Erraustegiaren aurkako mobilizazioak epaitegien erantzuna iritsi zain

  • Abenduaren 27an erraustegiaren aurka mobilizatzeko deia egin du Donostian Erraustegiaren Aurkako Mugimenduak. Eguerdiko hamabietan izango da mobilizazioa, proiektua “eztabaida publikorik gabe inposatzen” ari direla salatzeko.

Iosu Alberdi Atxurra @atxurraa
2016ko abenduaren 26a
Zubietako herritarrak erraustegi proiektuaren aurkako mobilizazio batean.

 

 

Gipuzkoa Plazara gerturatzeko deia egin du erraustegiaren aurkako plataformak. “Komunikabide handien bitartez eginiko manipulazioa” salatu nahi dute. Antolatzaileek dei egin diete agintari, ordezkari politiko eta herritarrei “erraustegi kriminal hau eta lapurreta izugarrizko hau onartu ez dezaten”. Proiektua beharrezkoa ez dela gogorarazi dute, osasunarentzat kaltegarria dela gehituz.

GuraSOSek Euskal Autonomi Erkidegoko Auzitegi Nagusiko administrazioarekiko auzietarako salan jarritako errekurtsoa eta kautelazko suspentsioaren eskaera tramitera onartuak izan ziren. Astelehen honetan erabakiko du epaimahaiak proiektuak aurrera jarraituko duen edo ez.

Erraustegiaren lanak esleitzeko asmoa GHK-k bertan behera utz dezala eskatu dute EH Bilduk, Ahal Duguk, Ezker Anitzak eta Equok astelehen honetan Gipuzkoako Batzar Nagusietan egindako agerraldian. Gipuzkoako Diputazioa eta Markel Olano ahaldun nagusia mahaian negoziatzera jar daitezela ere eskatu dut, gatazka honek bestela luze iraun dezakeelako, eta irtenbidea “elkarrizketan eta negoziazioan" dagoelako.

Lau indarren artean sinatutako dekalogoa berritu egin dutela ere iragarri dute eta, besteak beste, Lapatxeko zabortegia itxi izanarekin euren adostasuna agertu dute. Aitzitik, Goierriko Mutiloara hiri hondakinak eramateko erabakiaren aurka agertu dira. Biharko Gipuzkoako plazako mobilizaziora joateko dei egin diete herritarrei.

Kanal honetan artxibatua: Gipuzkoako erraustegia

Gipuzkoako erraustegia kanaletik interesatuko zaizu...
2018-04-26 | Zero Zabor
Urbaser eta FCC Zubietako pastela banatzen: inork ez ditu ikertuko -%25eko beherapen susmagarriak?

Espainian hondakinen merkatua konpainia handienen artean  adostuta elkarbanatzen dutela aspaldiko kontua da, auzitegiek isun handiz zigortua dute lehen ere Urbaser, ACS, FCC eta abarrez osatutako cartela. Zubietako erraustegiaren prozesua jarraitzen duenak, ordea, irudipena eduki dezake zaborren ugazaba handiok berdin jarraitzen dutela. Berrikitan FCCk Zubietako operazioan muturra sartzea nola lortzen ari den ikusi besterik ez dago.


2018-04-25 | Zero Zabor
Epaitegiak San Markoren 2016ko aurrekontuak baliogabetu ditu, Hernani, Oiartzun eta Usurbili arrazoi emanez

Espainiako Auzitegi Gorenak San Marko mankomunitatearen 2014ko aurrekontuekin egin bezala, EAEko Auzitegi Nagusiak 2016koak baliogabetu ditu, Atez Ateko bilketan ari diren Hernani, Oiartzun eta Usurbilgo udalei arrazoi emanez, hiru herrietako udal ordezkariek atzo prentsari zabaldu ziotenez.


2018-04-19 | Zero Zabor
Erraustegia gelditzeko eskatu dute Gipuzkoako hainbat herritako anbulategietan

Gipuzkoako 18 herritako osasun zerbitzuen egoitzaren atarietan erraustegiaren aurkako elkarretaratzeak egin dituzte asteazkenean, zehazki Andoain, Arrasate, Astigarraga, Bergara, Donostia, Hernani, Irura, Lasarte, Legazpia, Mutriku, Oiartzun, Pasaia, Errenteria-Orereta, Tolosa, Usurbil, Villabona, Zarautz eta Zumaian.


2018-04-17 | Zero Zabor
Erraustegia ez eraikitzea eskatu du Lasarte-Usurbilgo Oriarte Institutuak

Lasarte-Oria eta Usurbilgo ikasleak biltzen dituen Oriarte institutuko ikasle, irakasle eta langileek Gipuzkoako Foru Aldundiari eta GHKri eskatu diete Zubietan erraustegirik ez egitea.


2018-04-12 | ARGIA
Intxaurrandieta eta Errazkini elkartasuna adierazi diete sarean eta kalean

2013an Gipuzkoako erraustegia gelditu zuten Iñaki Errazkin eta Ainhoa Intxaurrandietaren aurkako epaiketa zeresana ematen ari da sareetan. #DenokGaraAinhoaEtaIñaki traolak mugimendu handia dauka.


2018-04-12 | ARGIA
Babesa sareetan, elkarretaratze zaratatsuak kalean

Gipuzkoa Zutik-ek deituta elkarretaratze zaratatsuak egingo dituzte ostegun honetan arratsaldeko 20:00etan herri eta auzo askotako plazetan, Madrilen epaitu behar dituzten Ainhoa Intxaurrandieta eta Iñaki Errazkini elkartasun adierazteko. Egunotan babes zabala izaten ari dira bi ordezkariak herritarren partetik. Intxaurrandietak Madrilera bidean bidalitako txioak izandako erantzunak eta mezuak horren erakusgarri:


2018-04-12 | ARGIA
Intxaurrandieta eta Errazkin Madrilera, erraustegia geratzeagatik

Espainiako Kontuen Auzitegian, Margarita Mariscal de Gante epaile eta Aznarren ministro-ohiaren aurrean defenditu beharko dute Ainhoa Intxaurrandietak eta Iñaki Errazkinek Bildu koalizioaren ordezkari gisa Gipuzkoako erakundeetan ardurak zituztenean orduko Zubietako errauste planta handiaren proiektua gelditzeko erabakia.


2018-04-11 | LAB sindikatua
Intxaurrandieta eta Errazkini babesa erakutsi die LABek: "PNVk frogatu nahi du bere negozioak ukiezinak direla"

Intxaurrandieta eta Errazkinen aurkako epaiketaren atarian, EAJren jokabidea salatzen eta erraustegia arbuiatzen duen idatzia kaleratu du Gipuzkoako Udal eta Foru Aldundiko LABeko Sail Sindikalak. Udal eta Aldundiko langile guztiei banatu die segidan irakur dezakezuen idatzia (guztira 3.000 langile baino gehiago).


Noiz irabazle?

Oraingo solas zabaldua da aski dela erreferendumean bozkatzea, herri gisa irabazle izateko, bozketan galdu ala irabazi.


Azkenak
EGILEA
Eguneraketa berriak daude