Gabarra aterako dute Bilbon, indarkeria matxista azaleratzeko

  • Ostiralean, indarkeria matxistaren aurkako egunean, 140 emakumek Portugaletetik Bilboko Itsas Museorako bidea egingo dute, itsasadarretik, Txinbito gabarran. Egitasmoaren sustatzaile A Plataformaren helburuetako bat da “erakundeetatik bertatik genero-diskriminazioa eragiteko dauden mekanismo subliminalak” agerian uztea.

Jon Torner Zabala @jtorner
2016ko azaroaren 23a
Bilbon lehorreratu ostean, deituta dagoen manifestazioraino joango dira gabarran helduko diren 140 emakumeak.

Emakumeen lorpenak ez aitortzea ere “indarkeria estrukturala” dela diote kulturaren esparruan diharduten A plataformako kideek. Zentzu horretan, “lorpenak aitortzeko ikur bat delako” izango da abenduaren 25eko protagonista gabarra, gizonezkoen Athletic futbol taldearen ospakizunak gogoan. Hain justu, aurten zeresan franko eman du gabarrak, pasa den denboraldian Athletic-eko neskek Liga irabazi zuten arren, ospakizunen baitan itsasadarrean barrurako ibilaldia ez sartzea erabaki zuelako klubak.

“Historikoki emakumeok tiraka ibili gara, gizartearen pisu astuna arrastaka eramanez: indarkeria, desberdintasuna, ikusezintasuna, diskriminazioa eta abar”, dio kolektiboak, ekimenaren nondik norakoak jaso dituzten dossier zabalean. “Horregatik, 2016ko azaroaren 25ean gabarra sinboliko bat pleitatuko dugu: Txinbito. Eta hantxe joango gara, itsasadarretik, hainbat esparrutan (kirolean, kulturan, arlo sozialean...) garaile garen 140 emakume”.

“Berdintasunaren partidan, txartel gorria”

18:00etan abiatuko da gabarra Portugaleteko portutik (Kanilla pasealekua). 1.500 txartel gorri banatuko dituzte herritarren artean: “Batetik, A plataformaren egitekoa da berdintasun legeak betetzen diren ala ez aztertzea, hau da, arbitro gisa aritzen gara; bestetik, gabarra aukeratu dugu gure ekintzaren protagonista bezala. Bi gaiek futbola dakartenez gogora, metafora hau erabiliko dugu: Berdintasunaren partidan, txartel gorria. 18:30ak aldera helduko dira Bilboko Itsas Museora, eta handik indarkeria matxistaren kontrako manifestazioraino joango dira oinez.

Azaroak 25, indarkeria matxistaren aurkako eguna

Argazki oina

Euskal Herriko mugimendu feministak deituta, manifestazioak egingo dira hilaren 25ean Euskal Herriko txoko desberdinetan, Baionan, Bilbon, Donostian, Gasteizen eta Iruñean tartean, hauek guztiak arratsaldez.

Bestalde, azaroaren 25ari begira, Euskal Herriko Bilgune Feministak "Ikusi makusi, zer ikusi? Haurren kontrako indarkeria patriarkalik ez" kanpaina jarri du abian. Ekimen hori abiapuntu gisa hartuta, erreportajea plazaratu dugu aste honetako ARGIAn, Familia, isiltasun gotorleku izenburupean. Bilgune Feministako kide Saioa Iraolari eta biktimekin esku hartzen duen Eraikiz elkarteko Aitziber Bañuelosi egindako elkarrizketak aurkituko dituzue bertan.

Kanal hauetan artxibatua: Indarkeria matxista  |  Feminismoa  |  Bilbo  |  Baiona  |  Donostia  |  Gasteiz  |  Iruņea

Indarkeria matxista kanaletik interesatuko zaizu...
"Feminizidioa 2010-2015": Hego Euskal Herriko 33 erailketen erradiografia xehetua

Administrazio publikoek ez dauzkate erakusteko erailketa matxisten datuak. Hala, feminicidio.net-ek eta Mugarik Gabek “erakunde publikoak lotsagorritzeko” ikerketa mardula egin dute.


Abesti arrakastatsua jotzeari utzi diote kontzertuetan, indarkeria matxista sustatzen duelako

Kontzertuetan publikoak La ingrata abestia jotzeko eskatzen dieten arren, duela hilabete batzuetatik euren kantu arrakastatsuenetakoa jotzeari uko egin diote Café Tacvba talde mexikarreko kideek, abestiak sustatzen duen indarkeria matxistaren aurkako kontzientzia garatu dutelako urteotan.


2017-03-08 | ARGIA
Helburua lortu dute, Madrilgo emakumeek gose greba bukatutzat eman dute

Alderdi politikoek bermatu diete genero indarkeriaren aurkako azpibatzordean ordezkaritza izango dutela.


2017-03-08 | ARGIA
Madrilen 15 lagun daude gose greban indarkeria matxistaren aurka

Otsailaren 9an hasi zuten greba. Esan dute ez dutela bertan behera utziko alderdi politikoek indarkeria matxistaren estatu itunean haiek proposatutako 25 puntuak onartu arte.


2017-03-02 | ARGIA
Bigarren gradua eman diote Majarenasi eta bere alabarekin bizi ahalko da harrera etxe batean

Espainiako Auzitegi Nazionalak talde tekniko baten txostena irakurri ondoren eman du baimena. Hala, Padre Garralda - Horizontes Abiertos fundazioaren egoitzetako batean egongo dira Sara Majarenas eta haren alaba.


2017-02-28 | Lander Arbelaitz
Bikotekidea jotzea egozten dioten abokatua bere zereginetatik baztertu du Gipuzkoako Abokatuen Elkargoak

Miguel Alonso Belza abokatua bere eginkizun guztietatik gabetzeko erabakia hartu du Gipuzkoako Abokatuen Elkargoak, ohar baten bidez zabaldu duenez. Gipuzkoako abokaturik prestigiotsuenetako bat denaren aurkako epaiketa instrukzio fasean dago, bikotekidea jotzea egotzita.


Eraso matxista batengatik salatu duten Avirongo jokalariak biktima salatuz erantzun du

Baionako Aviron taldeko Félix Le Bourhis jokalariaren bikotekideak haren aurkako denuntzia bat jarri du. Salatu duenez, aurpegian ukabilkada bat eman zion eta hainbat hortz apurtu zizkion. Jokalariak, berriz, “difamazio eta indarkeriagatik” salatu du emakumea.


Isiltasun ozen bat erasotzaileei

Tolosako Plaza Zaharra txiki geratu da igande goizaldeko ustezko bortxaketa salatzeko deitutako mobilizazioan.


20 urteko gizon bat atxilotu dute Tolosan, ustez adingabe bat bortxatzeagatik

Igande goizaldean adingabe bat bortxatu zutela jakinarazi du Tolosako Udalak. Hogei urteko gizon bat atxilotu dute eta Ertzaintzarenean dago, Berriak zabaldu duenez. Elkarretaratzea egingo dute gaur 19:00etan, Tolosako Plaza Zaharrean.


4.000 euroko isuna proposatu dute Sanferminetako bortxatzailearen aldeko pankarta jartzeagatik

Estadiora sartzea ere debeka dakieke pankarta paratu zutenei, Indakeria, Espainiako Xenofobia eta Intolerantziaren Kontrako Kirol Batzordeak eskatuta.


Azkenak
EGILEA
Eguneraketa berriak daude