Denontzat eskubide berdinak aldarri Arrazakeriaren Kontrako Egunean
Arrazakeriaren Kontrako Nazioarteko Egunaren harira, milaka herritarrek hartu dute parte asteburuan Euskal Herrian antolatu diren ekitaldietan.
Aniztasunaren Korrikaldia
Korrikarekin bat egin eta lekukoa eraman dute arrazakeriaren kontrako hainbat elkartek (EH 11 Kolore, SOS Arrazakeria eta Gora Gasteiz tartean): bost kilometro guztira, Irunen, elkarbizitzaren aldeko deia zabalduz.
“Garrantzitsua da erakustea ongi-etorrirako hizkuntza dela euskara, hemengo nortasuna eta identitatea euskararekin lotuta dagoela derrigor eta hori ederra dela gainera”, adierazi du Fermin Muguruza abeslariak, EH11 Kolorek gonbidatuta lekukoa eraman duenetako bat izan baita bera.
Oinarrizko errentatik kanpo geratzen direnak
Iruñean, Paperak eta Eskubideak Denontzat plataformak deituta ehun bat lagun bildu dira eta azpimarratu dute atzerritarrak eta paperik ez dutenak direla baztertuenak Nafarroan, oinarrizko errenta jasotzeko garaian.
“Sarri, duin bizitzeko daukaten aukera bakarra errenta hori da, baina ia 4.000 pertsona daude Nafarroan Oinarrizko Errentarik ez dutenak, aterperik ere ez dute”, azaldu du Javier Urroz plataformako kideak.
Mila lagun inguruk hartu du parte Arrazismoaren Kontrako 18. Martxan, Trintxerpetik Donostiara. 63 kolektibok babestuta, “etxekoak guztiok gara” izan dute lelo nagusia, lehenengo, bigarren eta hirugarren mailako herritarrik ez dagoela gogoratu asmoz.
Bilbon berriz, hogei bat elkarte sozial eta ehunka lagun atera dira kalera, besteak beste poliziak egiten dituen identifikatze arrazistak eta Atzerritartasun Legea salatzeko.
Politikarien diskurtso arrazistari tinko erantzun diote Gasteizen
Javier Maroto Gasteizko alkateak esan zuenetik etorkinak, bereziki aljeriar eta magrebtarrak, gizarte laguntzetatik bizitzera datozela eta gurutzada horri eutsi dionetik, giroa bero dago Arabako hiriburuan.
Joan den azaroan, aniztasunaren aldeko Gora Gasteiz plataforma jaio zen eta hark deituta hamaika kultur taldek antolaturiko festa egin dute asteburuan, musika, dantza, antzerkia eta pintura tarteko. “Herritarren artean hainbatek ireki nahi duen arrakala” kritikatu dute, baita “zenbait ordezkari politiko azkenaldian zabaltzen ari diren diskurtso arrazista, xenofobo eta islamofoboa” ere.
Korrikan 5 kilometro egin dituzte Irunen arrazakeriaren kontrako elkarteek (Arg: SOS Arrazakeria).
Trintxerpetik Donostiarako Martxa (Arg: SOS Arrazakeria).
Iruñean (Arg: Europa Press).
Bilbon (Arg: Europa Press).
Gasteizen protesta. Hurrengo argazkietan, ekitaldietako batzuk (Arg: Gora Gasteiz).
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
