Beren burua inkulpatuz gizonezko bikoterik gabeko ugalketa lagundua defendatu dute 130 mediku frantziarrek
130 mediku eta biologok bere burua inkulpatu dute Le Monde egunkarira bidalitako gutun batean. "Delitua": emakumeez osatutako bikoteei eta bikoterik gabeko emakumeei lagunduriko ugalketa egiten laguntzea.
Gutun horren bidez, profesional horiek publikoki erakutsi dute debekatuta dutela emakume guztiei ugaltzen laguntzea, eta gaur egungo egoera salatu dute. Sinatzaileek eskatu dute lagunduriko ugalketaren legea alda dadila: orientazio sexuala edozein izanda ere, pertsona guztiei esperma emateko aukera emango dien legea.
Frantzian debekatuta dago bikote lesbianen lagunduriko ugalketa
Lagunduriko ugalketa sexu ezberdineko bikoteen artean soilik dago onartuta Frantziako Estatuan, eta bietako bat antzua dela frogatu behar dute. Klinika pribatuei eta publikoei eragiten die neurriak; gizonezko bikotekiderik ez duen emakume batek ama izan nahi badu beste herrialderen batera joan behar du, Espainiara edo Belgikara, kasu.
Debeku horren aldaketa izan zen Sozialisten 2012ko hauteskunde programako giltzetako bat. Hollande presidentea bera ere aldaketaren alde azaldu zen hauteskundeetan, baina presidente izendatu ondoren ez zuen posizio argirik erakutsi. 2014an, Manuel Valls izendatu zuten herrialdeko lehen ministro, eta legea aldatzeari uko egin zioten.
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.