Deustuko Gazte Lokalaren eraikina mantentzeko 2.000 bat sinadura batu dituzte
Sinadurak Udal Erregistrora eramango dituzte ostegunean. Sinaduren "entrega masiboa" babesteko, deustuarrei Bilboko Udaletxeko eskaileretara agertzeko deia egin die Deustuko Gazte Lokalaren aldeko Plataformak.
Bilboko Udalak egun Deustuko Gazte Lokala dagoen eraikina eraitsi nahi du, bere lekuan eraikin berri bat egiteko eta etxebizitza eta aisialdirako erabilpena emateko. Deustuarren artean, ordea, asko dira XIX. mendeko eraikina mantentzearen aldekoak eta, horietako askok, 2.000 bat lagunek, Deustuko Gazte Lokalaren aldeko Plataformaren (DeGLAP) eskaria babestu dute.
Bilboko Udaleko Ondare Batzordeari eskari zuzena egin dio plataformak: "XIX. mendeko eraikina denbora gutxi barru onartuko den HAPO-PGOUren Eraikinen Katalogoan txertatzea", Deustuko Udal Merkatu zaharra izan zena matentzeko xedez.
Izan ere, plataformaren arabera, eraikinak balio historikoa du, "Deustu elizatea izan zela gogorarazten duen aztarna bakarrenetakoa da", eta "bere erabilera kolektiboa" dela eta, "funtsezko espazioa" da, esaterako, Olentzeroa, Deustuko inauteriak zein Deustuko jaiak antolatzeko. Deustuko herri mugimenduak "erabilia, kudeatua eta zaindua" dela azpimarratzen du plataformak bere eskarian.
Erregistro jendetsua
Deustuko Gazte Lokalaren Aldeko Plataformak deustuarrei deia luzatu die Bilboko Udaletxeko eskaileretan ager daitezen, bihar, otsailak 8, 17:45ean, "abendutik gaur arte Deustuko Merkatu zaharraren –1991tik Gazte Lokal izan denaren– alde jasotako 2.000 sinaduratik gorako erregistro jendetsu bat egite aldera".
Albiste hau Prest Aldizkariak argitaratu du Uriolan eta CC-by-sa lizentziari esker ekarri dugu ARGIAra.
Musikene, Euskal Herriko Goi Mailako Musika Ikastegiak, hamazazpi urtetako ibilbidean, fruituak eman ditu, dudarik gabe. Fruitu hauen artean, Musikene Orkestra Sinfonikoa aipagarrienetako bat da. Gauza bat da bakarlariak trebatzea, artistak formatzea, baina formazio hori hankamotz geldituko litzateke ikasketa planek ikasleak talde instrumental handiagoetan parte hartzera bultzatuko ez balituzte.
Asmo horrekin eratu zen ikastegi honen Orkestra Sinfonikoa, eta, Arriaga Antzokian entzundakoaren... [+]
“Euskal Herria dugu irabazteko” leloa eta ikurrina dituzten pankartak paratu dituzte Gasteizko Santa Maria katedralean eta San Vicente elizako kanpandorrean eta Bilboko Begoñako igogailuan. Ondoko irudiak eta sinatu gabeko irakurketa helarazi dizkiote ARGIAri.
Baietza sortzen lelopean, Sortuk ekitaldi politikoa egin zuen larunbatean Miribillako Bilbao Arenan, “ETAren amaierarekin batera ireki den ziklo politiko berriari bultzada emateko”. Antolatzaileen arabera, 4.000 pertsona inguru izan ziren ekitaldian.
The Cherry Boppers taldearen kontzertuaren kronika. Maiatzaren 4an, Bilboko Kafe Antzokian. For Dancers Only diskoaren aurkezpen emanaldia.
Erasoa jasan duen emakumea ospitaleratu egin behar izan dute.
Bilbon burutuko da irailaren 21 eta 22an, doakoa izango da eta hitzaldiak, tailerrak, zinema emanaldiak, haurrentzako jarduerak zein argitaratze-azoka hartuko ditu bere baitan.
Joan den astean iragarri zuen Unai Rementeria ahaldun nagusiak "Bizkaian XXI. mendean egingo den jarduketarik garrantzitsuena". Bi obra handi dira. Batetik, Ibaizabal aspitik pasako den tunela eta, bestetik, Supersur gisa ezagutzen den errepidearen luzapena. Azken lan honen aurka hainbat gizarte eragile agertu dira.
Etxe berean lotan zegoen emakume bati egin dio eraso 38 urteko gizonezkoak.
Joan den astean Errekalden izandako "eraso matxista" errefusatzeko deia egin diete gaur arratsaldean bizilagunei auzoko elkarteek. Asteburuan, Ertzaintzako agenteek bi gizonezko atxilotu dituzte Bilbon, genero-indarkeriaren delitu bana leporatuta.
Larunbateko manifestazioa baino lehen 200 bat eragileren atxikimendua jasotzea, "esfortzuak eta aldarrikapenak bateratuz", "arrakastatsua" da Bilboko Auzo Elkarteen Federazioaren hitzetan. "Beste Bilbo bat" exijitzeko dekalogoa aurkeztu dute.
