Barrikan txalet ilegalak eraiki zituzten enpresek 1,5 milioi euroko kalte-ordaina jasoko dute diru publikotik

  • Euskal Autonomi Erkidegoko Auzitegi Nagusiak (EAEAN) arrazoia eman die Barrikako Barrikabaso eremu babestuan txaletak eraiki zituzten enpresei (Abandonada Muriola S.L. eta Inversiones Arne Muriola S.L) eta hori baimendu zuten erakunde publikoek 1,5 milioi euroko kalte-ordainak eman beharko dizkiete. Aldundiak eta Udalak proiektua onartu arren Eusko Jaurlaritzak birritan atzera bota zuen, eremua urbanizaezina dela argudiatuta.

Iosu Alberdi Atxurra @atxurraa
2017ko urtarrilaren 10a
Barrikabason eraikitako txaletak (albertouriona.es)

Barrikabaso eremu babestuan jada hamalau txalet daude eginda, justiziaren erabakiaren ondorioz eraisteko arriskuan egon zirenak. Eraikuntza enpresek proiektu handiago bat zuten prestaturik, Bizkaiko Aldundiaren eta Barrikako Udalaren babespean, baina justiziak proiektua bertan behera uzteko agindua eman zuen. Orain, EAEANk, eragindako kalteengatik, bi erakunde publikoak 1,5 milioi euroko kalte-ordaina ematera kondenatu ditu.

1990ean 349 txalet, hotel bat eta golf zelai bat hartzen zituen proiektuak bere barnean,  baina Eusko Jaurlaritzak eremu urbanizaezin izendatua zuen Barrikabaso 1988rako. 1997an bigarren saiakera bat egin zen 85 txalet eta 12 pisu egiteko asmoarekin, baina, berriz ere, Jaurlaritzaren ezetza jaso zuten. Txipio Bai erakunde ekologistak hiru aldiz errekurritu zuen eremua berriz kalifikatzeko saiakera, eta bertan behera geratu zen. 2015ean Barrikabaso babes bereziko eremu izendatu zuten.

Eraikuntza enpresak hartzekodunen konkurtsoan sartu ziren operazioa bertan behera geratzearen ondorioz eta kalte-ordainak eskatu zituzten. Arrazoia eman die epaitegiak, baina ez osorik: eskatutako 4,9 milioi euroetatik 1,5 jasoko dituzte enpresek.

Kanal hauetan artxibatua: Hirigintza  |  Bizkaia  |  Eraikuntza

Hirigintza kanaletik interesatuko zaizu...
2017-02-15 | ARGIA
"Metro pasantearen inposaketari aurre egiteko" martxo bete ekimen Donostian

Satorralaia bizilagunen mugimenduak deialdia egin die Donostiako talde sozial eta persona guztiei martxoan zehar egingo dituzten informazio eta salaketa ekintzen dinamikan parte har dezaten. Apirilaren 1ean larunbata "Metroaren pasanteari ez!" lemapean manifestazioa egingo dute, eta martxoan zehar ekimen ugari prestatu dituzte, autobus publikoetan eta Donostiako auzoetan informazioa emateko, batez ere. Martxoaren 16an Gasteizera autobusa antolatzen ari dira, Eusko Jaurlaritzaren... [+]


2017-01-26 | Hiruka .eus
Desobedientzia zibila defendatu du EH Bilduk, Getxoko parkingaren aurkako dinamika babestuz

Getxoko EH Bilduk Tosu landan "erresistentzian" dihardutenen norbanakoei bere elkartasuna eta atxikimendua helarazi die.


2017-01-19 | Erran .eus
Urdazubiko Landibar auzoa urbanizatzeko proiektuak egonezina sortu du

Urdazubiko Landibar auzoan kezka eta haserrea piztu du Udalak onartu berri duen hirigintza proiektu batek. Kezka, auzoko belagiak urbano izendatzeko proposamenaren aurka daudelako; haserrea, berriz, azken erabakiak ezkutuan hartu direlakoan. 


Erresistentzia kanpaldi mugagabea abiatu du Getxoko Tosu betirako plataformak

Hiru solairu eta 300 plaza izango dituen aparkalekua eraikitzen hasiko dira Getxoko Ibarbengoa metro geltoki ondoan. Egun Getxon dagoen azken landa gunera "porlana eta espekulazioa” ekarriko dituela salatu du Tosu betirako plataformak, haren ustez, bestelako azpiegituren aurrekari izan baitaiteke aparkalekua.


Aurrera doa Getxoko Ibarbengoa metro geltokiko aparkalekua eraikitzeko proiektua

Zenbait iturriren arabera, urtarrilean abiaraziko dituzte obrak. Tosu Betirako Asanbladak salatu duenez, egun Getxon dagoen azken landa gunera "porlana eta espekulazioa” ekarriko ditu proiektuak. Elkarretaratze informatiboa egingo dute ostiralean 20:00etan Algortako Txiki Otaegi plazan.


"Traba nagusia ez da ikusmen arazoa, gizarteratzeko jartzen zaizkigun oztopoak baizik"

Mundua hautemateko moduak pertsona bakoitzaren araberakoak dira. Esparru guztietara iristeko aukera berdinak al ditugu, ordea? Ikusmenean aniztasun funtzionala duten hainbat lagunek errealitatea nola sumatzen duten kontatu digute, egunerokoan dituzten zailtasunak ardatz.


Gizakiaren aztarna Euskal Herrian, espaziotik ikusita

Europako Espazio Agentziaren mapa batek erakusten du urbanizazioaren eragina lurrean, lehen aldiz hirietatik kanpo ere bai.


2016-11-23
Aroztegia... eta gero zer?
MULTIMEDIA - erreportajea

Baztango bailara eraldatuko duen Aroztegia proiektuaren aurkakoek mobilizazio eta ekimenekin aurrera jarraitzen dute. "Aroztegia eta gero, zer?" plataformakoen helburua da Nafarroa osotik auzi honen inguru informazioa zabaltzea. Proiektu honek Lekaroz herrian hotel bat, 230 etxebizitzako urbanizazio handi bat eta golf zelai bat aurreikusten ditu. Hala, herriko biztanleria hirukoiztuko litzateke.

Jon Elizetxe Aroztegia eta gero zer? plataformako kideak gogoratu duenez, Baztanen... [+]


Hiriak birpentsatzen

Gure bizimoduan, bizi-kalitatean eta harremanetan eragin zuzena du hirigintzak, baina produkzioaren eta kapitalaren hiri-eredua eraiki dugu, eta falta zaigu gizartearentzako eta bizitzarako hiriak eraikitzea. Horretarako zein urrats eman behar ditugun galdetu diogu hainbat arkitektori. Teoriatik praktikara jauzi egin duten adibideak ere eman dizkigute.


2016-11-02 | ARGIA
Donostiako bizilagunen borrokei buruzko mahai ingurua azaroaren 8an

Mahai ingurua antolatu dute azaroaren 8rako Koldo Mitxelenan, 19:00etan “Bizilagunen borrokak Donostian: Esperientziak trukatzen” izenburupean. Hirian lanean ari diren ondorengo kolektibotako kideak izango dira: Satorralaia, Donostiako metroaren pasantea gelditzeko bizilagunen mugimenduko Belén Martínez; Añorgako Belartza 2 Gelditu-ko Mikel Esnaola; Uliako Lore Baratzeatatik Leire Rodriguez; Groseko SOS Miracruz 19 kolektibotik Josean Arrieta; Errausketaren... [+]


Azkenak
EGILEA
Eguneraketa berriak daude