Ezker abertzaleak bere posizio politikotik ETAren biktimei eragindako minaz autokritika egin du
"Ezker abertzaleak bere adierazpen edo jarreren bitartez, zenbaitetan ETAren jarduerek eragindako minarekiko sentikortasunik eza irudika zezakeela onartzen du eta bere jarrera politikoarekin nahi gabe gehitu duen mina sentitzen du". Maribi Ugarteburu ezker abertzaleko kideak Donostiako Kursaalean egindako ekitaldian aurkeztutako "Konponbide haizea dabil" dokumentua (PDF) aurkeztu zuen.
Ezker abertzaleak biktimen artean hierarkizaziorik ez egiteko eskatu zuen, eta zenbait proposamen egin zituen. Alde batetik, "egoera hau lagunduko lukeen justizia trantsizional" bat, eta bestetik, izaera independentea eta nazioartekoa lukeen Egiaren Batzorde bat.
"Onartzen dugu ezker abertzaleari alde bateko biktimekiko erakutsitako sentsibilizazio maila falta izan zaiola beste aldeko biktimekiko. Itzulingururik gabe onartzen dugu eta espero dugu adierazpen hau erakutsi dugun zintzotasun espiritu berarekin onartua izan dadin". Testuinguru honetan, ezker abertzaleak uste du "Espainiako eta Frantziako estatuek ere Euskal Herriko milaka gizon-emakumeri sufrituarazitako mina" aitortu behar dutela. Honez gain, azpimarratu zuten inongo indar politikok ezin duela gatazka honetan izandako erantzukizuna alde batera utzi.
Bi ordu inguru iraun zuen ekitaldian salatu zuten, bestalde, ETAk bere jarduera armatua amaitutzat eman arren, horrek ez duela "indarkeria guztien amaiera" ekarri, eta presoak Euskal Herrira hurbiltzeko eskatu zuten, eta Euskal Herriaren autodeterminazio eskubidea onartzea ezinbestekotzat jo zuten, herritarrek beren etorkizunaz libre erabaki dezaten.
Ezker abertzaleko kideez gain, EA, Aralar, Alternatiba, LAB, Sinn Fein eta ANCko kideak ere bertaratu ziren.
Dokumentua osorik hemen irakur daiteke:
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]