Espainiako Konstituzio Auzitegiak zilegitzat jo du energia berriztagarrientzako diru-sariak murrizten dituen 2013ko dekretua. Epaia abenduaren 17koa da eta abenduaren 23an zabaldu zen publikoki, baina urtarrilaren 13ra arte ez da haren testu osoa argitara eman. Espainiar Gobernuaren energi erreformak kaltetutakoek Europako Justizia Auzitegiaren erabakiari itxaron beharko diote.
PPren gobernuak bultzatutako erreformaren gakoetako bat 9/2103 errege dekretua da. Haren arabera, murriztu egin ziren energia berriztagarrien ekoizleei –besteak beste– ematen zitzaizkien ordainsariak, argindarraren tarifa gehiegi gizentzen zutela argudiatuta. Neurriak milaka inbertsiogile eta ekoizleri egin zien kalte, eta Espainiako Gobernuaren aurkako prozedura judizial asko eragin zuen.
Espainiako Auzitegi Gorenean 500 helegitetik gora aurkeztu ziren aipatutako dekretuaren aurka. Abenduaren 21ean, auzitegi horrek zalantzan jarri zuen PPren erreformaren zenbait alderdik Espainiako Konstituzioarekin bat egiten ote zuten. Alta, Konstituzio Auzitegiak abenduaren 17an hartua zuen erabakia: 9/2013 dekretua ontzat jotzea. Azpimarratzekoa da PPren esku dagoen Murtziako Gobernuaren helegite bati erantzunez eman zuela epaia Konstituzionalak.
Epaiak arrazoi ematen dio Espainiako Gobernuaren argudio nagusiari: krisiaren ondorioz ustekabean handitu zen tarifa-defizita, eta horri aurre egiteko neurriak hartu behar ziren. Salaketa ipini dutenen ustez, segurtasun juridiko printzipioa urratu da, baina auzitegiak esan du araudia aldatzea zilegi dela “interes orokorreko” arrazoiak badira. Epaileek emandako argudioak ahultzat jo dituzte askok, epaiaren aurkako botr partikularra eman duten Auzitegi bereko hiru epaileek barne.
Konstituzionalak dio, halaber, operadoreek gai izan behar zutela erreforma aurreikusteko, espero baitzitekeen halako zerbait gertatuko zela. “Aktibitatea 2011n hasi zuen ekoizle baten kasuan, esaterako, baliteke hala izatea, baina bere instalazioa 2007 edo 2008an, Estatuko Aldizkari Ofizialarekin berme eta guzti, ipini zuen norbaitek inola ere ezingo zuen aurreikusi zer nolako araudi aldaketak gertatuko ziren”, dio milaka kalteturen interesak defendatzen dituen Daniel Pérez abokatuak.
Luxenburgoko Auzitegiak dekretuaz esango duenaren zain daude, honenbestez, Espainiako Gobernuaren aurkako salaketa jarri zutenek. Horien artean, beste herrialde batzuetako zenbait konpainia handi.
Solaria enpresaren Zierbena 2, 3 eta 4 proiektuak lurraldean luketen eragina “onartezina” dela diote aldundiaren txostenek. Jaurlaritzak hartuko du azken erabakia, behin alegazio epea amaituta. Solariak gutxienez 25 parke fotovoltaiko ezarri nahi ditu Araban. Urrian... [+]
Green Capital izeneko enpresak Zizurkil eta Usurbil udalerrietako lurretan ezarri nahi duen Ezkeltzu izeneko zentral eolikoak badu neurriko oztopo bat: Aire Segurtasuneko Estatu Agentzia (AESA). Antza denez, hegazkinek "maniobra-aldaketa interferitua" egiten dute... [+]
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Eusko Jaurlaritzako datuen arabera, Solaria Eguzki Sorkuntza SLU-k Araban eguzki-zentralak jartzeko egin dituen eskaerak 25 dira, hamabi herriri eragiten diotenak. Horietatik 24 dira 49,89 MW-ko potentzia edo gehiagokoak: denen artean 1.234 MW baino gehiago batuko lituzkete eta... [+]
Haize-erroten eta eguzki-plaken ezarpen zabalarekin kezkatuta, populazioa "espekulazio energetiko" gisa kalifikatzen duen joera bati aurre egiten ari da.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Dimako Udalaren atzen osoko bilkuran, garagarrilaren 17an, Dimener Dimako Energia Barriztagarrien Komunitatearen estatutuak onartu eta Udala alkartearen kide laguntzaile izatea eztabaidatu eta onartu zen.
Solaria multinazionalak 100 hektareako parke fotovoltaikoa eta eskualdea zeharkatuko lukeen Oso Goi Tentsioko Linea eraiki nahi ditu Arabako Gorbeialdean. Herritarrak aurka antolatu dira eta ekimen jendetsu ugari burutu dute denbora gutxian. Baina Gorbeialdeakoa Solariak Araban... [+]
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Toki-administrazioek zalantzan jarri dute ingurumen-inpaktuaren azterketa, eta ohartarazi dute ingurumenean eragin larria izango duela eta baterako azterketa egin beharko dela etorkizuneko proiektuetarako.
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Esnatze horretan hainbat kausa elkartzen dira, eta lurraldean sakabanatuta dauden herrien erresistentzia-ahalmenak bete-betean erantzuten die. Joan den larunbatean, aldarrikapen horien inguruan manifestazio jendetsua egin zen Gasteizen. Kalean frogatu zen berriro posible dela... [+]