EAEko haurren artean pobrezia bikoiztu egin da hamar urtetan, Save The Childrenen arabera

  • Muturreko pobrezian bizi diren haurren portzentaia % 9koa da Euskal Autonomia Erkidegoan, krisialdiaren aurretik baino bost puntu gehiago. Maila sozialen arteko arrakalak berdin jarraitzen du. Save The Childrenen txosten berriaren datuak dira.  

Ane Eslava Serrano @eslavaane
2017ko otsailaren 17a
Desheredados txosteneko argazkia

Desheredados izeneko txostenaren arabera, Espainiar Estatuko haurtzaroaren pobrezia datuak Europar Batasuneko okerrenetakoak dira. Espainian herritar aberatsenen irabaziak pobreenen laukoitza dira eta 800.000 haur bizi dira kide guztiak langabezian dauden etxeetan. Diru-sarrera baxuenak dituzten familien egoera bereziki larria da.  

EAEn, berriz, haurrentzako babes soziala Estatuko altuena da: 7.776 euro haur bakoitzeko (Madrilgo erkidegoan, adibidez, 2.791 euro dira). Save The Childrenen arabera, zerbitzu hauek egongo ez balira muturreko pobreziaren indizea bikoiztu egingo litzateke. Halarik ere, txostenak hurrengo baieztapena ekarri du: “Euskadin, pobrezian jaiotzen den haur bat betirako pobre izango da”.

Krisialdiak gizarte sektore ahulenetan eragindako kalteak azpimarratu ditu Save The Childrenek. Biktima nagusiak atzerritarrak eta bakarka ama izatea erabaki duten familietako haurrak dira. Erakundeak hezkuntza publikoan ipini du fokua. Murrizketek ikasle atzerritarren gizarteratze zuzena oztopatu dute eta horrek maila soziokulturalen arteko arrakala handitu du.

Datu hauen aurrean, EAEko Save The Childreneko arduradunak proposatu du egun dauden laguntzak haurtzaroaren ikuspuntutik aztertzea, akatsak identifikatu eta konpontzeko. Baita talde ahulenentzako laguntzak handitzea ere. Azkenik, hezkuntza arloan krisiaren aurretiko inbertsio publikoa berreskuratzea eskatu du.

Kanal honetan artxibatua: Pobrezia

Pobrezia kanaletik interesatuko zaizu...
2018-06-05
ARGILAN-ESK: bada dirurik, borondate politikoa falta da
Euskal herritarrek pobreziarekin amaituko duen DsBE bat behar dute

ARGILAN-ESK-k urteak daramatza DsBEren erreforma erradikala aldarrikatzen, bere gabezia garrantzitsuenak soluzio-bideratzeko, hau da, pobrezia, bazterketa soziala eta Lanbideren kudeaketa penagarri eta zitalarekin amaitzeko.

 

 


2018-05-03 | Lander Arbelaitz
Prekarietatearen aurkako konga

Dantzatuz salatu dute Donostiako Gogoko Goxuak kafetegian bertako hainbat langileri ez zaiela ordaintzen. Dozena bat lagun sartu ziren maiatzaren 1aren bezperan kafetegian, bafle batetik “Ojalá que llueva café” doinua jarrita, konga dantzatzen, kafe aleak botaz eta bertan ordura arte lasai ederrean zeuden bezeroei eskuorriak banatuz. Bi minutu eta erdiko ekimena, eta kalera.


2018-03-15 | Estitxu Eizagirre
Euskal Herriko pobreenak 65 urtez gorako emakumeak dira

1.080 eurokoa izatea gutxieneko pentsioa. Zenbaki horretan jarria du duintasunaren marra Pentsionistak Martxan plataformak. Eta larunbat honetarako manifestazio masiboak espero dira. Marra horretatik urrunen emakumeak daude, EAEko pentsioen arrakala Espainiako handienetakoa baita. Hara zer dioten datuek:


Kalean geratu diren pertsonei berehalako atentzioa emateko politikak garatzea eskatu du Ongi Etorri Errefuxiatuak taldeak

Gizarte baliabideek bizi duten saturazioagatik ardura erakusteko protesta ekintza burutu du Ongi Etorri Errefuxiatuak plataformak, Bilboko Udaletxe parean. Gizarte-bazterketa sufritzen duten pertsonen, migranteen edota errefuxiatuen kasuetan egoera larria bizi dute. Pertsona hauei denbora luzean ez zaie jaramonik egiten eta Bilbo tamainako hiri batean ulertezinak  diren egoerak gertatzen ari direla adierazi dute.


Mikrokredituak bazterketa egoeran daudenentzat, Fiare banku etikoaren bidez

Andoaingo Udalak eta Fiarek sinaturiko hitzarmenari esker, bazterkeria egoeran dauden eta arrisku hori duten herritarrek mikrokredituak eskatu ahal izango dituzte banku etikoan, ohiko bankuek exijitzen dituzten baldintzetatik aske.


Klase gatazka hezkuntzan

Aurre-matrikulazio garaian gauden honetan, gogoeta interesgarria egin du Aitor Etxarte Nafarroako Eskola Kontseiluko lehendakariak Berrian: aporofobiaz mintzatu da, pobreenganako fobiaz, edo nola inklusioaren eta aukera-berdintasunaren alde azaltzen garen publikoki, baina gero datuek kontrakoa dioten. Beharbada horregatik, herri eta hiri askotan ikastetxe markatuak daude oraindik, kasik ghetto bihurtuak, non profil jakineko eta maila sozioekonomiko ahulagoko familien seme-alabak diren nagusi... [+]


2018-01-23 | Miren Osa Galdona
Munduko aberastasuna zortzi gizonen esku dago eta 3.600 milioi pertsonek adina diru dute

Munduko aberastasunaren inguruko txosten berria aurkeztu du Oxfam gobernuz kanpoko erakundeak. Gero eta desoreka handiagoa dagoela da ondorio nagusia eta zifrek hala erakusten dute: gaur egun 2.043 lagunek dute bilioi bat dolar baino gehiago. Hamarretik bederatzi gizonezkoak dira.


Ez dugu ikusi nahi

Zergatik egiten dugu geure Black Friday, Cyber Monday, Halloween eta kontsumoa handitzeko AEBetatik datozkigun moda berri oro? Zergatik guk hartzen dugu haiena eta ez alderantziz? Galdera erretorikoa da, bai. Munduan buruko gehien kontsumitzen duen gizartetik datoz ekimenak eta mugarik gabeko kontsumoa behar, ranking horretan lehena izaten jarraitzeko.


2017-10-20 | Unai Brea
Pobreziaren aurkako bizikleta martxak egingo dituzte Bilbon eta Donostian

Larunbatean Bizkaiko eta Gipuzkoako hiriburuetan bizikleta martxa bana eginez emango diote amaiera EAEn astebetez egindako Desparekotasun Gordinen Aurka kanpainari. Antolatzaileek salatu dute “pobrezia eta desberdintasunak gero eta larriagoak, gordinagoak eta kronikoagoak” direla.


Azkenak
EGILEA
Eguneraketa berriak daude