Iruzur fiskalaren aurka egiteagatik, Applek auzitegietara eraman du Attac

  • Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.


2018ko urtarrilaren 04an - 12:37
Arg: @attac

Abuztuaren 30ean 13.000 milioi euroko isuna ezarri zion Europako Batzordeak teknologiaren alorreko multinazionalari. Irlandan jasotako legez kanpoko laguntzak zirela eta ezarri zioten isuna. Orain, globalizazioaren aurkako Attac mugimenduak zor duen isuna ordaindu dezan eskatuz, hainbat ekintza egin ditu Frantziako Appleren dendetan.

Abenduan zehar, Applen dendetan sartu eta protesta baketsuak egin zituzten Attaceko kideek. Mugimendutik adierazi dute, ekintza horiek egiten jarraituko dutela, multinazionalak isuna ordaindu bitartean. Multinazionalak berriz, auzitegietara joz erantzun du.

Iruzur fiskalaren aurka egin duen mugimenduari, Applen dendetan sartzea debekatu nahi dio auzitegien bidez multinazionalak. Horixe baita epaileari eskatu diona, baldin eta, Attaceko kideak dendaren batera sartuko balira 150.000 euroko isuna ezarri diezaiela.

Elkarteko abokatuaren arabera, enpresaren eskariak “guztiz neurrigabeak dira”. Adierazpen askatasunaren, manifestaziorako eskubidearen eta Europako Giza Eskubideen hitzarmenaren aurka egiten baitu zuzenean.


Kanal honetatik interesatuko zaizu: Iruzur fiskala
2021-10-04 | ARGIA
Pandoraren Paperak: paradisu fiskaletan ezkutatu diren ondasunen filtrazio berria

Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]


2021-06-10 | Juan Mari Arregi
Iraultza?

Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.


2021-06-03 | ARGIA
Zerga-sistema aldatzea eskatu du ELAk, enpresa handiek gehiago ordaindu dezaten

"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]


Sark, Europako azken lurralde feudala

1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.


2021-01-22 | ARGIA
Vatikanoko Bankuko presidente ohiari bederatzi urteko kartzela-zigorra ezarri diote iruzurragatik

2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]


Eguneraketa berriak daude