Biba kultur espazioa: desagertu berragertzeko

  • Urtea bete du Biba kultur espazioak Erronda kalean. Gaur, urteurren festan, desagertu egingo da gunea, izen berri batekin berragertzeko. 

Artikulu hau CC BY-SA 3.0 lizentziari esker ekarri dugu.

2018ko urtarrilaren 18an - 13:45

“Urtean behin edo” Bilborako kultura proiektu baten ideia jorratzeko hainbat lagun elkartu zirenean “ez zegoen toki fisiko bat”, gogoan du Lutxo Egia Bibako lantaldeko kideak. Proiektua gauzatu eta urtebetera, Bilborako kultura proiektua “handi gelditzen zaigu”, dio Egiak. “Saiatzen gara ekarpenak egiten euskaraz eta euskaratik, kulturan eta Bilbon, Alde Zaharretik”. Biba “ekimen txikia da”, “gehitu beharreko askoren artean hau beste bat da”. Lehen urtearen balantzea “baikorra” da lantaldeko kideen arabera. 

Egun, programazio “xumea” du Bibak. Hilabetean ez ditu 20 bat ekitaldi eskaintzen, batezbesteko zazpi, zortzi eskaintzen ditu. Hasieran, “agian, asmo handiagoak bagenituen ere, orain gure asmoa pixka bat finkatzea da”, dio Egiak.

Proposamen kulturalak bilatzea dute xede, eta proposamen horietan sartuko diren auzoko agenteei, “baina ez bakarrik auzokoei” leku egitea. Adibidez, hilero izango den swing ikastaroko lagunei edota Euskaraldiaren prestaketan ari diren taldeko kideei. “Gehitzen joatea”, horixe da Bibaren helburua aurrera begira.

Egiaren hitzetan, ez da erraza “ze hau ez da leku ona taldeak eta proposamenak garatzeko, ez bada zuzenekoak egiteko. Guretzat garrantzitsua da elkarlana batez ere kale honetan, auzoan”. 

Zergatik bira eman?

Desagertzera goaz kanpaina zabaldu dute azken asteotan Bibako kideek sare sozialetan, eta bat baino gehiago nahastera iritsi dira. Biba desagertzera zihola pentsatu dute zenbaitek. Baina, inondik inora. Guneari “izen aldaketa egin beharrean” aurkitu dira, eta hori dela eta, “ber-fundazioa” antolatzea erabaki dute. Beraz, gaurko ekitaldian, performancea eginez, Tor magoak Biba desagerraziko du “zera berri hori” agerrarazteko.

Albiste hau Bilboko Uriolak argitaratu du eta ARGIAra ekarri dugu CC by-sa lizentzia baliatuta


Kanal honetatik interesatuko zaizu: Bilbo
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Ertzaintza ikertzen ari dira Bilboko jaietako atxilotuen argazkien ustezko filtratzailea izateagatik

Bilboko aste nagusian atxilotu zituzten 79 pertsonen argazkiak eta izen abizenak argitara atera ziren iazko udan. Argazkietan Poliziaren logoa ageri zen.


Zortzi orduko lanuzteak Bilbobus-en

Asteleheneko lanuztea 07:00etatik 11:00etara eta 16:00etatik 20:00etara izango da. Goizez eta arratsaldez launa orduko lanuzteak egingo dituzten martxoko azken eguna izango da.


Eulalia Abaitua, emakumeei begiratu zien argazkilaria

Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak... [+]


Eguneraketa berriak daude