ARGIA.eus

2019ko abenduaren 15a

Nazioartea > Afrika > Libia > Muammar Gaddafi

Kanal guztiak
  x Itxi
Politika
Ingurumena
Feminismoa
Euskara
Nazioartea
Ekonomia
Gizartea
Herri mugimenduak
Hezkuntza
Kultura
Historia
Zientzia
Iritzia
English
Muammar Gaddafi kanaleko multimediak

Eduki hauek interesatzen zaizkizu? Kanal honen RSS jariora harpidetu zaitezke.

Muammar Gaddafi
Sakonean
2011-10-21
Gaddafi hil dute errebeldeek

Atzo hil zuten Muamar al-Gaddafi Sirten. NATOren bonbardaketa batean zauritu zen eta ondoren errebeldeek hil zuten. Gaddafiren heriotzarekin 42 urteko diktadurari amaiera eman zaio.

NATOk eta AEBk esan dute ez dutela Gaddafiren heriotzaren inguruko informazio zehatzik. Ustez zulo batean zegoen ezkutatuta eta harekin batera, bere oso gertuko beste bi pertsona ere hil dituzte: Abu Baker Yunus eta Gobernuko bozeramailea zen Ibrahim Musa. Bere semeetako bat ere atxilotu zuten.


2011-10-20
Gaddafi hil dutela diote errebeldeek

Hasiera batean Libiako telebistak esan eta Al Jazeerak zabaldu duenez, Libiako errebeldeek Gaddafi atxilotu dute Sirte hirian. Ondoren zabaldu denez, hilik omen dago. Albistea errebeldeek Sirte hiria –Gaddafiren sorlekua– hartu bezain pronto zabaldu da. NATOk esan du oraindik ezin dutela albistea baieztatu.


2011-09-19
Libiako amazigh herria: egunsentia gizon askeen mendietan

Gaddafiren errepresiopean lau hamarkada eman ostean, Libiako amazigh herriak berebiziko nortasun aldarrikapenari eutsi dio. Armekin ez ezik, egunkari, irratsaio eta abestiekin heldu diote iraultzari.

“Libian gertatzen ari dena azaldu nahi diogu gure jendeari, eta gure hizkuntzaz”. Zalantzarik gabe, Muhamed Khalifaren erronka oso gertukoa gertatzen da gurean. Khalifa Mendietako Oihartzuna astekariaren erredaktore burua da. Kazetariak “amazigh” etniakoa dela dio,... [+]


2011-09-05
"Batzuek armak hartu dituzte Gaddafiren kontra borrokatzeko; guk, arkatzak"

Muhamed Khalifa Libiako gatazkaren erdian sortu den astekari bateko erredaktore burua da. Amazigh beraien hizkuntzan idazten dute eta garrantzitsua deritzo biztanleek albisteak amazigheraz irakurtzeko aukera izateari. Berria egunkariak elkarrizketa egin dio eta guk pasarte batzuk bildu ditugu:


2011-09-02
Gaddafiren aktiboak desblokeatu dituzte munduko potentziek

Parisen bildutako potentziek Muamar al-Gaddafiren aktiboak –15.000 milioi dolar– desblokeatzea onartu dute. Trantsizioko Kontseilu Nazionalak Libia berreraiki nahi du diru horrekin, soldatak ordaindu eta herriak behar duen laguntza humanitarioa banatu. "Lapurtu zieten dirua itzuli nahi diegu libiarrei", adierazi zuen atzo Nicolas Sarkozy Frantziako presidenteak.

Libiako gertaerak zuzenean jarraitzeko: BBC News Al-Jazeera, The Guardian eta Le Monde.


2011-07-12 | Axier Lopez
Zein da zein Libiako gudan?
MULTIMEDIA - erreportajea

Askotarikoak dira Libiako Gobernuaren aldekoen zein errebeldeen inguruan zabaldu diren iritziak. Batzuentzat askatasunaren aldeko ekintzaileak direnak beste batzuentzat inperialismoaren txotxongiloak baino ez dira. Molde guztietakoak dira, zentzu berean, Muammar Gaddafiren gobernuaz azken urteotan idatzi diren hamaika iritziak. Guda zibil horretan gertatzen ari dena lehen eskutik jaso duen Alberto Pradilla kolaboratzailearekin solastu gara, Libiatik etorri berria den honetan.


Libiako errebeldeak
MULTIMEDIA - diaporama

Shebab-ek (gazteek), Muammar al-Gadafiren aurkako matxinadaren oinarria osatzen dute, eta heriotzarekin bizitzera ohitu dira otsailaren 17an kalera lehen aldiz irten zirenetik. Ez dira gerrilariak, armak dituzten manifestariak baizik. Askatasunaren alde borrokan ari direla badakite, hori zehazki zer den inorrek azaldu ez badie ere.


2011-03-18
NBEk Gaddafi erasotzeko baimena eman du, eta operazio militarra ordu gutxiren buruan has liteke

Libiako egoera belikoa irauli dezakeen ebazpena onartu du bart Nazio Batuen Erakundeko Segurtasun Batzordeak. Herritar zibilak babesteko ezinbesteko neurriak hartzeko baimena eman die nazioarteko herrialdeei eta aire eremua erabiltzea debekatu die hegazkin libiarrei. Modu horretan, NBEk ateak ireki dizkio Gaddafiren kontrako balizko airezko eta itsasoko eraso bati, ebazpenak ez baitu lurreko interbentziorik aurreikusten.