Ekotalibanak
Ustez lasaiak diren espazioetan ere hau sinatzen duenak jasotakoak dira hurrengoak: ekotaliban, NIMBY, bobo, kolapsista, negazionista, ekozekena, belarjale... Denek partekatzen dute eremu semantikoa: ekologismoa. Ekologismoaren baitako zenbait pertsonari edo mugimenduri deitzeko moduak horiek. Zenbaitzuk, kolonialismo energetikoaren kontra borrokan ari direnei aplikatzen zaizkie. NIMBY entzuna nuen; berria, ekotaliban.
aurre egingo dieten hedabide independenteak
Izendegiak asko esaten du izendatutakoaz, baina baita izen-emaileaz ere.
Ekotaliban. Ez da ausazkoa eko erroari taliban hitza gehitu izana. Kontzeptuak barnebiltzen dituenak segituan osatzen du izendatuaren profila, eta fundamentalismoari lotuta dago, ezinbestean. Euskaltzaindiaren definizioak dio: Erlijio baten testuen edo doktrina baten arauen interpretazio eta aplikazio hertsi eta zorrotzaren aldeko mugimendua edo doktrina.
"Hotzikara sortzen du inork zu talibantzat hartzeak. Min egiten du. Izatekotan, nahiago nuke 'ekologista erradikala', sustraiari aipamena egiten dion heinean"
Taliban hitzaren unibertsoa iluna baino ilunagoa da, atzerakoa ematen du. Hotzikara sortzen du inork zu talibantzat hartzeak, egia esan. Min egiten du. Izatekotan, nahiago nuke ekologista erradikala, sustraiari aipamena egiten dion heinean. Sustraietara jotzeak esentziara joateko bidea markatzen duelako. Muinean galderak daudelako: zergatik, zertarako, nork, nori, nor... eta galdera-erantzunen jolasean definitzen baitira bidearen helmuga eta nolakotasuna. Jolas horrek laguntzen dizu koherentziaren utopian urratsak ematen. Horregatik duzu munduan egoteko manera hori; horregatik, onartzen dituzu bizitza posiblea egiten duten mugak.
Zein litzateke, ordea, ekotalibanaren antonimoa? Axaleko? Buruarin? Axolagabe? Sakona ez dena, azalean dagoena. Pertsonez mintzatuz, burua arina duena, zentzu gutxikoa dena. Gauzez behar den axola edo ardura ez duena; gauzak edo gauza jakin bat axola ez zaizkiona.
Ez dut neure burua borroka horretan ikusten. Ez naiz ausartzen inor hitzokin izendatzera. Besteak beste, pertsona bakoitzak, gauden krisi egoeran egonda, nahiko lan daukalako bere korapiloak eta ezinak askatzen, bere kontraesanak digeritzen eta bere beldurrak atenditzen. Puntu jakin batean, akaso, helduko da sentitzera kolonialismo energetikoari (ere) dagokionez, kolonialismo horren (ustezko) abantailak jasoko dituela eta kalteak-edo ez daudela edo beste batzuen ortzimugan izango direla.
Komunitate bat dinamika suntsitzaile horretan murgiltzea izugarri arriskutsua iruditzen zait. Arduragabekeria, makinaria hori martxan jartzea helburuak politiko, ekonomiko edo bestelakoak izanik; are gehiago, bizi dugun eta gaituen testuinguruan.
"Zailtasunik handiena da elkarrekin modu bat esplotazioan oinarritzen den eredu produktiboa sustraietatik eraldatzeko"
Zailtasunik handiena da elkarrekin modu bat asmatzea pertsonen esplotazioan, estraktibismoan eta jatorrizko lurraldeetatik pertsonen kanporatzean oinarritzen den eredu produktiboa sustraietatik eraldatzeko; inor atzean utzi gabe eta pertsona guztientzat, izan hemen edo han, bizitza desiragarriak eta bizigarriak eraikitzea. Betiere, kontuan izanda hori guztia izango bada, etorriko dela lurrean bizi diren gainontzeko izakiekin batera; elkarren menpekoak garela.
Horregatik, ezin diogu geure buruari tranpa egin, eta diagnostikoa beltzegia atera zaigulako, azukrea bota eta plangintza gozoan oinarrituta eratu. Arazoa ez da teknologikoa; arazoa soziala, kulturala eta fisikoa da, besteak beste.
Nola adierazi sustrairik gabe ez dagoela zuhaitzik?
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Eguna mozten hasten den hilabetea, ekaina. Festa aparretan gabiltza baina xorro-xorro, hau esku artean duzunerako dagoeneko hamalau minutu moztu da egun argia. Gu gure eroan, batzuek bere txoroan, ez gara jabetzen baina landareak bai ederki asko! Eguna mozten hasi da eta ez dio... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Sugea eta eguzkia: pertsona askoren buruan banandu ezinak diren bi hitz. Sugea entzuten dugun aldiro, egun bero eta argi bat irudikatzen dugu. Buruak hala funtzionatzen baitu: asoziazio horiek egiten ditu duen informazioarekin. Eta ez da arraroa, bestalde; izan ere, sugeak... [+]
Ukenduak egiten dituen orok solstizio bueltako data hauetan zeruari begiratu dio: bateko beroa eta besteko ekaitzak, sendabelarrak noiz bildu erabakitzen komeriak izan dira. Ikusten denez, San Joan eguna ez da edozein egun, indar eta sinbolismo bereziko eguna dugu. Edozein... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
Portugaletera bazoazte, autobidea utzi eta hiriko sarrerako bi erreiko bide bazterrean 40 ardiko artaldea ikusiko duzue agian. Makilarekin zaindari dute alboan artzaina, iluntzetan itxituran sartu eta egunez pisu-lantegi arteko zelaietan bazkatzen du artaldea. Bere izena izan... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Interkonexio Elektrikorik Ez plataformak dei egin die herritar guztiei ostiralean, uztailak 4, proiektuaren aurka mobilizatzera.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
2006az geroztik EAEn martxan jarriko den lehen parke eolikoa izango da, 59 milioi euroko inbertsio publiko-pribatuarekin abiatuko dena. Siemens Gamesak eraikitako zortzi aerosorgailu izango ditu, bakoitzak bost megawatt ekoitziko dituelarik –30.000 etxe hornitzeko... [+]
EHUko Ekopol ikerketa taldearen datuen arabera, Bizkaia da Euskal Herrian ingurumen inpaktu handiena eragiten duen lurraldea, guztizkoaren %52 izanda. Euskal Herrian ingurumen-inpaktu handiena duten 25 industria-instalazioen artean, Muskizeko Petronor petrolio-findegia da... [+]