Korrika Urte Osoa Eta Orain Esprinta:

1983ko azaroaren 13an

AEKko Korrikaren antolatzaileei elkarrizketa

Korrika Urte Osoa Eta Orain Esprinta:
Abenduaren 3tik 11-ra, Euskal Herri osoa Korrika.
Joan den urtean bezala aurten ere, AEK KORRIKA antolatzera doa Euskal Herri osoan zehar. Urtero bezala euskararen inguruan emango den ekintza nagusietako bat izango dugu. Oraindik gauza konkreto batzu aidean dande, baina halaz ere beraiekin lehenengo elkarrizketa egiteko asmoz jo dugu, eta han aurkitu ditugu, AEK-ko KORRIKA sailako arduradunak.
ARGIA.- noiz, eta non hasi eta bukatzen da aurtengo KORRIKA?
KORRIKA.- aurten KORRIKA Ipar Aldean, Baionan hasiko da Abenduaren 3an goizeko 9tan, eta Bilbon bukatuko da, Abenduaren 11-ean eguerdiko 12etan.
ARGIA.- baina abenduaren 3a baino lehen zein lanetan ari zarete KORRIKA antolatzeko?
KORRIKA.- KORRIKA ez da egun batetik bestera prestatzen den ekintza bat. Herri guztietan, KORRIKAko lan taldeak aspaldi antolatu dira, eta bertan herrietako kultur eta talde politikoak lanean ari dira, zentzu horretan esan genezake KORRIKAren parte ikusgarriena, jendea korrika euskararen alde ikustea bada, aurrez lan haundia egiten da. KORRIKA herri guztien partizipazioz ateratzen da aurrera, eta AEK bultzatzailea eta antolatzailea da.
ARGIA.- joan den urtean Iruñean hasi zenean, giro ederra egon zen, bertako jendeaz aparte, ingurutako jendea agertu bait zen. Aurten Baionan nolako giroa espero duzue?
KORRIKA.- giro ona izango delakoan gaude, bertako jende multzo eder bat bilduko bait da. Gainera, hemendik ere autobusak antolatzeko asmoa badugu. Ipar aldean esan beharra dago, giro ona dagoela, eta interes haundiarekin hartu dutela KORRIKA. Gu baino aurreratuago daude antolaketa mailan.
ARGIA.- zein asmo dago, joan den urtean haina kilometro egiteko?
KORRIKA.- bai, AEK-k zazpi herrialdeetan funtzionatzen du, eta horrexegatik hain zuzen, KORRIKA Euskal Herriko herrialde guztietatik pasako da, edo behintzat nagusienetatik. Ezina zaigu herri guztietatik pasatzea baino berriz diogu bailara nagusietatik pasako garela.
ARGIA.- ba al daude KORRIKan zehar egun bereziak, hau da giro aldetik edo?
KORRIKA.- egia esan herri bakoitzak ahal duen guztia antolatzen du, orain ordua dela eta beste mila arrazoi direla medio toki batzuetan bestetan baino giro gehiago izango da. Halaz ere egun berezi bakarra, azken eguna izango da.
ARGIA.- egun berezia Bilbon Feria de Muestrasen izango da?
KORRIKA.- bai, 20.000 metro karratu dauzkagu, Ferian, eta bertan zentralizatuko ditugu ekintza guztiak. Ez da beraz joan den urtean bezala kalean izango, eta pentsatzen dugu 20.000 metro hauekin aski izango dugula.
ARGIA.- lema «Euskaraz eta Kitto» jarri diozue, AEKren filosofiaren ondorioetako bat al da?
KORRIKA.- beste erakunde batzu EHE-k adibidez, horrelako kontzientziazko kanpainak egin izan dituzte eta gurea ere kontzientziazio kanpaina bat da.
ARGIA.- giro aldetik nola ikusten duzue aurtengo KORRIKA?
KORRIKA.- joan den urtean baino askoze giro hobea. Gure artean inoiz baino giro hobea dago, eta baita lan egiteko gogoa. Kanpora begira, edo kanpoko giroa gure ustez joan den urtean baino hobeagoa.
ARGIA.- joan den urtean alderdien aldetik jokabide desberdinak izan ziren, PNV-ek adibidez ez zuen bultzatu. Aurten?
KORRIKA.- gobernuarekin hitzegin da, eta aurten ez da gure kontrako posturarik agertuko. Nafarroako Isaban, bere herrian Etxenike Jaunak korritu nahi duela adierazi digu. Ez dugu uste kontra egingo dutenik.
ARGIA.- kontzientziazio kanpaina helburu nagusia bada ere, zein dira beste helburuak?
KORRIKA.- beste helburuetako bat dirua da, eta bi atal daude. Bata, Ipar aldekoa, eta Nafarroako gure egoera nahiko larria da, han ez bait dute hemen bezala subentziorik lortu, eta beraz batez ere haiek languntzeko erabiliko da sortzen den etekina. Bestaldetik, horrelako kanpaina batek diru asko balio du, eta gasto hauek ere tapatu beharrak daude. Bigarren mailako helburua bada ere, Nafarroako eta Ipar aldeko egoera ikusirik dirua garrantzitsua da.
ARGIA.- joan den urtean, Euskal Eskola berrien sorketak eman al ziren KORRIKAren ondorioz?
KORRIKA.- nafarroan eta batez ere Bilbon eman zen batez ere fenomeno hau. Bertan parte hartu zuen jendea AEKan integratu da, eta bide batez euskararen munduan sartu dira.
ARGIA.- aurten ikaslego kopuruen aldetik gorakada haundi bat eduki duela AEK-k entzun dugu.
KORRIKA.- bai egia da, bataz beste ehuneko hogei eta hamarreko igoera bat eduki dugula esan genezake. Guretzat dato hau oso garrantzitsua da. Gure ustez batez ere bi arrazoi daude honen oinarrian, bata antolaketa aldetik zabaltzen ari garela, eta kalitate aldetik ondo gabiltzala. Halaz ere oraingo igoera honi ere ondo erantzun behar diogu.
ARGIA.- badaramatzazue urte batzu ekintza hauek prestatzen, eta urtero jendea biltzen da, KORRIKA antolatzeko. Zerbait pentsatu al duzue, jende honek KORRIKA garaian bakarrik lan egin beharrean urte osoan euskararen alde lan egin dezan?
KORRIKA.- egia esan soluzio horiek aurkitzea benetan zaila izaten da. Esan beharra dago toki batzutan gertatu dela fenomeno hori, eta batez ere Euskaltokiak sortzen ibili da jende hau. Batez ere Bilbo eta Bizkaia inguruan eman da.
KORRIKA antolatzeak Euskararen inguruan mugitzen den talde eta pertsonak elkar ezagutzea laguntzen du. Hau da talde intersektorial horien oinarria, eta aurrera begirantz funtziona dezaten, bertan dauden guztien lana da. Garbi dago jarraitzea ideala litzatekela eta horrantz bultzatu behar dugula jendea.
JO
32-33

GaiezHizkuntzaEuskaraEkitaldiakKorrika
GaiezHizkuntzaEuskaraAlfabetatzeAEKEkitaldiakKorrika

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

"Nire burua duela 20 urte bezain indartsu ikusten dut"

Euskalerria irratia | Miren Mindegia

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude