Edurne Ormazabal izango da Tabakalerako zuzendari nagusia

  • Donostiako Kultura Garaikideko Nazioarteko Zentroko zuzendari nagusiaren postua Edurne Ormazabali ematea erabaki du Tabakalerako administrazio kontseiluak.

Gorka Bereziartua Mitxelena @boligorria
2018ko urtarrilaren 12a
Edurne Ormazabal izango da Tabakalerako zuzendari nagusi (argazkia: Tolosaldeko Ataria).

Denis Itxaso Gipuzkoako Kultura diputatuak eman du berria Twitter bidez. Esplikatu duenez, "komunikazioa sendotu eta sormen industriekin zerikusia duten ekimenak bultzatzeko, lantalderako duen gaitasuna ezin hobeto datorkigu".

Ormazabal Tolosan jaio zen 1963an eta ibilbide luzea egina du kazetari gisa EITB taldean. Besteak beste, Gaztea irrati-formulako zuzendari izan zen 1990etik 2008ra bitartean. Donostiako Herri Irratian hasi zen lanean kazetari gisa, Psikologian lizentziatu ondoren. Irrati-telebista publikora iritsi aurretik, Deia egunkarian ere lan egin zuen, baita Antena 3ren irratian ere.

Kultur munduarekin zerikusia izan du kazetari lanean. Besteak beste, ETB1en Katu kale saioa aurkeztu zuen hiru urtez. Donostiako Zinemaldian ere parte hartu izan du, ekitaldietako aurkezle gisa.

Izendapen honekin bukatutzat eman daiteke Tabakalerak sortu duen zuzendaritza nagusiaren inguruko inkognita. Lanpostu berria da Donostiako Kultura Garaikideko Nazioarteko Gunean, eta administrazio kontseiluak erabaki zuen hura sortzea. Orain arte Tabakalerako proiektu kulturala zuzendu duen Ane Rodriguezen gainetik legoke zuzendari nagusi berria.

Lanpostua sortuko zela iragartzean, erakunde publikoek –Eusko Jaurlaritza, Gipuzkoako Aldundia eta Donostiako Udala– azaldu zuten zuzendari nagusiari egokituko zaiola proiektua lideratzea eta eraikineko "ikuspegi orokorra" lantzea.

Kanal hauetan artxibatua: Tabakalera  |  Donostia

Tabakalera kanaletik interesatuko zaizu...
Kutxak ez ditu bere gastuak ordaindu Tabakaleran ia bi urtez, EH Bilduren arabera

Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.


Zabaltegik berriz aurkitu du bere bidea

Bere izaera berreskuratzeko lanean ari da Donostiako Zinemaldiko Zabaltegi saila, zenbait urtez beste jaialdietan nabarmendutako perlekin espazioa konpartitzearen eraginez apur bat desitxuratuta geratu ondoren.


Euskal Herriko 14 film Zinemaldian, erdia baino gehiago euskaraz

Zinemaldiak asteazken honetan aurkeztu du aurtengo festibalaren Euskal Herriko eskaintza: etxeko bi ekoizpen izango dira Sail Ofizialean eta 14 filmetatik 8 dira euskaraz osorik edo hein batean.


"Editatze-gelan egiten da zinema"

Deborah Stratman (Washington, AEB, 1967) zientziaren bidez iritsi zen zinera. Fisika ikasteari utzi zion, bukatutakoan industria militarrarentzat lan egin beharko zuelakoan eta Arte Eskolan zinearekin egin zuen topo. Gustatzen zitzaion guztia zeukan zineak: optika, erlatibitatea eta mekanika; teknologiarekin erlazioa, bai eta Tarkovskyk deskribatutako “denbora zizelkatzeko” aukera ere. Ekainaren 17an Tabakaleran izan zen Deborah Stratman berari eskainitako fokuaren saio bat... [+]


2017-06-30 | ARGIA
Abkhazia Donostian: aitortu gabeko estatu bat, hango Atzerri ministro ohiaren begietatik

Maxim Gvinjia Abkhaziako Atzerri gaietarako ministro ohiak enbaxada berezia eduki du aste honetan Tabakalera Donostiako Kultura Garaikideko Nazioarteko Gunean. Ostiral honetan Xabier Madariaga kazetariak elkarrizketatuko du jendaurrean.


Hautsitakoa puskaka erakusteaz

Tabakaleran programatzen dituzten pelikulei beti jarri behar zaie arreta, areto komertzialetan nekez ikusi ahal izaten ditugun lanak eskaintzeaz gain, arriskatzeko joera izaten baitute, aukera emanaz lengoaia zinematografiko ezohikoak pantaila handian ikusteko. Joan den larunbatekoa ez zen salbuespena izan: Angela Schanelec zuzendari alemaniarraren Der traumhafte Weg (Bide onirikoa) proiektatu zuten, egilearen azken lana, zeinean bi bikoteren hausturak kontatzen diren elkarren arteko 30 urteko... [+]


"Merkatuak ezin du irentsi literatura aldizkari bat euskaraz, baina euskal kulturak behar du"

20 urtez, Koldo Mitxelena Kulturuneko zuzendari aritu da Frantxis Lopez Landatxe (Donostia, 1953). Pasa den abenduan utzi zuen postua, nahiz eta ibili, badabilen oraindik, han eta hemen. Anekdota adierazgarri bat: hizketan aritu garen ordubetean, bost lagunek eten digute haria, Frantxis agurtu eta erretiroa zer moduz doakion jakin nahi zutela-eta.


Tabakalerako zine-eskola berriko zuzendariak ez daki euskaraz

Carlos Muguiro izango da Tabakalerako zine-eskola berriko zuzendaria. 1966an Elizondon jaioa, Madrilgo Erkidegoko Zine Dokumentaleko Eskolan (ECAM) aritu da orain arte. Medioetan hainbeste komentatu ez dena zera da: Muguirok ez dakiela euskaraz.


Tabakalerako zine eskolaren zuzendariak ez du euskaraz jakin beharko

Tabakalerako zine-eskola zuzentzeko lehiaketa publikoa astelehenean argitaratu da. Deialdiak ezartzen dituen baldintzen artean ez dago zuzendariak euskaraz jakitea.


Euskal Herrian duela 80 urte 3Dn grabatutako film bat aurkitu dute

René Le Henaff zuzendariak hiru dimentsioen teknikarekin esperimentatzeko Euskal Herrian grabatu zuen filma aurkitu du Josu Martinez zinegile eta ikerlari bilbotarrak. Euskadi filmaren lau emanaldi egingo dituzte martxoan, Bilbon, Iruñean, Donostian eta Baionan.


Azkenak
EGILEA
Eguneraketa berriak daude