Hiru ertzain gehiago auzipetu dituzte Cabacas auzian

  • Lehendik zeuden hiru ertzainez gain, beste hiru auzipetzea erabaki du Bizkaiko Lurralde Auzitegiak, familiak aurkeztutako helegitearen ondorioz. Ertzaintzako sindikatuek gogor kritikatu dute erabakia eta erantzukizunak eskatu dizkiete arduradun politikoei.

Xalba Ramirez @xalbaram
2017ko uztailak 17

Iñigo Cabacas hil zuten gauean kargan parte hartu zuten ertzainak dira seiak. Aurretik auzipetuak zeudenak furgonetetako gidariak ziren, eta orain auzipetutakoak gau horretan tiro egin zutenak. Hasiera batean hiru ertzain hauek epaiketatik kanpo geratu ziren, beraiek tiro egin zutela aitortu zuten arren, beste askok ere tiro egin zutelako, eta epailearen ustez egile zuzena zein izan zen jakitea ezinezkoa zela ebatzita.

Bi ertzainburu eta Deustuko ertzain etxetik operazioa zuzendu zuen ofiziala auzipetzeko eskaera egin zuen akusazio partikularrak, baina hauek apirilean epaiketatik kanpo geratu ziren, eta oraingo helegitearekin ez da egoera aldatuko.

Lehendik auzipetuak zeuden ertzainei akusazioak dagoeneko launa urteko espetxe zigorra eskatua du “zuhurtziagabekeria larriko giza hilketa” egotziz. Orain beste hiruentzako eskaera egin behar dute. Azpimarragarria da fiskaltza une oro izan dela Ertzainen alde, auzia ixteko eskatuz behin eta berriro.

Cabacasen familia pozik agertu da epailearen erabakiarekin, ez aldiz Ertzaintzaren sindikatuak. ERNEren hitzetan, Ertzainek aginduak baino ez dituzte betetzen eta erantzukizunak arduradun politikoek hartu behar dituzte.

 

Kanal hauetan artxibatua: Inigo Cabacas auzia  |  Bilbo  |  Ertzaintza

Inigo Cabacas auzia kanaletik interesatuko zaizu...
2017-07-11 | Uriola.eus
Cabacasen familiak auziperatutako hiru ertzainentzat launa urteko espetxe zigorra eskatu du

Akusazio partikularra zuzentzen duen Jone Goirizelaia abokatuak launa urteko espetxe zigorra eta seina urteko gaitasungabetzea eskatu du hiru ertzainentzat, "gomazko pilotak zuzenean tirokatzea agindu edo baimentzeagatik eragindako zuhurtziagabekeriazko hilketa profesional larriagatik".


2017-05-09 | Uriola.eus
Cabacas auzia artxibatzeko Fiskaltzak egindako eskariak Iņigoren senide eta lagunen "erraiak erre" ditu

Fiskaltzak Iñigo Cabacas auziaren artxiboa eskatu du. Albisteak "erraiak erre" dizkiela aitortu dute Iñigo Gogoan herri ekimeneko kideek, eta "argi eta garbi" errepikatu dute "Iñigoren erailketa ezin dela artxibatu".


Gervasio Gabirondo, Ertzaintzako zuzendaria: "Ertzaintzaren polizia-etxeetan ez da behin ere torturatu"

Ertzaintzak ez duela inoiz torturatu ziurtatu du Gervasio Gabirondo Ertzaintzako zuzendariak Euskadi Irratiko Faktoria saioan, eta Cabacas auzian korporatibismoz aritu direnik ukatu du.


2017-04-06 | Geuria .eus
Iņigo Cabacasen hilketaren bosgarren urteurrenean, zigorgabetasunaren kontrako giza-katea

Iñigo Gogoan Herri Ekimenak zigorgabetasunaren kontrako giza-katea antolatu du apirilaren 7an 19:30ean Bilboko Epaitegiaren inguruetan.


2017-04-05 | Jon Torner Zabala
Iņigo Cabacasentzat justizia, oihu ozena San Mamesen

Apirilaren 9an bost urte beteko dira Ertzaintzak jaurtitako gomazko pilota batek Iñigo Cabacas basauriarra hil zuela. Hura gogoratu eta “justizia” eskatzeko, Iñigo Cabacas Herri Harmailak 10.000 karteltxo banatu ditu asteartean Athleticek San Mamesen jokatu duen partida ikustera joan diren zaleen artean.


2017-04-03 | Uriola.eus
Hiru ertzain epaituko dituzte Iņigo Cabacasen hilketagatik

Ahozko epaiketa egiteko autoa kaleratu du gaur epaileak, instrukzio aldiari amaiera emanez. Zuhurtziagabekeriazko giza hilketa egitea egotzi die 2012ko apirilaren 5ean Cabacasen heriotza eragin zuen operatiboko hiru furgonetetako arduradunei.


2016-12-07 | ARGIA
Hilabete luzatu dute Cabacas auziko instrukzio fasea

Bilboko 10. Instrukzio Auzitegiak erabaki du defentsak jarritako errekurtsoak ebazteko hilabete luzatzea instrukzio fasea.


2016-12-02 | Uriola.eus
Cabacas auziaren balizko artxibatzearen aurrean justizia eskatu dute Iņigorentzat

Ehunka lagun kalera atera ziren atzo arratsaldean, abenduak 1, Iñigo Cabacasen auzian "injustiziekin bukatzea" exijitzeko eta bere senide zein lagunei babesa agertzeko. Ana Torres epaileak datorren astean erabakiko du epaiketa egin edo auzia artxibatuko duen.


2016-11-29 | Amaia Otaola
Esperoan
MULTIMEDIA - film laburra

Ertzaintzak hil zuen Iñigo Cabacas Athletic-eko zaleari buruzko lana, bost urte eta gero kasua artxibatua izateko arriskuan dago eta.

Egileak: Amaia Otaola, Mikele Landa, Itsaso Garin, Nerea Sanz eta Oihane Zunzunegi.


2016-11-29 | Uriola.eus
Manifestaziora deitu dute ostegunean 'Iņigo Cabacas, injustizia gehiagorik ez' lelopean

Cabacas auziaren ikerketa ixtearen beldur dira familia eta lagunak. "Injustiziatzat" jo dute kasuaren balizko artxibatzea. Hori dela eta, abenduaren 1ean, manifestazioa deitu du Iñigo Cabacas Herri Ekimenak Maria Diaz de Harokoaren kalezuotik justizia jauregira.


Eguneraketa berriak daude