Pasa den astelehenean, sua piztu zen Bardean, eta Poligonoaren Aurkako Asanbladak Espainiako armadaren maniobra militarrei egotzi die ezbeharra.
Poligonoaren Aurkako Asanbladak agiri baten bidez adierazi du “aurreikusteko moduko ondorioa” zela kontserbazio bereziko gune batean Tiroketa Poligono bat ezartzean. Astelehenean hasita, ostiralera arte, tiro eta bonbardaketa praktikak programatu ditu Espainiako Armadak Bardean.
Taldearentzat “ulertezina” da militarrek ingurunearentzat “hain kaltegarriak” diren maniobrak egin ahal izatea halako interes bereziko gune batean. Izan ere, gogorarazi zuten ingurune horretan dagoela Portugalgo pirripioa (Alondra de Dupont) hegaztiaren Nafarroako populazio bakarrenetako bat, eta bertan bizi diren beste hegazti eta landaredi, intsektu eta anfibioak ere kalteak jasango zituztela ohartarazi dute.
“Beste behin ere” Espainiako armadak benetako munizioarekin jarduten duela salatu du asanbladak: “Leherkaririk gabeko maniobrak arriskutsuak baldin badira, benetako munizioarekin egindakoak are gehiago”. Gainera, indar armatuen “erabateko isiltasuna” gaitzetsi dute suteen eta salaketen inguruan, eta informazioa eta azalpenak eskatu dizkie “herritarren kezkaren aurrean”.
Halako maniobrek gerrak sortzen dituztela gogorarazi dute, eta ez dutela “bakearen alde” egiten. Bestalde, suteei “diru publikoz aurre egin beharra” salatu dute.
Azken asteko ezbeharren aurrean, erantzukizunak eta irtenbideak eskatu dizkiete Tiroketa Poligonoa hitzartuta dutenei: Bardeako batzarrari eta Espainiako Defentsa Ministerioari, alegia. Modu berean, esku hartze handiagoa exijitu diete Nafarroako eta Aragoiko Gobernuei ere.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]