Sexu erasoen kontrako bilkura egin dute Bilboko Konpartsek
Bilboko jaietan emakume bat jipoitua izan zela salatzeko eta “jai gune seguru eta erasoz askea” aldarrikatzeko bilkura egin dute konpartsek.
Uztailaren 23an Bilboko laugarren jai gunean emakume bat jipoitua izan zela jakin eta berehala protesta bilkura egin zuten Bilboko Konpartsek astearte arratsaldean Arriagan. Gauerdian ere, jaiak eten eta kazerolada egin dute.
Konpartsen esanetan ezinbestekoa da halako erasoen aurrean “erantzun aktiboa” ematea. Hain justu, igandeko erasoa gertatzen ari zela hainbat lagunek aurre egin zioten gizonari, eta hura atxilotzea lortu zuten Udaltzaingoaren laguntzaz.
Bilboko Konpartsek adierazi dute ez dutela onartuko “edozein motako matxismo, sexismo, homofobia, lesbofobia edo arrazakeria jokaerarik”.
Erasotzaile hobe duzu hemendik urrun egotea. Konpartseroak zain egongo dira. Bilboko (munduko ) jai esparruan ez duzu lekurik
— Bilboko Konpartsak (@konpartsak) August 25, 2015
Autodefentsa feminista
Erasoa gertatu baino egun bat lehenago, Bilboko jaien testuinguruan, autodefentsa feminista aldarrikatu zuen mugimendu feministak ekintza ikusgarri baten bidez.
Beltzez jantzita eta buru-berokiak soinean zituztela emakume ugari alde zaharreko kaleetan ibili ziren, lastargiak eskuan, “Erasotzaileak errekara! Beldurra lekuz aldatuko dugu!” oihukatuz besteak beste, Topatu.infok egin duen bideo honetan ikus daitekeen moduan:
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]