Espainiako Gobernu berriak 12.000 milioiko murrizketak egin beharko ditu
Kataluniak independentziarantz hasitako bidea den arren Espainiako politikagintza egunotan gehien baldintzatzen duen gaia, espainiarrak laster ohartuko dira eguneroko beren bizimoduak gainean daukan arrisku larriagoaz: Europatik Troika bultzaka dator Madrilen ahalik eta lasterren gobernu berria osatu eta 2016ko aurrekontuetan 12.000 milioi euroko murrizketak sar ditzan.
Jeroen Dijsselbloem eurotaldeko buruak argi eta garbi adierazi du: "Espainiaren aurrekontuak arauak urratzen ditu. Europako Batzordea garbiki mintzatu da horretaz. Gobernu berria murrizketa handiagoak sartzera behartuta dago". Gaur Espainiako hedabide nagusiek 9.000 milioi eurotan zehaztu dituzte Moncloako agintari berriak egin beharko dituen murrizketak. Aldiz, Jose Moises Martin Carretero ekonomialariak dioenez –España: Bruselas prepara la factura del rescate bancario– herritarrek nagusiki zerbitzu sozialetan nozituko duten guraizekada 12.000 milioi eurokoa izanen da.
PPren gobernuari –eta honetan ados datoz kronika guztiak– Europako agintariek azken urteotan baimendu diote halako patxada batekin jokatzea fiskalitatearen defizitean eta berregituratze neurrietan. Martin Carreteroren kalkuluetan, esaterako, Espainiak bere defizita gutxitu ez baina 300.000 milioitan handitu du Mariano Rajoyrekin. Baina Grezian Syrizari gupidarik gabe inposatu dizkioten moduan mozketak, Madrilen laster gobernua bere gain hartuko duenari ere abisatu diote aurretik ezarritako baldintzak betetzeko azken epea gainean daukala.
Hiru ataletan zaintzen dio Europak Espainiari ortodoxia ekonomikoaren betetzea: 2012an erreskatatutako bankuen egoera normalizatu beharra, desoreka makroekonomikoak eta gehiegizko defizit publikoa Europaren Egonkortartasunerako Europako Itunari egokitzea.
Gobernagarritasun zaila... eta Txinara begira
Horiek betetzeko epe eta baldintzetan Troikako aginteek eskuzabal jokatu dute Rajoyrekin, honek joan den abenduko hauteskundeak irabazitakoan 2016an ezarriko zituelakoan herritarrak haserraraziko dituzten neurriok. Baina hauteskundeek uste baino panorama konplikatuagoan utzi dute Espainiaren gobernagarritasuna eta, bestetik, aurreikuspen ekonomikoak aurrez aitortutakoa baino gehiago ari dira zailtzen. Urrutirago joan gabe, Txinako burtsen urte hasierako lurrikara berriak asko garestitu ditu Espainiak 2012an erreskatutako bankuen fakturak.
Katalunia? Egia da negoziatzeko kultura konplexua odolean daramaten katalanek azken minutuan Mas apartatu eta Carles Puigdemont president izendaturik Madrilgo indar harremanak berriro hankaz gora jarri dituela. Baina hori horrela izanik ere... Moncloan gobernu berria osatzeko baldintza ezinbestekoa 12.000 milioi euroko murrizketak onartzea dela jakinda, gobernu berria osatzeko negoziaketetan ezusteko gehiago ikusteko gaude.
Azoka-eguna da Errenterian, eta bizi-bizi dago zumardia. Ingurua ondo ezagutzen du Uzuri Aboitizek, herri horretan 2008ko krisiak zer-nolako eragina izan zuen aztertu baitzuen bere tesian. Antropologoa da, eta antropologo-begiradaz erreparatzen dio ekonomiari: behetik,... [+]
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
.jpeg)
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
Garraio publikoaren prezioa handitzea eta deskontuak kentzea “onartezina” dela kritikatu dute dozenaka pertsonak, Jauzi Ekosozialak eta Euskal Herriko Eskubide Sozialen Kartak deituta. Langile klasearentzako “zama gehigarri bat” izango litzatekeela eta... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]