Bultzadak Aitor Zabaleta harmaila itxiko du hurrengo partidan, errepresioa salatzeko
Bultzada Realaren jarraitzaile taldeak jakinarazi duenez, ez da joango ostiraleko Vila-realen kontrako partidara, eta Aitor Zabaleta harmaila itxita mantenduko du, jasaten ari den “errepresioa” salatzeko.
Sare sozialen bidez partekatutako komunikatuan Bultzadak azaldu duenez, “denok ikusi genituen azaroaren 8ko irudiak”, Realak eta Benficak Txapeldunen Liga jo zuten egunekoak, hain zuzen.
Benficako ultrak Anoeta inguruan hainbat realzaleri eraso egin zioten partidaren aurretik. Bultzadak iradoki duenez, Ertzaintzak babesteari utzi zion eremutik sartu ziren Benficako ultrak: “Ertzaintza babesten eta zaintzen ari zen plaza horri bi edo hiru aldiz eraso zioten zaleek, eta minutu batzuk lehenago, bi furgoneta zeuden toki beretik sartu ziren bertara”.
Bultzadak komunikatuan adierazi duenez, “plaza horretan zeuden realzale batzuek euren burua eta gainerako realzaleena defendatu behar izan zuten. Eta autodefentsa hori burutzeagatik ari dira orain jazarriak eta zigortuak izaten”. Gertakarien erantzukizuna Ertzaintzarena dela diote agirian: “Poliziak egun hartan izan zuen inakzioa eta arduragabekeria ikaragarriarengatik ari dira [realzaleak] atxilotu eta auzipetuak izaten”.
Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]
Ostiralean 25 urte beteko dira Ricardo Guerra faxistak Aitor Zabaleta Realeko jarraitzailea hil zuenetik. Zabaletaren oroimenez eta faxismoaren aurka, manifestazioa antolatu du Bultzadak Donostian.
Martxoaren 16an izan zen norgehiagoka, eta istiluak izan ziren bi taldeen arteko zaletuen artean. Orduan hiru lagun atxilotu zituen, eta Ertzaintzak jakitera eman du operazioa zabalik dagoela eta atxilotu gehiago egon daitezkeela.
Iñaki Badiola Realeko presidente ohia akusatuen aulkian eseriko da asteartetik aurrera. Fiskaltzak 66 urteko espetxe zigorra eskatu du berarentzat, Gipuzkoako politikari, epaile eta kazetarien aurkako ustezko irain eta kalumniengatik. Epaiketa hainbat egunez luza... [+]
