Bilboko portuan lehergailuak kargatzeari uko egin zion suhiltzailearen aldeko babesak ez du etenik

  • Saudi Arabia helmuga zuen lehergailuz betetako itsasontzi bat prestatzen laguntzeari uko egin zion Bilboko suhiltzaile batek martxoan. Orain, Bizkaiko Foru Aldundiak lau urte arteko kargugabetzea ezarri nahi dio. Interneten zabaldu den babes kanpainak 70.000 sinadura lortu ditu hiru egunetan.

Ane Eslava Serrano @eslavaane
2017ko apirilaren 07a
Bilboko suhiltzaileak (Arg.: EFE)

Bizkaiko Foru Aldundiak espediente bat ireki dio, “bere funtzioak ez betetzeagatik”, eta bi eta lau urte arteko kargugabetzea ezar diezaiokete. Albisteak alderdien, sindikatuen eta, batez ere, sare sozialen erabiltzaileen elkartasuna piztu du. Change.org plataformak babes kanpaina bat abiarazi zuen astelehenean eta hiru egunetan 70.000 sinadura jaso ditu.

Suhiltzaileak, ordea, esan du “harrituta” dagoela bere erabakiak izandako oihartzunarengatik. “Nik ez dut zerikusirik izan kanpainarekin”, adierazi du, “sinadurek Yemeneko jendea laguntzeko helburua balute, hobe”.

Zigorra kentzea eta auziari buruzko azalpenak ematea eskatu diote EH Bildu eta Podemos Euskadi alderdiek Bizkaiko Foru Aldundiari. Lehergailuen kargamentuari buruzko informazioa eskatu du EH Bilduk Espainiako Kongresuan.

“Yemenen gertatzen ari dena badakit, Espainian fabrikatutako armak jaurtitzen dizkiete herritarrei”, aitortu du suhiltzaileak. Martxoaren 13an Bilboko Portutik Itsaso Gorrirantz abiatu behar zen ontzi batean segurtasun laguntzaile moduan egoteko agindu zioten, eta ezetz esan zuen. “Saudi Arabiarentzako lehergailuak zirela jakin nuenean, ez nuen onartu”.

Kanal hauetan artxibatua: Bilbo  |  Bizkaiko Foru Aldundia  |  Saudi Arabia  |  Yemen

Bilbo kanaletik interesatuko zaizu...
2018-06-21 | ARGIA
Bilboko Udalaren Balioen Karta kontraesankortzat jo du Piztu Bilbo, Itzali MTVk

Bilboko hiriaren giza garapenerako estrategikotzat joten diren balioak barnebiltzen ditu kartak. Eragileak, bere partetik, honen “kontraesan estrukturalak” azpimarratu ditu.


2018-06-19 | Uriola.eus
Bilboko auzokideen iritzia kontuan hartu gabe egindako 'Auzoentzako ituna'

EH Bildu, UdalBerri eta Goazen Bilbao alderdiek ez dutela Auzoentzako ituna sinatuko esan dute gaur goizean. Argitu dutenez: "Udal-gobernu honek ustezko itun politiko bat proposatzen du, herritarrei bizkarra emanez."


2018-06-15 | ARGIA
'Puro Bollo', arte eszeniko lesbikoen jaialdia egingo da azaroan Bilbon

Bost eguneko iraupena izango du jaialdiak, azaroaren 5etik 11ra. Beraien proiektuekin jaialdian parte hartzeko interesa dutenek ekainaren 30a arteko epea daukate lanak aurkezteko.


2018-06-14 | ARGIA
Langile bat hil da Bilboko portuan, kamioi batek zapalduta

Asteartean gertatu da ezbeharra, Bilboko portuko Punta Luceroko harrobiko egonkortze obretan.


2018-06-14 | Uriola.eus
'Herria 2000 Eliza' aldizkariak amaitutzat eman du bere bidea 40 urteren ostean

Bere 40. urteurrena heldu denean Bilboko Santutxu auzoko Herria 2000 Eliza aldizkariak azkenengo alea plazaratuko du.


2018-06-13 | ARGIA
Bilboko Mujika Eskolak kalejira egingo du, Udalak haien eskaerak aintzat har ditzala eskatzeko

Bilboko Alde Zaharreko ikastetxeak dituen hainbat arazoren aurrean Udala luzamendutan ari dela diote gurasoek. Hori horrela, “Mujika Eskolaren alde, Udala entzun” lelopean kalejira egingo dute asteazkenean, 16:15ean, ikastetxetik Udaletxeraino. Eskolan bertan entseatzen duten txistulariek eta batukadak girotuko dute ibilbidea.


2018-06-13 | Uriola.eus
Euskara: erosotasunetik homogeneo eta masibo izatera

Gemma Sanginesek eta Pello Jauregik azaroaren 23tik abenduaren 3ra Ahobizi eta Belarriprest gisa jarduteko argibideak eman dituzte Euskaltzaindian, Bilboko Euskaraldiak antolatutako berbaldian.


2018-06-13 | Uriola.eus
Munduko Arrozak ekimena egingo da Bilbon larunbatean

Bilbo Zaharra, San Frantzisko eta Zabalako taldeen koordinakundeak Munduko Arrozak ekimenaren edizio berri bat antolatu dute Bilbon larunbat honetarako. Izen ematea bukatu da, eta plaza bete-beteta egongo dela berriro azaldu dute.


2018-06-10 | Amaia Lekunberri
Erakusleiho-hirian, distira propioari eusten

Apirilaren 26an Bilboko Etxebarrieta Anaien plazan egindako prentsaurrekoan aurkeztu zuen bere burua Piztu Bilbo, Itzali MTV plataformak. Hilabeteko tartearekin hitzartu garenerako, ostera, plataformak eragile izaera bereganatu duenez, aurrerakoan bere dinamika propioa eramango duela nabarmendu du bertako kide den Peio Ibañezek. Kolektibo ugaritako errepresentazioa duen taldea izanik, esan daiteke helburu berberarekin elkarlanean aritzeari neurria hartu diotela.


2018-06-10 | Jabi Zabala
I˝aki Uriarte. Arkitektoa
"Bilbo ez da inoiz bizi izan itsasadarrari bizkar emanda"

Ondarearen defendatzaile sutsu eta sarritan bakarkakoa dugu Iñaki Uriarte Palacios arkitektoa (Bartzelona, 1946). Bereziki Bilboko Portuko eta itsasadarraren inguruetako ondarea sakon ikertu du. Turistei kontatzen zaien bertsio ofizial azaleko eta onberaren oso bestelako kontaera kritikoa osatu du, azken 24 urteotan, itsasadarrean behera egiten dituen ibilbide gidatuetan transmititzen duena.


Azkenak
EGILEA
Eguneraketa berriak daude