Vatikanoko Bankuko presidente ohiari bederatzi urteko kartzela-zigorra ezarri diote iruzurragatik
2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko kartzela-zigorra ezarri diote.
Vatikano Hiriko Estatuko Auzitegiak, ia 9 urteko kartzela-zigorra ezarri dio Vatikanoko Bankuko presidente ohi Angelo Caloiari, higiezinen salmentarekin iruzurra egin eta aberasteagatik. Caloiari eta Gabriele Liuzzo abokatuari zortzi urte eta hamaika hilabeteko espetxe zigorra ezarri diete, hogei bat jabetza saldu ondoren, legez kanpo, dozenaka milioi euroz jabetzeagatik. Caloia Vaticanoko Erlijio Lanen Institutuko presidentea izan zen 20 urtez.
Lamberto Liuzzo abokatuaren semeari ere bost urte eta bi hilabeteko kartzela zigorra ezarri diote, kalte-ordain handia ordainarazteaz gain. Hiru akusatuek 23 milioi euroko kalte-ordaina eman beharko diete Vatikanoko bankuari eta SGIR higiezinen elkarteari.
Epaiketaren nondik norakoak
Diru publikoa bidegabe erabiltzeagatik eta dirua zuritzeagatik duela bi urte eta erdi hasi zen epaiketa, 2018ko maiatzean. Fiskaltzak ikertutako kudeaketan Lelio Scaletti IOReko zuzendari nagusi ohia ere parte hartu zuen, ikerketak itxi baino lehen hil zena. Vatikanoko justiziak finantza delitu batengatik emandako lehen epaiketa da.
Abenduaren hasieran, Alessandro Diddi Vatikanoko fiskalak zortzi urteko kartzela-zigorra eskatu zuen Angelo Calaoia eta Gabriele Liuzzorentzat, dirua zuritzea eta bidegabe erabiltzea egotzita, baita haien kontuetatik 50 milioi euro baino gehiago konfiskatzea ere.
Joan den martxoaren 24an, Partenoiko frisoko eskulturen hiru zati Atenasera itzuli dituzte, zehazki hiru buru: haur batena, zaldi batena eta gizon batena.
Eliza Katolikoaren barruan izandako sexu abusu eta pederastia kasuek hedabideetako orrialde ugari bete dituzte, The Boston Globe egunkariak duela bi hamarkada, 2003an, Pulitzer saria jaso zuenetik, Bostongo artzapezpikuaren abusuak azaleratzeko egindako lanagatik. Baina biktimek... [+]
Frantzisko Aita Santuak, toki askotan hain errespetatua den Eliza Katolikoaren buruak, mundu guztiari zuzendutako gutuna argitaratu du: Fratelli tutti (“Anaiak denok”).
Elizak aginduta 2015ean martxan jarritako ikerketa argitaratu dute asteartean Alemanian. 1945 eta 1990 bitartean 547 umek tratu txar fisikoak jasan zituztela adierazten du, eta horietatik 67k sexu erasoak, bortxaketak tarteko, El País hedabidean irakur daitekeenez.
Frantzisko Aita Santuak Boliviako Santa Kruz hirira ostegunean egindako bisitan esan du “xumeki” barkamena eskatzen duela Amerikan herri indigenen aurka egindako suntsiketengatik.