Zergatik egin dio eraso Frantziak Maliri?

  • Frantziako armadak Maliren kontrako erasoa hasi zuen joan den ostiralean. Interbentzio militarraren zergatia, Jean-Marc Ayrault lehen ministroaren esanetan, "mehatxu terrorista" geldiaraztea da. Baina, zein da erasoaren testuingurua?


2013ko urtarrilaren 14an - 00:00
Azken eguneraketa: 2015-02-26 13:37:33
Aire erasoak hasi dituzte Rafaleak erabiliz.

Rue89 atarian idatzitako artikuluan, Pascal Riché kazetariak hiru puntutan laburbildu du egoera:

1) Maliko iparraldeko egoera:

"Maliren iparraldea Tuaregek okupatzen dute eta independentzia nahi dute. Haietako batzuk Libiatik etorriak dira Gaddafi erori ostean. Joan den urteko urtarrilean ofentsiba hasi zuten Azawaden Askapenerako Mugimendu Nazionaleko kideek (MNLA)".

Richék azaldu duenez, bi aste baino gutxiago behar izan zuten Maliren iparraldeko gehiengoa eurenganatzeko. MNLAren kideko beste hainbat talde ere agertu dira eta aferak Maliren mugak gainditu ditu. "Talde islamista erradikalak Sahelgo eskualdean geratzeko arriskua dago, Mauritaniatik Nigeriara".

2) Zergatik interbenitu du Frantziak?

Maliko presidentearen eskaerak eragin du interbentzioa Richéren ustez, iparraldeko matxinoen aurrerapena gelditzeko. "Ostegunean Konna hiria hartu zuten eta Mopti (100.000 biztanle) hartzeko arriskua zegoen. Frantziaren laguntzarekin, Maliko armadak Konna berreskuratu du".

3) Zein da krisi horren irteera?

Gatazka mahai gainean dago eta Richék uste du MNLA negoziatzera behartzea dela helburua. Egoerari bi irtenbide posible ikusten dizkio: irtenbide politikoa (Maliko konstituzioa aldatzea eta hauteskundeak egitea ekarriko luke) edo nazioarteko interbentzio militarra (NBEren 2085 erresoluzioak horretarako bidea zabaltzen du, nahiz eta eskatuko lukeen koordinazioak derrigortuko lukeen datorren udazkenera arte itxarotera).


Kanal honetatik interesatuko zaizu: Muammar Gaddafi
2018-10-23 | Karlos Zurutuza
Etxe galdua

Gerra zibila bukatu eta zazpi urtera egoera oso larria da Libian. Estatua ez ezik, herria ere galdu dute libiarrek.


2013-06-21 | ARGIA
Gaddafik Sarkozy finantzatu zuela diote akusazio berriek

Muammar Gaddafi libiar agintari ohiak Nicolas Sarkozy Frantziako presidentearen hauteskunde kanpaina finantzatu zuen 2007an, elkarren arteko bileretan itzultzaile bezala aritu zen Moftah Missouri enbaxadore libiarrak jakinarazi duenez.


2012-03-13
Gaddafik Sarkozyri 2007ko hauteskundeetarako 50 milioi euro eman zizkiola zabaldu dute

Mediapart egunkari digitalari filtratutako epaiketa prozesu bateko dokumentu sekretuaren arabera, Muammar al Gaddafi Libiako buruzagi ohiak Nicolas Sarkozyren 2007ko hauteskunde kanpaina diruz lagundu zuen. 


2012-03-07
Libia ekialdeak autonomia deklaratu du

Cyrenaicak, Libia ekialdeko eskualdeak, autonomia –hedabide batzuek "erdi-autonomia" terminoa erabili dute– deklaratu du, atzo Benghazi hirian egindako kongresu baten ostean. Tribuetako buruek eta milizietako komandante ugarik parte hartu zuten... [+]


2011-10-21
Gaddafi hil dute errebeldeek

Atzo hil zuten Muamar al-Gaddafi Sirten. NATOren bonbardaketa batean zauritu zen eta ondoren errebeldeek hil zuten. Gaddafiren heriotzarekin 42 urteko diktadurari amaiera eman zaio.

NATOk eta AEBk esan dute ez dutela Gaddafiren heriotzaren inguruko informazio zehatzik. Ustez... [+]


Eguneraketa berriak daude