Gipuzkoako zaborrak Errioxan amaitu dezake tratatu gabe

  • GHK-k Tuterara garraiatuko dituen 70.000 tona hondakinen %91 berriz mugituko dute, FCCk Arnedon duen zabortegi batean lurperatzeko, Sustrai Erakuntzak jakin duenez.

Urko Apaolaza Avila @urkoapaolaza
2016ko azaroaren 28a

"Konfiantzazko iturrien" bidez Sustrai Erakuntzak jasotako informazioaren arabera, Gipuzkoako Hondakinen Kontsortzioak eta Erriberako Mankomunitateak hitzartu dute “kanpoko zabortegi” batean lurperatzea Tuterako El Culebretera Gipuzkoatik urtean eramango dituzten 70.000 tona hondakinen gehiengoa, hasera batean FCCk Arnedon duen zabortegi pribatuan.

Hondakinak hiru zatitan bananduko dituzte El Culebreten: birziklagarriak, organikoa eta errefusa. Lehenengo zatia soilik hondakin guztien %9 izatea aurreikusi dute eta beste guztia –%56 materia organikoa inpropioekin eta %35 errefus inertea– 65 kilometrora dagoen Errioxako Erkidegoko Arnedo herrira eramango ditu FCC konpainiak, metanizazio edo konpost plantetatik pasa gabe zuzenean lurperatua izateko.

FCCren esku dago Arnedoko zabortegia eta berrikitan udal baimena lortu du hirugarren gune batekin zabortegia handitzeko; horretarako 660.000 euroko inbertsioa egingo du.

GHK-k Erriberako Mankomunitateari tonako 70 euro ordainduko dizkio hondakinak El Culebretera eramateagatik –urtean 5 milioi euro inguru–. Honek, berriz, FCCri tonako 46 euro ordainduko dizkio ostera hondakin horien %91 Arnedora eraman eta han lurperatzeko –urtean 3 milioi euro pasatxo–, Sustrai Erakuntzak jasotako informazioak dioenez.

Hortaz, Gipuzkoako hondakinek Errioxan amaituko dute, zati handiena den organikoari inolako tratamendurik eman gabe eta errefusaren %9 baino ez birziklatuta. Nolanahi ere, ez da baztertu behar kopuru hori txikiagoa izatea azkenean, datu publikoen arabera El Culebreten sartzen den errefus inertearen %1,12 baizik ez baita birziklatzen orain.

Ingurumen Baimenaren aldaketa “garrantzi gutxikoa”

El Culebretek ez luke izango gaitasunik Gipuzkoako 70.000 tona hondakinak tratatzeko, duela gutxi Compañia de las 3 erres elkarteak salatu duenez horretarako ingurumen baimenik ez duelako.

Horri lotuta, iturri honek dioenez, Erriberako Mankomunitatearen kudeatzaileak ondorioztatu du ingurumen baimenari egin behar zaion aldaketa “garrantzi gutxikoa” dela, Gipuzkoatik eramango diren hondakinen zati handiena ez delako “plantako beste sekzioetara pasako”, eta ez diolako "bilketa guneari eragingo, ezta instalazioak handitu beharko".

 

Kanal hauetan artxibatua: Hondakinen kudeaketa  |  Gipuzkoako erraustegia

Hondakinen kudeaketa kanaletik interesatuko zaizu...
Donostiako lau auzo elkartek alegazioak aurkeztu dizkiote Rezolaren errauste baimenari

Añorga Txiki, Aiete, Errotaburu eta Amara berriko auzo elkarteek alegazioa aurkeztu diote Eusko Jaurlaritzak Rezola porlan-fabrikari hondakinak erretzeko emandako Ingurumen Baimen Bateratuaren aldaketari.


Hernaniko familien %25ek konposta egiten du, taldeka edo banaka

Hernaniko Udalak jakinarazi duenez, auzo-konposta egiteko bost etxola gehiago jarri berriak ditu martxan, bakoitzak 22 familiaren hondakin organikoak luar bihurtzeko gai direnak. Bost horiekin, denetara 43 konpost-txabola dauzka Hernanik, 950 familiak erabiltzen dituztenak. Horiei gehitu behar zaizkie 700 familia gehiago konposta bakarka egiten dutenak, nork bere baratze edo soropilean. Denetara, horrela, 1.650 familia ari dira –lau familiatik... [+]


Debagoienak lortu du gaika %80 bildu eta errefusa 75 kilora murriztea

“Debagoienan 4.600.000 kilo errefus sortu ditugu. (…). Proportzioak mantenduz Gipuzkoan 51 milioi kilo sortu beharko lirateke eta eraiki nahi duten erraustegia horren hirukoitza erretzeko dago diseinatuta. Orduan uste duguna da bidea dela errefus kopurua murriztu, diru mordoxka bat aurreztuko genukeelako bai tasetan eta baita makro-proiektuetan ere”. Elgetako alkate Iraitz Lazkanok horrela laburbildu du Debagoiena mankomunitateak hondakinen gaikako bilketan egindako... [+]


Jaurlaritzak berriro aldatu dizkie hondakinak erretzeko baimenak porlan-fabrikei

Eusko Jaurlaritzak de facto aitortu du egia zela ARGIAk duela urtebete plazaratutakoa, Donostia-Añorgako Rezola porlan fabrikari hondakinak erretzeko emandako baimenaren kutsatze mugak ez zituela errespetatzen Europako legeak.


GuraSOSen manifestazio eta bide-orriarekin bat egin dute hainbat jende famatuk

Kultura, kirol, unibertsitate eta sindikatuetako aurpegi ezagunak (ikusi Bernardo Atxaga lehen izena duen zerrenda osoa elkartearen blogean) bildu ditu GuraSOSek hondakinen gatazkarentzako bere bide-orriarekin bat egin eta otsailaren 19an Donostian burutuko den mobilizaziorako dei egiteko.


Txingudin berpiztu dute errausketaren aurkako mugimendua

Otsailaren 4an Hondarribian egindako manifestazioaren uberan berriro jarri dira abian Bidasoa inguruko zenbait jende eskualde hartan errausketaren aurkako mugimendua berpizteko. Hondarribian larunbateko manifestazioaren leloak biltzen zituen Txingudiko eta Zubietako borrokak: “Errausketarik ez Txingudin, ez Zubietan”.


2017-01-31 | ARGIA
Zubietako erraustegia adjudikatu du Gipuzkoako Aldundiak

EAEko Auzitegi Gorenak GuraSOSen helegitea atzera bota eta biharamunean izenpetu du Jose Ignacio Asensio Gipuzkoako Aldundiko Ingurumen diputatuak erraustegiaren adjudikazioa. Lanak hilabete eta erdi barru inguru hasiko direla iragarri dute.


2017-01-30 | ARGIA
EAEko Auzitegi Gorenak atzera bota du GuraSOSen helegitea

EAEko Auzitegi Gorenak atzera bota du Zubietako erraustegiaren adjudikazioaren aurka Gurasosek jarri zuen helegitea. Gipuzkoako Foru Aldundiko agintariak pozik agertu dira eta hilabete eta erdiko epean lanak hasiko dituztela iragarri dute.


Gipuzkoako zaborra jasotzeko ingurumen baimena eman diote Tuterako El Culebreteri

Tomas Aguado El Culebreteko presidenteak adierazi duenez, tratamendu zentroak ez du zaborra jasotzeko baimenik emango hondakin organikoak non lurperatuko diren ezagutu arte.


Europako Batzordeak errausketari diru-laguntzak kentzea sustatuko du

Zabortegiekiko menpekotasun handia daukaten herrialdeek –Euskal Herrikoak, adibidez– gaikako bilketan eta birziklatze ahalmenean zentratu behar dutela dio EBk.


Azkenak
EGILEA
Eguneraketa berriak daude