Garoñaren Kontrako Foroak gogor kritikatu du Nuclenorren Administrazio Kontseiluak Garoñako zentral nuklearraren berrirekiera eskatzeko erabakiari eutsi izana. Enpresaren bazkideetako batek, Iberdrolak, beste bazkideari (Endesa) adierazi dio zentrala berpizteari uko egin beharko lioketela, ekonomikoki bideraezina izateagatik.
Endesak, berriz, esan du nahiago duela Espainiako Gobernuaren erabakiari itxaron. Segurtasun Nuklearrerako Kontseiluak Garoña berriz irekitzeari onespena eman zionean, Industria eta Energia Ministerioak sei hilabeteko kontsulta epea ireki zuen, zentrala berriro martxan ipintzeko erabakia hartu aurretik. Abuztu hasieran amaituko da epe hori.
Bi bazkideen arteko adostasun falta dela-eta, momentuz zentrala irekitzeko eskaria mantentzea erabaki du Nuclenorrek apirilaren 26an egindako administrazio kontseiluan.
Garoñaren Kontrako Foroaren ustez, Iberdrolak agertutako jarrera ez da sinesgarria. “Apustua benetan balitz negozio sail hau ixtea, orain dela urte batzuk zentralak ixten edo akzioak saltzen hasiko zen”, adierazi dute prentsa ohar baten bidez. “Gero eta diru gehiago lortu nahi dute eta bost axola zaie pertsonen osasuna edo etorriko diren belaunaldiek energia nuklearren arriskurik gabe bizitzeko itxaropena”, gaineratu dute, “gure bizitzekin jolasean ari dira Gobernuarekin negoziatzen duten bitartean”.
Garoñaren Kontrako Foroaren esanetan Gobernuarengandik konpentsazio fiskalen bat eskuratzea da Nuclenorren benetako helburua; Endesa eta Iberdrolako buruek zentralaren geroari buruz egindako adierazpen publikoak estrategia horren barruko jokaldiak besterik ez lirateke, hartara. “Nuclenorrek bere kabuz uko egingo balio Garoña irekitzeari inbertitutakoa galduko luke, baina azkenean Gobernua bada berriz irekitzeko baimena ukatzen duena, baliteke enpresak ordain motaren bat eskuratzea horren truke”, adierazi du Foroko iturri batek.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]