Gazara iristen saiatuko da berriro ere Askatasunaren Ontzidia udaberrian
Palestinarrei babesa emateko asmoz eta Israelen blokeoa salatzeko, Gazara bidean jarriko da bosgarren urtez jarraian Askatasunaren Ontzidia, udaberrian. Hainbat elkartek eta ekintzailek parte hartzen dute ekintza solidario honetan.
Ekintzan parte hartzen duten taldeen kanpainetan lortutako diruarekin finantzatzen da ontzidia . Espainiako Estatuan Rumbo a Gaza taldeak hartzen du parte Askatasunaren Ontzidian eta Internet bidez dirua lortzeko kanpaina martxan jarri du.
“Israelek duen inpunitatea salatzen jarraitu behar da, ez baititu errespetatzen nazioarteko legedia eta giza eskubideak”. Ekimenean parte hartzen duen Laura Arau ekintzailearen ahotik jaso du La Directako Pablo Fabregat kazetariak Askatasunaren Ontzidiaren 2015eko helburua.
2010eko erasoa gerra krimena izan zen
Gazara 10.000 tona laguntza humanitarioa zeramatzaten Askatasunaren Ontzidian 2010eko maiatzean. Flotari eraso egin zion Israelgo itsas armadak eta hamaika zauritu eta 19 lagun hil zituen. Eraso hori gerra krimena izan zela ebatzi zuen 2014eko azaroan Nazioarteko Zigor Auzitegiak(NZA).
Hala ere, Axier Lopez ARGIAko kazetariak Begizta blogean idatzi zuenez, auzitegiak ez zuen ikerketa formalik abiatu, haien esanetan, NZAk epaitzeko moduko larritasuna ez zuten gertaerak zirelako.
Askatasunaren Ontzidiko Estelle ontzia Donostian izan zen 2012an. Jarraian bideoa:
Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]
12 hildako –tartean bi adingabe– eta 3.000 zauritu inguru, asteartean. 26 ordu geroago, beste 20 hildako eta 450 zauritu baino gehiago, Libanoko Osasun Ministerioaren arabera. Bi leherketa masibo eta koordinatu izan dira, lehena milaka pertsona-bilagailutan eta... [+]
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Jatorri afrikarreko asilo-eskatzaileei egin die eskaintza Israelgo Estatu genozidak, 'Haaretz'-en arabera. Gaur egun, 30.000 eskatzaile omen daude egoera horretan sionisten mendeko eremuetan.
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
60 dendako eremua kolpatu dute sionistek, muturreraino beteta dagoen al-Mawasi errefuxiatu kanpalekuan. Bosgarren aldia da Israelek eraso egiten diona berak “zonalde seguru” izendatutakoari.
Plataformak urriaren 5erako antolatu du manifestazio bat, Bilbon, ondoko leloarekin: 'Palestinar erresistentzia babestu. Israel eta bere konplizeei aurre egin'.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Ura, argindarra, janaria eta sendagaiak eskuraezin bihurtu dira Jenin hirian. Gutxienez 26 palestinar hil dituzte Zisjordanian, asteazkenetik.
Hamasek adierazi du Israelek okupazioa aukeratu duela, bahituen gainetik. Hildakoen senideek uko egin diote Netanyahuren dolumin deiari, eta su-etena eskatu dute oraindik Gazan dauden 100 bahituak askatzeko.
Sindikatuen gehiengoak gobernuari presio egiteko protestara deitu du. Igandean 500.000 israeldar inguru mobilizatu dira Netanyahuren aurka eta su-eten akordioa eskatu dute, sei bahituren gorpuak Gazatik atera ostean.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]