2016an Europar Batasunean ezarritako energia iturri berrien ia %90 berriztagarriak dira
Iragan urtean 24,5 giga-watt sortzeko gaitasuna erantsi zieten Europar Batasuneko energia azpiegiturei. The Guardian egunkariak dio energia horretatik 21,1 giga-watt iturri berriztagarrietatik datozela, besteak beste haize, eguzki, biomasa eta ur-energia.
Haize energia da gehien sustatu den iturria, ezarritako energia iturri berrien erdia hortik baitator. Ikatzari aurre hartuta, egun haizea da energia sortzeko gaitasun handiena duen bigarren iturria EBen, gas naturalaren atzetik. Hala ere, EBk 918,8 giga-watt ekoizteko gaitasuna dauka, eta horietatik soilik 153,7 datoz haizetik.
The Guardianek WindEurope lobbyaren exekutibo Giles Dicksonen hitzak jaso ditu: “Haize energiaren instalazio eta inbertsioen zenbakiak egokiak dira”. Baina esan du soilik EBko zazpi herrialdek dituztela politika argiak 2020 bitarte haize energia sustatzeko. “Energia berriztagarriekiko anbizio politiko gutxiago ikusten dugu gaur duela bost edo hiru urte baino”.
Alemaniak hazi arazi zuen gehien haize energiaren ekoizpen gaitasuna 2016an, eta Frantzia, Herbehereak, Finlandia, Irlanda eta Lituaniak ere haize erroten instalazioetan beren markak hautsi zituzten. Alemaniak haize energia sortzeko duen gaitasuna EBko beste ezein herrialderena baino hiru aldiz handiagoa da.
Berriz, Espainia, Portugal, Italia eta Greziak joan den hamarkadan haize energiak eduki zuen hazkundea gidatu zuten, baina egun, energia iturri horren ezartzeak oso garapen gutxi dauka herrialde horietan. Haize energiari dagokionez, bereizitako Europa bat irudikatu du lobbyaren bozeramaileak.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Gutako batzuk hemen jaio ginen, zoriak erabaki zuen populazioaren %11 honen parte izango ginela. Beste batzuek erabaki genuen landatarrak izatea, eta lurraldearen %89an bizitzea. Denok onartu dugu hemen bizitzeak aparteko zailtasunak dituela, administraziotik ez dutela indar... [+]
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]