Kaka
aurre egingo dieten hedabide independenteak
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik ez da, obratze hutsa.
Osasun publikoaren kaltebide den heinean, kezkagarria da igerilekuetako kaka hori, baina are kezkagarriagoa da, lanjerosagoa, simaur digital eta mediatikoa, hain orokortua eta askotarikoa non guztiok bereganatzen baititugu haren zipriztin biralak: intolerantzia gureaz besteko errealitate diferenteei, susmo txarrak gu bezalakoak ez direnekin, geure beldur eta frustrazioak helduleku dituzten amen-omenak, mesfidantzak eta herrak, bestelakotzat jotzen ditugunengana zuzenduak.
Egia da: beti existitu dira halakoak gizateriaren historian, eta segur aski beste garai batzuen eta gureen arteko diferentziarik handiena da halako jokabide eta fenomenoen anplifikazioa (ikuskizun mundiala da orain simaurketa), haien oihartzuna areagotu eta planetarioa bilakatu izana, eta horrek ematen dien erreplikatzeko ahalmena.
Makurra da, edonor bihozgabetzeko modukoa, aurreramendu teknologikoek anplifikazio hori ekartzea eta ez ordea joera kaltegarrien neutralizazioa giza harremanetan.
Pentsa daitekeena baino arruntagoa da jende ustez aurrerakoiongan sustraituak izatea isileko zenbait uste, kasurako, errenta soziala “kanpotarren” pribilegio hutsa dela
Eta oraindik makurragoa da guregan sortzen den apatia eta ezintasun-sentipena, ikusten ditugunean munduko gaizkile ahaltsuenak etengabe erakustaldi arranditsuak prestatzen jokaera okerrenak bultzatzeko jendearengan.
Ez da erraza aurre egitea kaka-pilaketa handi honi, eta tentazioa handia da nork bere burua bere oskol garbi samarrean gorde eta arrastaka egitea aitzin.
Halarik ere, beti eragin dezakegu, pitin bat bederen, modu kolektiboan kontra eginik kaka-ekoizte horren ondorio lazgarriei. Elkartuz eta elkarretaratuz, ekimen komunitarioak sortuz, elkarrekin eta elkarri adoretuz.
Eta, bestalde, banako gisa, geure pentsaeraren digestio-sistema arakatzen ahal dugu, begiratzeko noraino dabilen osasuntsu eta aratz gure gogoa, adibidez, zer-nolako sentipen eta aurreiritzi iraizten dituen gure interes pertsonalak jokoan ikusten ditugunean. Pentsa daitekeena baino arruntagoa baita jende ustez aurrerakoiongan sustraituak izatea isileko zenbait uste eta sinesmen, kasurako, errenta soziala “kanpotarren” pribilegio hutsa dela, edota etortzen diren horiek “gureaz” aprobetxatzera datozela. Kaka-meta handitzen ez laguntzearren…
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
