Larunbatean "desmilitarizazioaren aldeko eta errepresioaren kontrako" Ospa Eguna egingo dute Altsasun.
Ospa Eguna 2014 abestia:
Revolta taldearena da kanta. Obrint Pas taldearen 'Viure' abestiaren bertsio bat da, Hitzondo agerkariko kideek nabarmendu azaldu duten moduan.
Errepresioa, urteko egun guztietan
Antolatzaileek diote herri aktibazioa "ezinbestekoa" dela "errepresio basati" horrekin amaitu nahi bada, Ahotsa.info-k jaso duenez.
"Errepresioa urteko 365 egunetan jasaten dugu; kontrolak egunero, jazarpenak eta mehatxuak herritarrei, probokazioak, herrian jasotako isun politikoen kopuru izugarria (30.000 euro), kartel eta pankartak kentzea, altsasuar gazte baten epaiketa Donostiako herri harresian parte hartzeagatik (urte eta erdiko kartzela zigor eskaerarekin) eta abar. Adibide horiei guztiei, martxoan Arbizun atxilotutako gaztea eta maiatzean guardia zibilaren koartelera deklaratzera deitutako hiru etxarriarrak gehitu behar zaizkie", aipatu dute prentsa oharrean.
Iazko Ospa Eguna gogoan, antolatzaileek azaldu dute aste oso batez herria "hartuta" izan zutela "eliteko hamarnaka poliziarekin, helikoptero eta guzti". Diotenez, helburu bakarra "herri honen aldarria isilaraztea da, elkartzeko eta manifestatzeko eskubideak ukatzea". "Baina ez zuten lortu eta oraingoan ere ez dute lortuko".
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]