"Esperimentu totalitarioari" aurre egiteko greba orokorraren premia nabarmendu du Muņozek

  • Adolfo Muñoz ELAko idazkari nagusiak greba orokorra ezinbestekoa dela esan du hedabideetara igorritako artikulu batean, Greba orokorrerako arrazoiak izenburupean. “Soziala den guztia eraisteko erabakiei” erantzun ahal izateko beharrezkoa dela argudiatu du. Muñoz ez da iritsi greba deitzera, baina horretarako bidea prest utzi du.

Lide Hernando @lidehernando
2013ko apirilaren 04a
Adolfo Muņozek greba orokorra ezinbestekoa dela esan du (argazkia: noticiasdenavarra.com)

Zazpi arrazoitan bildu du agiria: Pentsioen beste erreforma bat behar dela, aurrekontu publikoak eta enplegua, paradisu fiskalen ereduak porrot egin izana, pairatzen ari garen soldaten jaitsiera lazgarria, patronal erreakzionarioa, demokraziaren azken urteotako ustelkeria eta mobilizazio sindikal eta sozialerako beharra.

“Esperimentu totalitario bat pairatzen ari gara, pobreen gerra egin nahi dute” dio gutunean. Mobilizazioaren beharra aipatu du: “Gobernuek herritarren presioa nabaritu behar dute, bestelako politikak egitera behartuta egon daitezen”.

Patronalek “lotsa galdu” dutela dio, adibide bezala Confebaskek “Urkulluren aurrekontuan gehiegizko gastu soziala” aurreikusi zuela esanez. “Patronal honi gobernuek nahi duten guztia ematen diote”, esan du bestalde. Horren aurrean protesta egiteko, sindikatua defentsa kolektiborako tresna dela inoiz baino gehiago aldarrikatu behar dela ere esan du. Gizarte mugimenduen indarra ere handia eta ezinbestekoa dela aipatu du.

Horrez gain, Hego Euskal Herriko politika PPk erabakitzen duela argudiatu du Muñozek. Alderdi popularraren neozentralismo eta neoliberalismoari kontra egiteko eskatu die Hegoaldeko gobernuei, “politika horrek gero eta jende gehiago pobreziara daramalako. Justizia kontua da”.

Kanal hauetan artxibatua: ELA  |  Ekonomia krisia  |  Murrizketak

ELA kanaletik interesatuko zaizu...
2018-06-20 | ELA sindikatua
EAEko gizarte-ekimeneko ikastetxeetan sei greba egun gehiago deitu dituzte sindikatuek

"Bi greba-egunei egindako jarraipen zabala ikusita, eta gizarte-ekimeneko ikastetxeetako patronalak bertan geldirik daudenez, ez digute beste biderik utzi grebak eta mobilizazioak areagotzea baino", adierazi du ELA sindikatuak.


Gizon eta emakumeen arteko soldata arrakala gainditzeko proposamenak egin dituzte ELAk eta LABek

ELA sindikatuak uste du posible dela norabide egokia hartzea eta horretarako beharrezkoa dena, borondatea dela. LABek gaineratu du beste eredu berri baten beharra dagoela, pertsonen beharrei erantzuten duen sistema bat eta ez irabaziak maximizatzeko sistema bat.


2018-06-07 | Nahia Ibarzabal
Lau azterketa eten ditu Osakidetzak

Susmopean dauden espezialitateetako lau azterketak bertan behera geldituko direla jakinarazi du Osakidetzak. Gainerako espezialitateetako probak egiten jarraituko dute.


2018-06-06 | ARGIA
Osakidetzako oposizioetan egindako tranpak fiskaltzaren esku jarriko dituzte sindikatuek

LAB, ESK, ELA eta CCOO sindikatuek fiskaltzara jo dute edo joko dutela iragarri dute, Osakidetzako oposizioetan izandako irregulartasunak ikertu ditzatela eskatzeko. Zenbait medikuri oposizioetako azterketak aldez aurretik pasa zizkietela pentsatzeko motibo asko daude, ezohiko emaitzak ikusita.


Sindikatuen grebarako ultimatumak lan-hitzarmena blindatzera derrigortu du Gipuzkoako eraikuntzako patronala

Sektoreko 17.000 langilek 2009tik honako eros-ahalmena berreskuratu ahal izango dute eta lan-hitzarmenak ultraaktibitate mugagabea izango du. Betetzen ez den kasuetarako jarraipen batzordea eratuko dute langileei zuzenean ordaintzeko.


ETAren ostean, zer?

ELAk urrats historiko eta positibotzat jotzen du ETA desegin izana. Behin iritsi delarik hainbeste kosta izan den ziklo honen itxiera, konpondu beharreko gai garrantzitsuak daude ebazteko: normalizazio politikoa, biktimak, presoak, estatus politikoa...


EAEko hezkuntza publikoak badu aurre-akordioa

EAEko irakaskuntza publikoko baldintzak hobetzea helburu izan duten urtebeteko mobilizazioen ostean, LAB, STEILAS, CCOO eta UGTk aurre-akordioa sinatu dute Eusko Jaurlaritzarekin. ELA sindikatuak ez du bat egin aurre-akordioarekin eta mobilizazioekin jarraitzeko asmoa agertu du.


2018-05-14
Mikel Noval / Xabi Irastorza
Katedra ez den "Confebask Katedra"

Pasa den maiatzaren 3an UPV/EHUko Ekonomia eta Enpresa Fakultatean “Lan-harreman eredu berriaren garapenerako Confebask Katedraren aurkezpena” egin zen, aldez aurretik dekanotzat irakasle eta ikasle bertaratzeko deialdia zehatza egin ondoren. Uztailaren 17an EHUren Uda Ikastaroetan “Confebask, EHU, Deustuko Unibertsitatea eta Mondragon Unibertsitatearen artean eratu duten Unibertsitate/Enpresa Katedraren helburuak eta hauen azalpen eta testuingurua” landuko dela dio.


2018-04-19 | ARGIA
Lanbidearteko Akordioaren kontrako inpugnazioa kenduko du Espainiako patronalak, ELArekin adostuta

Espainiako Estatuko errestaurazioko FEADRS patronalak euskal esparruko Lanbidearteko Akordioaren kontra jarrita zeukan demanda kendu egingo du, ostegunean ELA sindikatuarekin bildu ostean. Bi aldeek adostu dute negoziazio fase bati ekitea sukaldaritza arloan dagoen gatazkari irtenbidea emateko eragile guztien artean, tartean EAEko patronalak eta sindikatuak.


Hezkuntza Sailarekin ez dute akordiorik lortu sindikatuek

Unibertsitatez kanpoko EAEko hezkuntza publikoan baldintzak hobetzeko negoziaketetan, bilera egin dute apirilaren 18an Eusko Jaurlaritzak eta sindikatuek. LABen esanetan, administrazioak urratsak eman ditu, baina funtsezko hainbat gaitan ez. STEILASek dio Hezkuntza Sailaren proposamenak garapena eta bermeak behar dituela eta ELArentzat, euren proposamenetatik oso urrun dago Jaurlaritzaren eskaintza, eta "mobilizazio eta grebak berreskuratzea beste aukerarik ez dugu".


Azkenak
EGILEA
Eguneraketa berriak daude