200 edo 250 kilometro orduko abiadura hartuko dute gehienez ElDiario.es-ek argitaratu duenez, azpiegiturak errail berrietan 300-350 kilometro orduko abiadura lortzeko xedea zeukan arren.

Espainiako Sustapen ministerioak isilpean zeukan kostu ekonomikoak murrizteko trenbide berrietan egindako moldaketa, agerkari digital espainiarrean Antonio Ruiz del Arbol kazetariak idatzi duenez.

Norabide bakarreko zatiak

Baina trenaren zenbait adarren mantsotzea agerian geratu da errail berriak instalatzeko duela gutxi deitu diren lehiaketa publikoen pleguak eraikuntza enpresen esku geratzearekin batera.

Plegu horien arabera, hainbat trenbide-zati norabide bakarrekoak izango dira, bikoak izan ordez; eta horrek ezinezko egiten du, ElDiario.es-en arabera, AHTren abiadura estandarrak betetzea.

EAEko AHTren konexioaz gain, Galizia, Asturias, Kantabria, Extremadura, Andaluzia eta Murtziakoak ere mantsoagoak izango dira.