Talde ekologistak arau hauste larrien 17/2005 foru legea martxan jartzeko eskatu dio Nafarroako Gobernuari, baita zigor ekonomikoen zenbatekoa igotzeko ere, "eredugarria" izan dadin.
Artikutzan (Goizueta) isilpean ehizan aritzea "bereziki merke" ateratzen dela salatu du Eguzki talde ekologistak: hiru ehiztariri guztira 3.507 euroko isuna jarri berri diete: 1.002na eurokoa, biri; eta 1.503 eurokoa, lur orotako ibilgailua gidatzen zuenari.
Oiartzuarrak ziren harrapatutako hiru ehiztariak eta legez kanpoko armak zerabiltzaten. Nafarroako Foruzaingoak eta basozainek elkarlanean egindako talde bati esker atzeman zituzten.
Zigor handiagoen eskean
Eguzkik, baina, Nafarroako Gobernua bera salaketan parte hartzeko nahi zuen, eta Exekutiboak uko egin zion aukera horri, isunen aldeko hautua eginez.
Gauzak horrela, talde ekologistak arau hauste larrien 17/2005 foru legea martxan jartzeko eskatu dio Nafarroako Gobernuari, baita zigor ekonomikoen zenbatekoa igotzeko, "eredugarria" izan dadin.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]