Bilboko Udalak etxebizitza turistikoak erregulatuko ditu, ohiko ostatuei lehentasuna emanez

  • Udal Gobernuak Bilboko Udalaren Hiri Antolaketarako Plan Orokorra aldatuko du egunotan erabilera turistikoa duten etxebizitzak kontrolpean jartzeko. Zazpi Kaleetan eta Bilbo Zaharrean goraka doazen logela turistikoen jarduera finkatu nahi dute eta Turismoaren Euskal Legera egokitu.

Uriola.eus @uriolaeus
2017ko irailaren 20a

Plan horretan, lau kategoria desberdinetan bananduko dituzte turistentzako dauden etxebizitza edo logelak. Lehenengo bi kategoriak logela turistikoek eta etxebizitza turistikoek osatuko dituzte. Azken aldian honek izan dira Bilbo inguruan gorakada izan dutenak, eta arazoak sortu dituztenak turismora dedikatzen diren herri handietan. Turismoa egiteko era berri hau kontrolatzea eta arautzea izan da legedi berri hau sortarazi duena.

Bestetik, hirugarren eta laugarren kategorietan, apartamendu turistikoak edo aparta-hotelak, pentsioak, hotelak eta hostalak egongo dira. Honek, ordea, ez dute aldaketa nabarmenik izango legedi honen barruan. Kategoria honek dira Udal Gobernuak bermatu nahi dituenak, Bilbora datozen turista berriak jasotzeko lehenetsitako establezimendu gisa.

Etxebizitza turistikoak dira kontrolatu nahi dituztenak. Bilbon, bizitegi-eraikinetako lehenengo solairuetan edo bizitegirako direnen jarraiko beheragoko solairuetan, aparteko sarrera badute, sortu daitezke honelako etxebizitzak. Erabilera turistiko bakarra baimenduko da eraikineko, eta batez ere, kontuan hartuko dituzte Bilboko Zazpi Kaleetan eta Bilbo Zaharrean finkatzen direnak.

Turismoaren pisua Bilbon geroz eta handiagoa den arren, Juan Mari Aburto alkatearen iritziz, "une honetan turismoa ez da arazoa", beste hiri batzuekin alderatuta. Hiriko barne produktu gordinaren %6 ordezkatzen du turismoak Bilbon, eta alkatearen arabera "badugu tartea gehiago garatzeko". 

Ekotasa: Aburto kontra

Udalbatzarreko Osoko Bilkurara iritsiko da epe laburrean Bilbon ekotasa edo tasa turistiko bat ezartzeko proposamena. Udalberri koalizioak aurkeztuko du. Aburtoren esanetan, "ez da beharrezkoa", egungo egoerak "ez duelako eskatzen". Hortaz, bere alderdiak kontra bozkatuko duela iragarri du. 

Olabarri Jauregia, hotel bihurtzeko bidean?

Gaur egun Bilboko Portuko Agintaritzaren egoitza den Campo Volantineko jauregia libre geratuko da, Portuko Agintaritza lekuz aldatuko dutelako. Gaur egun “ekipamendu publikoa” da, baina Udalak kategoriaz aldatzeko proposamena egingo du.

Horrela, eraikina enpresa pribatu batek erosi ahalko du, eta eraikin horretan jarudera berriak sustatu. Udalak, eraikina hotel berri baterako aproposa dela iragarri du.

Proposamenak EAJ, PSE eta PP-ren babaesa dauka. EH Bildu, ordea, kontra azaldu da. Beraien iritziz, “pelotazo urbanistiko” bat da, besterik ez. Ekipamendu publikoa pribatu bilakatzea ez dute begi onez ikusten, eta puntu honen kontra bozkatuko dute.

Aitziber Ibaibarriaga bozeramaileak esan duenez, “Estatuak ez badio erabilerarik emango, har dezala Udalak eta eman diezaiola erabilera publiko bat”. Olabarri Jauregia ekipamendu publikoa izaten jarraitzea nahi dute abertzaleek.

Albiste hau Uriolak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Turismo masiboa  |  Etxebizitza  |  Bilbo

Turismo masiboa kanaletik interesatuko zaizu...
2017-11-19 | Axier Lopez
"Masifikazio turistikoak nazioartean anti-eredu bilakatu du Bartzelona"

Andrés Antebi eta Claudio Milano Bartzelonako antropologoak Turismografías proiektuaren sortzaileak dira, Venezia, Lisboa, Costa Brava eta Mallorcako beste lau kiderekin batera. Proiektu horren bitartez, turistifikazioaren inguruan sortutako herri mugimendu eta borrokak datuz eta tresnaz hornitu nahi dituzte, eremu akademikoko mugak gaindituz. Gisa honetako proiektuak giltzarri izan dira Bartzelonan orain dela gutxi arte ukiezina zena ezbaian jartzeko: Denis Itxasoren hitzetan... [+]


2017-11-08 | Unai Brea
Arma esportazioaren eta migratzaileei hesiak jartzearen aurkako protesta Bilboko Portuan

Ongi Etorri Errefuxiatuak plataformak deituta, Bilboko Portuaren politiken kontra protesta egiteko hainbat lagun bildu dira Getxoko gurutzontzien kaian, portuko Plan Estrategikoa aurkezten ari ziren bitartean. Armak esportatzea eta migratzaileei trabak jartzea salatu dute besteak beste.


Turismoa, babofobia eta errepublika

Udako gaia izan da. Auzotarren purrustadekin batera, Ernai-ko neska-mutilek –interes politikoak tartean jakina– turismo ereduaren aurka kanpaina abiatu eta, arrapaladan, artikulu, elkarrizketa, adierazpen uholdea gertatu zen: Ama maite turismoa, egiguzu lagun kantatu zuten aho batez gure agintariek.

Masa turismoak –horretaz ari baikara noski–, ordea, adituen ikuspuntutik, ez du dena bere alde. Epe laburrean diru irabazi handiak uzten omen ditu poltsa pribatuetan. Eta... [+]


"Bartzelonan, gaur egun, ezinezkoa da turismo jasangarria"

Turismoaren arazoa bere gogorrenean bizi duen lekuetako batetik dator Daniel Pardo: Bartzelonatik. Donostian irailaren 29 eta 30ean egin dituzten Turismoaz Pentsatzeko Topaketa Herritarretan izan da, Turismo Jasangarriaren aldeko Auzoen Asanbladako kide baita, ABTS katalanezko sigletan.


2017-10-15 | Miren Artetxe
Venezia sindromea eta disoziazio-ihesa

Turismoa, kontzeptu gisa, ez dago modan. Aski ezagunak dira, dagoeneko, turismo masiboaren aurkako argumentuak. Ikasi dugu, ikusi dugulako, hiperturistifikazioak  gure auzoetako alokairuen prezioak igoarazten dituela, komertzio arruntak turistei bideratutako denda bilakatzen dituela, eta turistentzako zerbitzuetan lan egiten dutenen lan baldintzak prekarioak izaten direla. Ikusi ditugu turista samaldak hiriko espazioak irabazten –alegia, guri galarazten, hitzaren bi... [+]


"Bartzelonan, gaur egun, ezinezkoa da turismo jasangarria"

Bartzelonatik dator Daniel Pardo, turismoaren arazoa bere gogorrenean bizi duen lekuetako batetik. Asteburuan Donostian egingo dituzten Turismoaz Pentsatzeko Topaketa Herritarretara gonbidatu dute, Turismo Jasangarriaren aldeko Auzoen Asanbladako (ABTS katalanezko sigletan) kide baita. Berarekin mintzatzeko aukera izan du ARGIAk.


"Europako hirien sarea osatzen ari gara, industria turistikoari nazioarte mailan aurre eginez"

Nazioarteko Turismoaren Eguna dela eta Bartzelonako Assemblea de Barris per un Turisme Sostenible (ABTS) kolektiboak oharra kaleratu du. Egoera txarra izan arren, ospatzekoak ere badaudela azpimarratu nahi izan dute, tartean Donostiak turismoari aurre egiteko duen herri mugimendua txalotuz.


2017-09-26 | ARGIA
Turismoarekin lotutako protestak izan dira asteburuan Venezian, Palman eta Donostian

Turismoaren gaiak zeresana ematen jarraitzen du. Asteburuan protestak eta mobilizazioak izan dira hainbat lekutan: Venezian (Italia) gurutzontzi handien aurkako No Grandi Navi protesta eta ekimenak egin dituzte bi egunez, Palman (Herrialde Katalanak) "Nahikoa da, honaino heldu gara" manifestazioa eta Donostian hotel baten eraikuntzaren aurka etxebizitza bat okupatu dutela jakinarazi dute.


2017-09-25 | ARGIA
Etxebizitza bat okupatu dute Donostian hotel baten eraikuntzari erresistentzia egiteko

Donostiako Alde Zaharrean hainbat herritarrek etxebizitza bat okupatuta daukate joan den ekainetik, hotel berri baten eraikuntza gelditzen saiatzeko. Larunbatean egindako prentsaurrekoan jakinarazi eta erresistentziarako deia egin dute, nabarmenduz, Udalak ez duela sinatu azken baimena.


2017-09-22 | Xalba Ramirez
Abian da Donostiako Zinemaldi Alternatiboaren bederatzigarren edizioa

Irailaren 25etik 30era egingo dute Donostiako bederatzigarren Zinemaldi Alternatiboa bost gune ezberdinetan. Turistifikazio prozesuak jasan dituzten hiriak, etxebizitza kooperatibak eta jai ereduak izango dituzte aurten hizpide.


Eguneraketa berriak daude