Espainiar armadako jenerala hizlari EHUko Udako Ikastaroetan

  • Zeresan ugari eragin du EHUko Udako Ikastaroen barruan irailaren 4 eta 5ean egindako Europaren segurtasuna eta defentsa saioak. Gutxienez Espainiako ejertzitoko bost militarrek hartu dute parte horretan. Lehenbiziko hizlaria Juan Antonio Moliner Lurreko Armadako jenerala izan zen, astelehen goizean.

ARGIA @argia
2017ko irailaren 05a
Juan Antonio Moliner Espainiako armadako jenerala, hitzaldia ematen. (Arg.: EHUko Udako Ikastaroak)

Uniformea jantzita jardun zuen Molinerrek Donostiako Miramar Jauregian. Berria egunkariak dakarrenez, Espainiaren interesak nazioartean babesteko, diplomazia ez ezik, “gihar militarra” ere beharrezkoa dela esan zuen Molinerrek. Nazioarteko misioetan soldadu gehien duen bigarren estatua Espainia dela nabarmendu zuen, halaber.

Ikastaroaren laguntzaileen arean Espainiako Gobernua eta Defentsa Politikako Idazkaritza ageri dira, EHUk hura iragartzeko duen webgunean –gaztelania hutsez– irakur daitekeenez. Mintzagai izan dira, besteak beste, NATOren eta Europar Batasunaren lankidetza, Europako Defentsa Plana eta segurtasun eta defentsa arloan Europako Kontseiluak emandako azken aginduak.

“Krisi ugari ari dira EBren integrazio prozesuari mehatxu egiten”, dio ikastaroaren aurkezpenak; “horiei eta [Batasunaren] erronka estrukturalei aurre egitea premiazkoa da etorkizun ez oso urrun batean arazorik eduki nahi ez badugu”.  

Kanal hauetan artxibatua: Espainiako armada  |  Europar Batasuna  |  Donostia  |  NATO  |  EHU

Espainiako armada kanaletik interesatuko zaizu...
Bonbak, berriz ere Bardean

Azaroaren 8an, 9an eta 10ean benetako munizioarekin eginen dituzte maniobra militarrak Bardeako Tiro Poligonoan. Tiro Poligonoaren Kontrako taldeak elkarretaratzea eginen du larunbatean Tuteran. 


2017-11-03 | Axier Lopez
Espainiako militarrek 1936ko gerran hildako frankistei omenaldia egin diete Donostian

Azaroaren 2an, Donostiako Polloeko hilerrian Espainiko hainbat militatarrek lore eskaintza egin dute 1936ko gudan hil ziren frankisten omenez. EH Bilduko senatari Jon Iñarrituk eman du ekitaldiaren berri.


2017-10-27 | Miren Osa Galdona
Espainiako armadak elkarte frankista baten gastuak ordaintzen ditu

AME Espainiako Militarren Erakundeak egoitza ofiziala Espainiako armadaren eraikin batean du. Frankismoa defendatzeagatik da ezaguna elkartea eta alokairua nahiz argia dohainik uzten dizkie Defentsa Ministerioak, gainontzeko elkarte militarrei ez bezala.


2017-10-11 | Uriola.eus
Bi mobilizazio deialdi egin dituzte Bilbon urriaren 12a dela-eta

Deialdi biak Plaza Eliptikoan izango dira, eguerdi partean. Lehenengoa Amnistiaren aldeko mugimenduaren Alde Hemendik manifestazioa da, bigarrena, berriz, herri mugimenduak Kataluniaren independentzia prozesuari babesa emateko deialdia.


2017-09-07 | Xalba Ramirez
Saudi Arabiari armak sekretupean saltzeko neurria adostu dute PPk, PSOEk eta Ciudadanosek

Espainiako Estatuko Buletin Ofizialak jasotzen du Espainiako Erreinuak eta Saudi Arabiak egiten dituzten tratu militarrak sekretupean mantendu behar direla. PP, PSOE eta Ciudadanosen babesarekin onartu zen neurria 2016an eta abuztutik indarrean da.


2017-08-30 | Estitxu Eizagirre
Sener euskal enpresa ari da Espainiako armadako helikopteroak berritzen

Uztail amaieran entregatu zion Espainiako armadari Senerrek laugarren Agusta Bell 212 helikoptero berritua, Babcock enpresarekin batera egindako ABEEaren emaitza. Beste bi helikoptero 2017-2018 epean bukatuko ditu eta guztira 21 milioi euro eskuratuko ditu. Helikoptero hauek Libiako fragatetan erabiltzen ari da armada.


2017-06-08 | ARGIA
"Ospa eguna" antolatu dute Donostiako Egia auzoan, poliziari joan dadin eskatzeko

Antolatzaileen esanetan, "azken urteetan normaltasun egoera bat eman da indar armatuei dagokienez", erreferentzia eginez militarren eta Espainiako Poliziaren presentzia geroz eta ohikoagoari. Presentzia horren kontrako eguna antolatu dute ekainaren 17an.


Espainiako Estatuak hiru milioi euro gastatu ditu Indar Armatuen apaiz eta elizetan

Espainiako Estatuak militarrei asistentzia erlijiosoa ematen die eta diru publikoarekin ordaintzen du. 2016an 2,7 milioi euro gastatu zituzten apaizen soldatetan eta 231.000 euro elizen mantentze-lanetan, eldiario.es-ek jaso duenez.


2017-03-15 | ARGIA
Militarrek antolatutako lasterketa faltsu baten kartelek haserrea eragin dute Donostian

Donostiako leku ugaritan dozenaka kartel agertu dira asteazken goizean, ustez Espainiako Barne Ministerioak eta Espainiako Infanteriak apirilerako antolatutako lasterketa baten berri emanez. Whatsapp bidez zabaldu dira zeuden kartelen argazkiak, sare sozial publikoetara salto egin aurretik. Beste askoren artean, lasterketaren babesle gisa agertzen den Donostiako Udalak eguerdian gezurtatu egin du berria. Ez du inork bere gain hartu ekintza.


2017-03-15 | ARGIA
Espainiako Armada historia militarrari buruzko zikloa egiten ari da Donostian

Espainiako Armadak EAEn duen Defentsa Delegazioak, martxoaren 3tik 26ra Espainiako Historia Militarrari buruzko zikloa antolatu du Donostian. Garibai kaleko 19. zenbakian, Aita Arrue aretoan hitzaldi zikloa egiten ari dira asteazkenetan.


Azkenak
EGILEA
Eguneraketa berriak daude