Multinazional estatubatuarrek Europako irabaziaren erdia Irlandan deklaratu dute
Atzerriko irabazien %52 filialen bidez kontabilizatzen da fiskalitate laxoa duten herrialdeetan edo, zuzenean, paradisu fiskaletan.
El País egunkariak gai honi buruz dauden azken datuak jaso ditu. 2018an, multinazional estatubatuarrek Europako Batasunean lortutako etekinen ia erdia beren Irlandako filialen bidez aitortu zuten, Azterketa Ekonomikorako Bulegoak argitaratu berri dituen datuen arabera. Konpainia estatubatuar handiek Europan aitortutako irabazien %47 (eta mundu guztiko irabazien %17, AEBak alde batera utzita) Irlandako filial horien kontuetan jaso ziren: ia 98.000 milioi dolar (83.000 milioi euro).
Irlanda da ‘abantailazko fiskalitateari’ etekin handienetakoa atera dion Europako herrialdeetako bat. Hala, multinazionalen interesa erakartzen du eta uhartean ezartzen dira. Enpresek beren Irlandako filialen bidez aitortzen dituzte etekinak. Irabaziak Europako beste herrialde batzuetan atera dituzte, baina zerga karga askoz baxuagoa duten herrialdean, kasu honetan Irlandan, aitortzen dituzte etekinak. Praktika bereziki erraza da negozio digitalen kasuan, horietan ez baita beharrezkoa herrialde batean presentzia fisikoa izatea negozioa bertan garatzeko. Esate baterako, Apple multinazionalak ia %0ko zerga tasa du Irlandan.
Multinazional estatubatuarrek lrlandan langileak kontratatzen gastatutako dolar bakoitzeko bederatzi dolarreko etekina izan dute. Datu horrek erakusten du Europan izandako irabaziak herrialdetik herrialdera pasatzen dituztela zerga tasa baxuen xerkan.
Irlanda ez da zerga sistema zalantzagarria duen herrialde bakarra. Azken urteotan Europar Batzordearen ikerketapean egon dira, arrazoi bera tarteko, Europako hainbat herrialde, hala nola, Luxenburgo, Belgika eta Herbehereak. Ez aipatutako herrialde hauek, ezta Irlanda ere, ez dira paradisu fiskaltzat hartuak, nahiz eta gero eta ahots gehiagok hala hartuak izateko eskatu.
Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]
Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.
"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]
1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.
2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]