"L'Empire contre ATTAC" Parisen: Applek auzitegietan estali nahi ditu bere iruzurrak

  • Astelehenean zen, otsailaren 12an, epaiketaren eguna Parisko auzitegian: planetako multinazionalik erraldoienetakoa den Apple mugimendu altermundialisten ikurretakoa den ATTAC elkartea auzitegietan itotzen ahalegintzeko auzi saioa. Parisko goi epaitegiaren atarian militanteek “L’Empire contre ATTAC” antzeztu dute Stars War saileko film berri bat bailitzan, filmaren bigarren atalaren frantsesezko tituluaren hitzekin jolas eginez. Inperioa kontraerasoan datorrela, alegia… Europari zergatan 13.000 milioi ez pagatzeagatik.

Pello Zubiria Kamino @pellozubiria
2018ko otsailaren 13a

ATTACek lan handia egin du urteotan estatuek –herrialde txiroetakoek hasieran baina gero herrialde aberatsetako estatuek ere bai- beren gain hartu dituzten zor ez-legitimoak borrokatzen bezala multinazionalek ordaindu gabe uzten dituzten zerga pila handien iruzur fiskalak salatzen. Europako Batzordeak Apple multinazionalari eskatu zionetik paga ditzala ordaindu barik utzitako 13.000 milioi euroak, ATTACek kanpaina egiten du Appleren bulego nagusietan, okupazioak direla, manifestazioak, bulegoetako leihoak tindatzea…

Applek kontraerasora pasatzea erabaki zuen eta Parisko auzitegian salatu ATTAC, epaileei eskatu honen militanteen ekintzetatik babestu dezala. Zehazki, Applek auzitegiari eskatu dio ATTACi debekatzea ezein ekintza egitea bere kontra edo hori ez errespetatzekotan ezar diezaiola 150.000 euroko isuna ekintza bakoitzagatik.

 

Atzo egin zen auzi saioa Parisko auzitegian eta epaia otsailaren 23rako iragarri zuten.

Tim Cook Appleren buruzagi nagusia "Izarretako Gerra" filme saileko gaiztoen buru gisa beztetua: "Apple, zerga iruzurren inperioa" dio oinean.

Globalizazio neoliberalaren kritikoentzako Apple lehen mailako arerio bat da, mundu osoko  konpainien artean bera da burtsako kapitalizazio handiena duena baina bere etekin izugarrien %4,5 baizik ez du pagatzen zergatan, Europari dagokionez Irlandan eta Jersey uharte britainiarrean dauzkalako egoitzak. ATTACek erraldoi inperialaz plazaratutako azken dossierraren arabera, Applek 800 eurotan saltzen duen iPhone 8 bakoitzetik 288 doaz material eta osagaietara eta 7 euro baizik ez langileak pagatzera. Gainerakoa nagusiki akziodunen sakeletara doa, 47.000 milioi dolar banatu ditu dibidendotan 2012 eta 2016 artean. Asteleheneko antzerkiarekin ATTACek dei egiten zien ezkerreko mugimendu, alderdi eta taldeei Apple eta bere aliatuei aurre egiteko Aliantza Handia osatzera. Ekitaldiko hitzaldiei itxiera eman die Susan George ATTACeko fundatzaile eta globalizazioaren kritiko ezagunak.

 


Iruzur fiskala kanaletik interesatuko zaizu...
2018-05-02 | Amaia Lekunberri
Eusko Jaurlaritza "Margüello kasutik" erretiratu da

2006-2009 urteen bitartean Osakidetzako itxaron zerrendak kanpora ateratzean emandako ustezko irregulartasunengatik hasi zen “Margüello kasuaren” ikerketa 2009an, eta momentu hauetan Bizkaiko Auzitegi Probintzialaren sententziaren zain dago. Zuzenean kaltetua izan den Eusko Jaurlaritzak hasiera batean akusatuei egindako eskaera ekonomikoak erretiratu ditu argudiatuz ondarearen gaineko kalteak “ez direla frogatu epaiketan zehar”, pazienteak behar bezala artatuak izan... [+]


Nicole Briend epaitzen dute gaur: 6 urteko espetxea eta 75.000 euro BNPren iruzur fiskala salatzeagatik?

Asteartean, otsailak 6, Carpentras hirian (Frantzia hegoaldean) erretiroa hartutako irakasle batek aurre egin beharko dio BNP bankuak eskatuta montatu dioten epaiketari: BNPk burutzen duen iruzur fiskala salatzeko ekintzan aulki batzuen lapurreta sinbolikoaren truke 6 urteko espetxe zigorra eta 75.000 euroko isuna arriskatzen ditu.


2018-01-04 | Andoni Mikelarena
Iruzur fiskalaren aurka egiteagatik, Applek auzitegietara eraman du Attac

Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.


2017-12-19 | Andoni Mikelarena
Ikea ikertzen ari da Europa, zergak ez ordaintzeko egitura bat zuelakoan

Europar Batasunak ikerketa bat abiatu du altzarien multinazionalaren inguruan. Ustez zergei ihes egiteko egitura bat osatua zuen enpresa suediarrak, Holanda, Luxenburgo eta Liechtensteinen.


Apple iruzur fiskalean munduko txapeldun izendatu du ATTACek

“Apple, lapurreta mundiala” izenburuarekin azaroaren 9an ATTAC erakundeak zabaldu duenez, 2002tik gaurdaino sagar koskatuaren multinazionalak 16.000 milioi euroko zergak utzi dizkio pagatzeke Europar Batasunari. Berrikitan "Paradise Papers" agirietatik eskuratutako informaizoek berretsi dute Applek segitzen duela iruzur estrategia berean.


2017-09-01 | Estitxu Eizagirre
Munduko aberatsenen zerrendan Euskal Herriari lotutako hiru izen

Forbes aldizkariak zabaldu du 2017ko munduko aberatsenen zerrenda. Euskal Herriarekin zuzenki lotutako hiru izen hauek ageri dira: 693. postuan eta 2,9 mila milioi dolarren jabe Juan-Miguel Villar Mir (OHL enpresa); 973. postuan 2,5 mila milioi dolarren jabe Daniel Francisco Maté Badenes (Suitzan bizi den donostiarra); eta 1.795. postuan 1,1 mila milioi dolarren jabe Jose Maria Aristrain (ArcelorMittalen jabe olaberriarra).


Ana Beltran PPko buruzagiaren bodega, Nafarroako Gobernuaren zordunen artean

Bodegas Camilo Castilla bodegaren zuzendaritza darama PPko eledunak 1987tik eta 687.000 euroko zorra dauka. Nafarroako Ogasun sailak zordun handien zerrenda kaleratu du.


2017-04-02 | Lander Arbelaitz
Euskal Oasia sutan

Txosten gordina argitaratu du HerriUni-ko kide Nekane Jurado ekonomialariak. Krisiaren lehen urte gisa hartzen den 2008 urtea egungo egoerarekin konparatu du, Hego Euskal Herrian ere aberats eta txiroen arteko arrakala zabaltzen ari dela agerian utziz. Bertan 533.222 pertsona pobreziaren mugatik behera bizi dela jakiteak argi uzten du “Euskal Oasirik” ez dela, aberasten jarraitzen duten gutxi batzuentzat ez bada.


Europako banku nagusien irabazien %26 paradisu fiskaletatik dator

Oxfam Intermon eta Fair Finance Guide Internationalek kaleratutako txosten baten arabera, Europako hogei banku nagusiek 25.000 milioi euro irabazten dituzte urtero paradisu fiskaletan.


Enpresetan atzemandako zerga iruzurra nabarmen hazi da Araban

Arabako Foru Aldundiak enpresen zerga jardueraren kontrola zorroztuko zuela iragarri zuen iaz, eta aurtengo iruzurraren aurkako kanpainaren datuetan islatu da. Ikuskaritzak 77 milioi euroko iruzurra atzeman du eta horietatik 53 sozietate zergakoak dira, iaz baino 40 milioi gehiago.


Eguneraketa berriak daude