Orratz Batzuren Bidez Gauzak Sendatuz

1983ko urtarrilaren 16an

Mediku Akupuntore Batekin Hizketan
Orratz Batzuren Bidez Gauzak Sendatuz
Azkeneko bost urteetan berebiziko igoaldia pairatu du akupunturak sendabide fidagarri bat bezala. Garai batetan gehiegi sinesten ez bazen, gero eta akolito gehiago lortuz joan da, eta gaurko egunean ia ia onespen ofiziala ere bereganatu du. Metodoa bera hobekiago ulertzeko eta inguruko hamaika korapilotaz mintzatzeko disziplina horixe praktikatzen duen mediku batengana jo dugu, Josemari Cienfuentes, eta lazatu zizkigun hitz laburrak transkribatzen ditugu ondoren. Zaragozan daukan kontsultan harrapatu genuen.
ARGIA.- Nola funtzionatzen dute orratzek eta nola lortzen dute desiratutako ondorioa?
J. M. CIENPUENTES.- Egia esan behar bedizut neronek ere ez dakit ongi nola. Nik jakin badakit 090 era original baten bidez sendatzen dudala. Era hori txinatarrek deskribatu zuten aintzinako denboretatik eta Mendebaldeko ikuspegi batetatik urrunduta ulertu beharrekoa. Saiatu izan gara medikuok, bai, nolabaiteko argibide bat aurkitzen. Nire ustez, zeluletako azalak hil ala biziko papera jokatzen du. Azal edo mintz horretan barne, zelulaz zelulako aldaketak suertatzen dira Yin eta Yang korronteen bitartez.
A.- Argitu ezazu apur bat gehiago azken puntu hori...
J. M. C.- Zelulak zapalduz, orratzen ziztada bakoitzean milaka zelula lehertaraziz, gure orratzek aldatu egiten dituzte energi zirkuituak. Zubiak zabaltzen dituzte, tentsio elektrikozko gehiegikeriak askatuz. Hau da, zirkuituak beren artean birrekilibratzeko aukera ematen dizute, sendabide guztiek daukaten helburua alegia.
A.- Nola erabiltzen dira orratzok?
J. M. C.- Medikuntza txinatarraren usterako, giza-gorputz osoan zehar badira 700 edo 800 puntu leku desberdinetan banaturik. Akupunturak ukitu ditzakeenak, gehienez horietako 300 edo 400 dira. Erabilitako orratzen kopurua alda daiteke sendatu nahi den gaitzaren arauera. Jeneralean, ahalik eta puntu gutxienak erabiltzeko joera dago orratzen akzioa ez dadin gehiegi dispertsatu. Houa To txinatar famatuak orratz bakar baten bidez sendatzea lortu zuen.
A.- Orratzak barneratzeko modu desberdinak al daude?
J. M. C.- Bi modutara egin daiteke. Lehenik, azaletik sartu zefektu lokala iristen da. Era honetako orratzak nahi adinekoak izan daitezke, ez bait dute funtzio pisudunik betetzen. Orratz aktiboek -denetara hiru edo lau- sakonkiago ikutzen dituzte energiaren zentru nagusiak. Batzutan 10 edo 15 zentimetroz barneratzen dira batera oinazerik sortu gabe. Horiexek dira akupuntoreak akziotan ipini nahi duen energia mugiarazi edo hedatzen dutenak.
A.- Zein gaisotasun senda ditzakezue akupuntoreok?
J. M. C.- Guztiok medikuak gara, eta beraz lehenbiziko arterketa batetan gure terapeutikarekin zerikusirik ez duten gaisotasunak diagnostikatzeko gai gara. Diagnostikatu, beraz, beste edozein medikuren neurri berean egin dezakegu geuk ere. Gertatzen da badaudela zenbait gaitz akupunturaz senda ez daitezkeenak.
A.- Zeintzu dira akupunturak senda ez ditzakeenak?
J. M. C.- Organo bat sakonki ukituta dagoenean edo egoera larri horretatik sortzen diren gaisotasunak ez ditugu ikutu ere egiten akupuntura bidez. Esate batera, minbiziaren kasurako oinazea arindu besterik ezin dugu egin. Artikulaziozko reuma batetan orratzek ez dute ezer egiterik tartean bihotzeko gaitzik edo meningitisen bat baldin badago.
A.- Badirudi panorama nahiko beltza ari dela ipintzen. Zeintzu dira senda daitezkeenak?
J. M. C.- Jakekak, neuralgiak, larruazalaren gaisotasunak, asma eta, noski, reuma guztiak dira gehien tratatzen ditugun gaisotasunak, baina horiek baino gehiago ere bai, jakina.
A.- Beti lortzen al duzue gaitza sendatzea?
J. M. C.- Guk ez dugu mirakulurik egiten. Medikuak gara eta beste edozeinek bezala hutsegiterik badugu, baina diagnostikoa zuzen planteiatzen dugunean tratamenduak ez ohi du bueltarik izan eta sendakuntzak miresgarriak izan ohi dira.
A.Hainbesterainokoak al dira sendakuntza miresgarri horiek?
J. M. C.- Batzutan lehenengo ihardunaldiarekin aski da, batez ere gaisotasun berri eta kalte gutxikoak direnean. Esate batera, aste honetan tortikolis oso oinazetsu baten kasua izan dut, tratamendu guztiak gaitzesten zituena. Orratzezko lehen aplikazioarekin listo zegoen emakume hura zeharo sendetuta. Era berean, aste honetan ere futboleko jokalari bat sendatu dut erabat hanketan okerdura bat izan zuena. Hurrengo partiduan jolastu ahal izan zuen problemarik gabe.
A.- Dena dela, gaitz horiek nahiko sinpleak dira, ezta?
J. M. C.- Askoz konplikatuagoak ere sendatu ohi ditugu. Halere, gaisotasunak sendotzeko aukera izan duenean, askoz zailagoa gertatzen da guztiz sendatzea: beharrezkoak dira :hiru edo lau sesio hobekuntza nabari bat ikusi arte. Esate batera lehengoan etorri zitzaidan gaiso bat reuma zeukana eta horrezaz gain lartuazalean ere beste arazoren bat. Lau sesiorekin reuma aldegina zen, baina larruazalaren gaisotasuna berriz, handik aste batzutara berriz azaldu zen. Berriro desagertu arazi nahiean nabil, baina hau nahiko maiz gertatu ohi da gaisotasun larriekin.
A.- Akunputarak ba al dauka ezer egiterik mikrobioen kontra?
J. M. C.- Infekzioa ageri denean, iadanik alperrik dira akupunturaren bide guztiak. Tratamendu klasikoetara jo beharra dago. Beranduegi heldu da, baina horrek ez du esan nahi akupunturak ezingo lukeela gaisotasun hori aldez aurretik erahil. Gaisotasuna ez da mikrobioek eragindako zerbait–Pasteur-ek sinetsarazi zigun bezala-, zeren gorputza ahulduta ez balego mikrobioek ez lukete sartzerik izango, eta odola behar lukeen egoeran balego mikrobioentzako ateak itxirik leudeke. Mikrobioak hil daitezke baina gonbidetua hiltzea ez du esan nahi inondik ere atea itxi egin denik.
A.- Eta buru -gaisotasunekin, ba al dauka zeregiterik akupuntura?
J. M. C.- Burugaisotasun batek jota baldin bazaude, eskizofrenia baten kasua esate baterako. Aldiz, gure arte honek baliorik izan dezake insomnioak, neurosiak eta depresioak. Esate batera, neska bat traumatizatuta geratu da aita hil zaiolako, edateko nahiz jateko gustoa galtzen du eta ez lanik egin nahi. Akupunturak lor dezake neska horren gozputzean energi iturri bat sortarazi eta egoera hori normaldu zeharo.
A.Zer posibilitate dago akupunturaren ondorioak sugestioak eragindakoak izateko?
J. M. C.- Hala diote gure etsai gehienek. Baina hara non gure azkeneko experimentoetan, animaliak ere sendatzen hasiak garen. Non legoke orduan autosugestioa? Horretaz gain, aitortu behar da arrakasta bera lortu ohi dugula gure metodoetan sinesten ez zuten pertsonekin. Baita alderantziz ere: nire lagun bat tratatu behar izan nuen, eta akupunturan sinesten zuen arren, ezin izan nuen luzaro sendabiderik aurkitu. Noski, azkenerako tratamendu egokia topatu nuen eta sendatu egin zen.
A.- Posible al da zientzia hau zientifikoki egiaztatzea?
J. M. C.- Gure kolega batzuk asmatu dituzte detektore ultrasentikor batzu,-larruazaleko bi punturen artean gertatzen den potentziak elektrikozko aldaketak neurtzeko, baina nahiz eta gauza batzu erregistratu oso zailak dira modu egoki batez erabiltzeko.
A.- Nola ikusten duzu akupunturaren etorkizuna?
J. M. C.- Saltsa hauetan gabiltzan guztion priktika eta experientzietatik ari gara zerbait garbi atera nahiean fenomenoa bera era razional batez ulertzeko. Dena dela, tradizio eta usadio txinatarren ezagupen oso eta perfektoa behar litzateke oker handirik gabe eta Mendebaldeko terminoetan akupuntura explikatzeko. Orain arte explikazio partzialak baino ezin izan dira eman. Halere, eta explikazioen aldetik ahulak baldin bagara, sendatzeko orduan egiten ari garen progresoak begibistakoak dira.
Antonio ORBEGOZO
12-13

GaiezGizarteaOsasunaSendabideak
PertsonaiazCIENFUENTE1
EgileezORBEGOZO2Gizartea

Irakurrienak

Matomo erabiliz

Pastoral bat Iruñearendako

Amets Aranguren Arrieta

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Nire burua duela 20 urte bezain indartsu ikusten dut"

Euskalerria irratia | Miren Mindegia

Efemeridea: Guardia Zibila EHko heroinarekin lotuta zegoela zioen 'Navajas txostena' bidali zioten Espainiako fiskal orokorrari

ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude