Hassanna Aalia errefuxiatu sahararra atxilotu eta espedientea zabaldu diote
Hassanna Aalia kazetari sahararra Burgosen tren batean zihoala atzeman du Espainiako poliziak eta hainbat orduz atxilotua egon ondoren zigor espedientea zabaldu diote.
Hasiera batean zabaldu da 48 orduko epea eman diotela herrialdetik alde egiteko, baina errefuxiatuen laguntzarako CEAR elkarteak jakinarazi duenez poliziak zigor espedientea baino ez dio ireki eta orain 48 ordu dauzka helegitea jartzeko. Espediente horrek artxibatuta edo kanporatze agindu batekin amaitu dezake, baina azkeneko hau ez litzatekeela gertatu beharko dio CEARek.
Aalia bizitza osoko kartzelara zigortu zuen Marokoko auzitegi militar batek 2011n Aaiun-en izandako gertaeren ondoren militante sahararren kontra abiatutako auzian. Euskal Herrian zegoela jaso zuen zigorraren berri eta geroztik bertan geratu da bere eta gainerako sahararren egoeraren berri ematen.
Kazetari sahararraren kanporatzearen kontrako mobilizazioetan milaka lagunek hartu dute parte eta norbanako, talde eta erakunde ugarik eman diote euren babesa.
Espainiak asiloa ukatu zion 2015 hasieran, baina erabaki horren kontra CEAR-Euskadik jarritako errekurtsoa onarturik dauka Auzitegi Nazionalak. Asteartean poliziari errekurtsoa erakutsiagatik ere komisaldegira eraman dute eta horren ondoren zabaldu diote zigor espedientea.
Aaliaren atxilotzea ez dator bat Auzitegi Nazionalak errekurtsoa onartzeko hartutako erabakiarekin eta ARGIAri sahararren hurbileko iturriek azaldu diotenez Espainiako Ministerioaren eta poliziaren jokabideaz epaitegiak zer esango duen zain daude.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.