Belaguako kuarteleko lurzorua garbi itzuli beharko dio Defentsak Erronkari Ibarrari

  • Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.


2023ko otsailaren 10an - 13:23
Azken eguneraketa: 16:47
Argazkia: Diario de Noticias

Erronkariko Ibarrak 1980an utzi zizkion lurrak Espainiako Armadari, 2005a arte. Data heldu zenean, armadak kuarteletik alde egin zuen eta lurrak itzuli nahi izan zizkion bailarari. Batzorde Nagusiak, ordea, ez zuen onartu, hark lurrak erabat garbi utzi zizkiolako armadari, eta honek kuartelaren eraikina egoera txarrean eta bertako jarduera dela eta, ingurunea kutsatuta itzuli nahi zizkiolako.

Ondoren, lurren itzulerari buruzko desadostasunak medio, epaitegietan aritu dira bi aldeak. Dagoeneko 2013ko epai batek behartu zuen Defentsa Ministerioa lurrak 1980an jaso zituen bezala itzultzera, baina armadak ez du orain arte epaia bete. Iragan urtarrilekoa da azken epaia, eta agindu bera ematen dio Defentsa Ministerioari. Honek, beraz, eraikin militarra eraitsi beharko du, kutsatutako eremuak garbitu eta lurra garbi itzul diezaion Erronkari Ibarreko Batzorde Nagusiari.

Aurrekariak eta orain arte Espainiako Armadaren jarrera txarra ikusita, Bel Pozueta EH Bilduko diputatuak aste honetan galdetu dio Margarita Robles Defentsa ministroari, ea “zein kronograma jarraituko duen ministerioak babeslekua egoera egokian itzultzeko”, eta ea zer lan egingo dituen lurzoruak "kutsadurarik gabe eta gasolio-biltegietako eta hobi septikoetako hondakinik gabe”.

 

 


Kanal honetatik interesatuko zaizu: Espainiako armada
Carlos Fonseca kazetaria
“O-23ko estatu kolpean, erregeak jeneral bati baimena eman zion kontzentrazio gobernua osatzeko”

Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]


Hiru militar atxilotu eta ondoren aske utzi dituzte gazte bat jipoitzeagatik Iruñeko Alde Zaharrean

Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.


Benetako bonbekin maniobra militarrak egiten ari dira Bardean

Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]


2023-01-09 | Mati Iturralde
Zenbakiak

2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―,  eta... [+]


Eguneraketa berriak daude