Euskara doan ikasteko proposamena egin dio Kontseiluak Eusko Jaurlaritzari

  • Azterketa gainditzeko beharrik ez izatea eskatu du sektoreak, alegia, doan ikasteko %75eko asistentzia nahikoa izatea.

ARGIA @argia
2017ko uztailaren 05a
Helduen euskalduntze sektorea proposamena aurkezten. Argazkia: Kontseilua.

Eusko Jaurlaritzari egindako proposamenean lau ideia nagusi daude. Lehenik, eskatzen dute euskalduntze prozesu osoari laguntzea eta ez soilik erabiltzaileari. Bigarrenik, ikasleek doan ikasi ahal izango dute baldin eta aprobetxamendua bermatuko balitz, hau da, asistentzia %75era iritsiko balitz. Sekula bukatuko ez den euskalduntze prozesua izan ez dadin muga 2.000 ikastordu-kreditutan jartzea proposatzen dute. Hirugarrenik, eskumena Eusko Jaurlaritzak izan beharko luke, HABEren bidez. Gaur egun, euskara ikasteko beka eta diru-laguntza sistema konplexua da. Esan nahi da ez dagoela batasunik eta udal, foru aldundi eta Eusko Jaurlaritza mailako diru-laguntzak daude. Bakoitzak bere irizpideak ditu. Lasai asko gerta daiteke udalerri batean doan ikasteko aukera izatea eta beste herri batean ez. Laugarrenik, sektoreak inbertsio ekonomiko egokiak eskatu ditu eta inbertsio horren zatirik handiena Eusko Jaurlaritzak egin beharko lukeela dio.

EAJ eta PSE-EE alderdien gobernu itunean doakotasuna jasota dago. Jaurlaritzak esana du 1.250.000 euro bideratuko dituela zeregin horretara. Jaurlaritzak eta sektoreak jarritako irizpideen artean badira bi diferentzia nabarmen. Jaurlaritzak doan ikastea B2 maila lortu arte proposatzen du eta beti ere azterketa gainditzen baldin badu ikasleak. Sektoreak maila guztietara zabaltzea eskatzen du eta azterketa gainditu baino aprobetxamenduari lotzea.

Proposamena Kontseiluko eragileek (AEK, IKA, Maizpide, Urrats eta Hitzez euskaltegiak) eta beste hainbatek egin dute: Ilazki, Legazpi 6, Mikelats, Udaberria, Gabriel Aresti, Juan Mateo Zabala, Bilbo Zaharra, Bai and By, Gotzon Garitaonandia, Labayru eta Hegoalde.

Kanal honetan artxibatua: Helduen euskalduntze alfabetatzea

Helduen euskalduntze alfabetatzea kanaletik interesatuko zaizu...
2017-07-06 | Udaltop topaketak
Euskaldunak aktibatzeko esperientzien jarraipena nola egin?
MULTIMEDIA - solasaldia

2017ko Udaltop jardunaldien barruan egindako mahai-ingurua: Onintza Irureta (Argia), Aitziber Gurutzeaga (Egia euskaraz), Aitzol Perez de San Roman (Lau Haizetara), Karmelo Ayesta (Abarrak Euskara Elkartea).


Lili baten truke

Damian K. errotik zen euskaltzalea. Kirolari izana, berandu arte forma fisiko harrigarri baten jabe, laurogeitaka urteko aiton abertzaleak euskaraz hitz egingo zizun edonon, zer esanik urrundik bada ere familiakoak ginenokin ari bazen.


AEK Jendea: Kubatik etorritako Leo Turi˝o
MULTIMEDIA - elkarrizketa

Izena eta aurpegia jarri dizkiete AEKn bizi-esperientzia aparta izan duten pertsona horiei. 2016an, Lasarte-Oriako Juanma Iturriondo ezagutu genuen; aurten, aldiz, Kubatik etorritako Leo Turiño Aguila.


Doakotasuna agenda politikoan

Betiko aldarrikapena da: herritarrek euskara doan ikasteko aukera izan dezatela. Gauzatzetik urrun dago, baina badirudi EAEko Hizkuntza Politikarako Sailburuordetzak 2017-2018 ikasturtean pauso sendoa emateko asmoa duela: B2 mailara arte doan izango da. Horretarako baldintza ordea, ez da askoren gustukoa: matrikula ikasleak ordaindu behar du eta azterketa gaindituz gero soilik itzuliko zaio dirua.


BatZuk. Euskararen lau aurpegi
MULTIMEDIA - dokumentala

AEK-k eta Hiru Damatxo Ideia Faktoriak 20. Korrikarentzat egindako dokumental honek lau protagonista ditu, lau euskaldun berri: Maika Etxekopar, Dani Alvarez, Elena Caballero eta Ander Larunbe. Beste askoren artean, euskararekin harremana duten lau lagun dira, euskararen lau aurpegi.

Euskal Herrian, hainbat modu daude euskara eta hizkuntzak bizitzeko, pertsona bakoitzeko bat, BatZUK: zenbait elkarren oso antzekoak, beste zenbait ia antagonikoak. Lan honetan, horietako lau ezagutuko ditugu;... [+]


2017-02-28 | Ruben Sanchez
Hori bizitza guztia hemen eta ez du euskara ikasi

Ez dut gogoan esaldi hori neuk bota izana, baina maiz entzun dut eta buruaz igorleari arrazoia emango nion batzuetan seguruena. Zenbat denbora eta euskara-ikasle potentzial galdu dugu euskaldunok era horretako esaldietan?


2017-01-04 | Zebrabidea
"Esfortzua eskatzen du euskaraz ikasteak, baina jendeak baloratzen du"

Tarana Karim Azerbaijanen jaio bazen ere, Hernialden bizi da. Tolosaldean dagoen emakume aniztasuna islatzeko proiektuetan parte hartu izan du, batik bat gizarteari begira, jendeak kalean ikus dezan, jakin dezan, gizartearen parte direla.


2016-11-30 | Uriola.eus
"Lortu dugu talde gehienak batzea eta Bilboko berbalagunen sarea sortzea"

2016/17 ikasturtea abiatu dute Bilboko berbalagunek ere. 50 taldetik gora daude Bilbo osoan eta talde horietan, gutxi gorabehera, 300 bat lagunek parte hartzen dute astean behin, gutxienez, ordubetez euskaraz mintzapraktika egiten. Taldeak sare berean batu dira dinamizazio eta koordinazio lan handiari esker. Gehiago hazteko, finantziazioa behar dute. Hori dela eta, konpromiso “handiagoa” eskatu diote Bilboko Udalari.


2016-10-09 | Dani Blanco
Euskaraz bizi nahi dugu

AEK-k antolatutako barnetegi ibiltarian 36 lagun bildu ziren uztailean. 15 egun, 350 kilometro, Muskizetik Ezpeletara. Euskara maila politekoak denak, etengabe euskaraz aritzeko irrikaz. Kide horietako bat izan zen ARGIAko Dani Blanco argazkilaria. Argazkiak egin zituen, nola ez, eta bere gogoetak ere ekarri ditu hona.


2016-09-14 | Erran .eus
Ikasturte honetatik aurrera euskara ikastea debalde izanen da Bortzirietan

Euskarara doan bidea kanpaina abiatu du Bortzirietako Euskara Mankomunitateak; euskara ikastea unibertsala eta doakoa izatea ahalbidetuko duena. Bortzirietan errol­datua egon eta 16 urtetik gora dituztenei zuzenduta daude laguntza hauek, euskalduntzen, alfabetatzen eta euskara maila hobetzen ari direnei.


Azkenak
EGILEA
Eguneraketa berriak daude