaiak eskaintzen ditu eta bezero bakoitzak bere ontzia eraman behar du; ahaztekotan, bertan izango du eskuragarri, ostera itzultzeko baldintzapean. “ Datorrenak ez ditu marka asko aurkituko, nahikoa baita dagoen hori onena izatearekin”, adierazi dute ekimenaren bultzatzaileek.
Alemaniako supermerkatu kate handien errutinatik at dagoen eredu bat eskaintzea da Wolf eta Glimbovskiren asmoa. Irabaziak hazi ahala, denda gehiago irekitzea aurreikusten dute. Aurre egin nahi diote bilgarriek, urtebetean, Alemanian sortzen duten 16 milioi tonako kopuruari.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]