Felipe Borboikoak, Clint Eastwood-en paperean, ez du ezer ekarri Kataluniara

  • Felipe VI.aren mezua entzun ondoren, diferentzia ideologikoetatik aparte, kosta egiten da Espainiako agintarien jarrera ulertzea, Katalunian piztu zaien estatu-krisiaren erdian. Gogorrena nor den erakusteaz aparte, zer estrategia dago komunikatzen ari direnaren atzean?

Gorka Bereziartua Mitxelena @boligorria
2017ko urriaren 04a
Felipe Borboikoa, astearte gaueko mezuan.

Soraya Saenz de Santamariak igandean adierazi zuenean ez zela erreferendumik izan, “ezta antzeko ezer ere”, rol bat antzezten ari zela pentsatzea ez zen burugabea. Gobernuaren barruan jarrera gogorrena erakutsi, dena ukatu, eta presidenteari utzi negoziatzeko ate bat irekitzeko aukera.

Baina gero Mariano Rajoy etorri zen, eta hark ere erreferendumaren existentzia ukatu zuen, poliziaren jarrera “proportzionatua” txalotu eta ezagutzen dituzuen beste gauza guzti horiek, “s” busti askorekin ahoskatuak. Good bye Lenin filma ikusi dutenek pentsatu zuten prentsa-arduradunen bat Moncloan egiten ari dela pelikula hartako semeak amarekin egiten zuen gauza bera: gertakari historiko bat kosta ahala kosta ezkutatu.

1981eko estatu-kolpeari bere aitak emandako erantzunaren antzekoa izan da Felipe VI.ak kataluniarrei zuzendu
dien mezua

Zarzuelan ere antzekoa egin duten sentsazioa dago, astearte gauean Espainiako erregea eszenatokian agertu ondoren. Ez zegoen esperantza handirik haren ahotik entzuteko orain arteko Trantsizioko hit-paradetik aparteko doinu berriren bat, baina monarkiak espainiarrentzat izan duen alderdien gaineko batasun-figura kontuan izanda, erabilitako hitzen gogortasunak aurreikuspenak gainditu ditu.

Generalitateko ordezkariak zuzenean mehatxatzetik gertu egon da Felipe VI.a eta ez du zirrikiturik utzi egunotan Kataluniako kaleak hartzen ari den jendetzak elkarrizketarako aukera bat ikus dezan.

Tejerorekin bezala (edo gogorrago)

1978ko Erregimenaren ahots geroz eta lotsagabeagoa bihurtu den El País egunkariak berria eman duen moduari kasu eginez gero, Eguberrietatik kanpo emandako mezu hau artefaktu kultural gisa ulertu behar da, zeina saiatzen den konektatzen Feliperen aitak, Juan Carlos Borboikoak, telebistan emititu zuen beste komunikatu batekin, 1981eko otsailaren 23ko Tejerazo-aren ondoren.

Helburua, begi-bistakoa: monarkia aurkeztea instituzio baliagarri gisa estatua krisian dagoen momentuetan eta espainiarren buruetan sartzen saiatzea orduan urak bere bidera etorri baziren, formula errepikatzea besterik ez dela egin behar. “Erregeak demokrazia salbatu zuen” izan da 81etik errepikatu den mantra. Elefantiosiak eraman zuen agintariari momentu hark 30 urterako sinesgarritasuna eman bazion, Borboi Prestatuenak zergatik ez du jokatuko karta igualekin?

Ba adibidez, kasu hartan Espainiako armadako zati baten estatu-kolpe saiakerari erantzuten ziolako. Alegia, fatxa armatu batzuei. Oraingoan berriz, beren etorkizuna libreki bozkatu nahi dutela eskatzen ari diren herritarrei.

Bi testuinguruak ezagutu gabe 1981eko eta 2017ko erregeen mezuak irakurriz gero, ordea, ez du erraza izan behar bakoitza dagokion monarkaren ahotan kokatzen. Eta hori, glups, kezkatzekoa da.

Tipo gogorrak eta Iñigo Urkullu

Eta astearte gaueko agerraldi monarkikoarekin itxi da igandean bertan Madril emititzen hasi zen mezu ofizialen lehen round-a. Agintarien diskurtsoek narratiba bat osatzeko asmoa baldin badute –eta normalean hala izaten da–, deigarria da telebistan ikusten ari garen pertsonaien dibertsitate falta.

Badirudi espainiar agintari guztiek jokatu nahi dutela Clint Eastwood-en rola pelikula honetan: Urkullu izango ote da "polizia zintzoa"?

Badirudi Espainiako agintari guztiek agertu nahi dutela pantailan Kataluniaren zigortzaile handienak balira bezala. Felipe VI.aren mezuak keinu inplizitua dauka, gainera, jarrera horrekin zalantzak dituztenentzat, PSOErentzat adibidez: Espainiako batasunaren inguruan lerrokatzera deitu du monarkak.

Denek behar dute izan Clint Eastwood, eta hori ondo egongo da “a por ellos” oihuka Harry Callahan bat, bi, mila Harry Callahan eskatzen ari diren espainiar horientzat; baina ez kataluniarrentzat; ezta atzerritarrentzat ere: Europako Batzordea, NBE eta nazioarteko prentsa ia aho batez esaten ari dira biolentziak bukatu behar duela. Eta Clint zaharrari ez zaizkio pertsonaia samurrak ondo ateratzen.

Laburbilduz, asteartearen bukaeran, kataluniarrek Espainiara begiratu dutenean beste leiho bat ixten ikusi dute. Eta Iñigo Urkulluk ere bai: lehendakari funambulistari gertakariak ufadaka datozkio, ekidistantzia geroz eta zailagoa gertatzen zaio. Irailaren hasieran Jaurlaritzak errege-etxea proposatu zuen Generalitatearen eta Moncloaren arteko bitartekaritza-lanerako. Felipe VI.aren mezuaren ondoren, aukera horrek iceberga jo du.

EAEko lehendakaria ez da nabarmenegi geratzearen aldekoa, baina jakinda euskal herritar gehienek Katalunian dutela bihotz politikoa eta bera, aldiz, notizia berririk ez dagoen arte Rajoyren Gobernua babesten ari dela, agian desmarkeren bat egiten saiatuko da, Espainian inork probatu nahi ez duen polizia zintzoaren uniformea jantzita.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Kataluniako erreferenduma

Kataluniako erreferenduma kanaletik interesatuko zaizu...
Puigdemont eta gobernukideen aurkako euroagindua atzera bota du Llarena epaileak

Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.


2018-05-30 | ARGIA
Atzerriko kazetariak, adi honi: Espainiari buruz ondo hitz egiteagatik dirua eman nahi dizue Moncloak

Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen Rajoyren exekutiboaren irudia eta horri aurre egiteko mugimendua dirudi.


Ramˇn Font, USTEC hezkuntza sindikatu katalaneko bozeramailea
"Argitalpenak banatu ditugu irakasleei jakinarazteko ikasgelan politikaz hitz egin daitekeela"

Gorroto-delituagatik inputatuta dauden irakasleez, doktrinamendu salaketez, 155ak Kataluniako eskoletan utzi dituen ondorioez, nazio identitatean hezkuntzak duen rolaz… mintzatu gara Ramón Font irakasle eta USTEC hezkuntza sindikatu katalaneko bozeramailearekin.


2018-02-14 | ARGIA
Mireia Boya CUPeko kidea aske geratu da, kautelazko neurririk gabe

Asteazken goizean deklaratu du Espainiako Auzitegi Gorenean Mireia Boya CUPeko kide eta diputatu ohiak. Matxinada eta sedizio delituak leporatzen zizkioten, baina deklaratu ostean aske geratu da kautelazko neurririk gabe.


2018-01-19 | TV3 Telebista
U-1
MULTIMEDIA - dokumentala

2017ko urriaren batean, Kataluniako Gobernuak independentziari buruzko erreferenduma antolatu zuen. Espainiako Gobernuak debekatu zuen. Bozkaleku batzuetan gertatutakoaren kronika da honakoa. TV3ko Sense Ficció saioan eskaini zuten.

Gidoilaria eta zuzendaria: Lluis Arcarazo
Ekoizlea: Jaume Roures
Muntaia: Ona Bartroli
Musika: Xabier Capellas eta Aldred Tapscott

Itzulpena: EHtikMundura


2018-01-18 | Andoni Mikelarena
87 milioi euroko kostua izan du urriaren 1eko polizia operazioak, Zoidoren arabera

Espainiako Senatuan azalpenak eman ditu ostegun goizean Espainiako Barne Ministroak. Urriaren 1ean indar polizialek izandako jarrera defendatu du, “legitimoa, profesionala eta neurrikoa” izan zela argudiatuta.


2018-01-17 | Andoni Mikelarena
257 pertsonak lesioak salatu dituzte urriaren 1eko karga polizialengatik

Auzitegiek salaketa horietatik 110 artxibatu dituzte, lesio horien egilea ez identifikatzeagatik.


2018-01-05 | La Directa
Urriko lehen eguna
MULTIMEDIA - dokumentala

Kataluniako autodeterminazio erreferendumari buruzko dokumentala argitaratu dute La Directa eta dozenaka herri hedabidek elkarlanean egun hura jorratzeko propio sortutako Agència UOk. Urriaren 1ean hainbat hauteslekutan jasotako testigantzen bidez, Kataluniako historiara igaroko den egunean gertatu zena jorratzen dute.

Oharra: Euskarazko azpidatziak dauzka, eta youtubeko playerrean aktibatu behar dira.


2018-01-03 | Andoni Mikelarena
Kataluniako erreferendumaren aurka poliziak izandako jokabideaz azalpenak emango ditu Zoidok

Urtarrilaren 18an egingo du agerraldia Espainiako Barne ministroak Senatuan. PSOEk eta EH Bilduk egindako eskaerei erantzunez, bere borondatez egingo du agerraldia.  


2017-12-27 | Andoni Mikelarena
CUPeko bi zinegotzi atxilotu dituzte urriaren 1aren harira

Marta Llorens eta Oriol Ciurana, Reuseko zinegotziak biak, atxilotu dituzte Esquadra Mossoek epailearen aginduz. Zinegotziek ez dute onartzen Espainiako justizia eta horregatik ez ziren deklaratzera joan.


Azkenak
EGILEA
Eguneraketa berriak daude