Pandoraren Paperak: paradisu fiskaletan ezkutatu diren ondasunen filtrazio berria
Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude zerrendan.
Kazetarien Nazioarteko Partzuergoan 600dik gora kazetari aritu dira lanean, 150 hedabidetakoak eta 117 herrialdetakoak. Ia 12 milioi dokumenturen filtrazioa egin dute. Pandoraren Paperak 2016an ezagutu genuen Panamako Paperak enblematikoa baino handiagoa eta globalagoa dela adierazi dute.
Besteak beste, legezko eta legez kanpoko erabilerak egin dituen elite politikoa ageri da zerrendan. Adibidez Jordaniako erregea, Txile, Ekuador, Dominikar Errepublika, Paraguai, Ukraina eta Keniako presidenteak; Txekiako lehen ministroa eta Britainia Handiko lehen ministro ohi Tony Blair.
Artistak ere badira zerrendan: Julio Iglesias, Shakira, Claudia Schiffer, Ringo Starr, Elton John. Baita kirolari lotutakoak ere: izenik ezagunena Pep Guardiola futbol entrenatzailea.
Nazioarteko politikan aditua den Mikel Aramendi kazetariak Euskadi Irratian hitz egin du eta adierazi du azken filtrazio honek ere argi adierazten duela gauza bat: zergak herritar arruntek ordaindu behar dituztela eta sistematikoa dela diru sarrera handienak dituztenek zerga iruzurra egitea edo trikimailuak erabiltzea.
Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.
"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]
1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.
2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]
Petronorren emaitza-kontuetatik datu hauek azpimarratu ditu ELA sindikatuak: 2019an 135 milioi euroko etekinak izan zituen Petronorrek, Sozietateen Zerga ordaindu aurretik. Baina Sozietateen Zergan 0 euro ordaindu zuen. "Areago, ez ordaintzeaz gainera 7 milioi euro jaso... [+]