ARGIA.eus

Itzulpen automatikoa / Machine translation

Ez duzue lotsarik

Enplegu duina ziurtatu berdintasun baldintzetan, jarduera ekonomiko lehiakor, jasangarri eta arduratsua bultzatuta”. Ez da txikia Eusko Jaurlaritzak PSE-EEren ekimenez Enplegurako Itun Sozialari jarritako helburua. Eta ez dira gutxi itunarekin bat egin dutenak: enpresariak, EAEko hiru unibertsitateak, merkataritza ganberak eta gutxiengo sindikala, besteak beste.

97 eragile, prekarietate hitza aipatzen ez duen eta lan merkatuari begira neurri zehatz bat bera ere jasotzen ez duen adostasun zabal bezain hutsalaren bueltan

Enplegu duina ziurtatzeko bost ardatz, hamar konpromiso eta amaierarik ez duen kontzeptu zerrenda aurkitu daiteke: kalitatezko enplegua, enplegu erresilientea, enplegurako politika aktiboetarako eskubide subjektiboa, aukera berdintasuna... Zailtasun bereziak dituzten kolektiboentzat berdintasuna ziurtatuko dien arreta eta zerbitzua ere aipatzen da itunean. Baita berrikuntza ere. Eta geroz eta gehiago aldatzen den lan merkatuan, erantzun azkarrak eta arinak eman behar izatea. Lurraldeen arteko orekaz ere ari da, enplegurako aukerak eskualde edo herri guztietara iritsi daitezen. Adostasunak, elkarlana eta gobernantza irekia. Eta batez ere: sustatu, bultzatu, lagundu, eragin, bideratu, iradoki. Bide oso baten emaitza. Elkarrizketa Sozialerako mahaiaren lorpen berri bat. 2023an onartu zen Enpleguaren Euskal Legearen ondorioa. Arnas luzeko Enplegurako Euskal Estrategia 2030 planaren baitan kokatzen dira guztiak.

97 eragile, prekarietate hitza aipatzen ez duen eta lan merkatuari begira neurri zehatz bat bera ere jasotzen ez duen adostasun zabal bezain hutsalaren bueltan. Sailburuak azpimarratu duenez, sekulan egin ez diren gauzak egin direlako lortu den ituna da honakoa. Auskalo zer den ezer ez egiten jarraitzeko egin behar izan duten gauza berri hori. Auzo lotsa.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu:: Iritzia
Materialismo histerikoa
Biharamunik ez

Matutek twitterren idatzi zuen Galiziako hauteskunde kanpainan Feijóok egindako adierazpen batzuen harira: “jende honek ezin du irabazi”. Eta irabazi dute. BNG igo da asko, diote denek. TVEn esan dute alderdi nazionalistek ez dutela zertan txarrak izan... [+]


2024-02-25 | Diana Franco
Teknologia
Errealitatea irudikatzen

Behin, sexu hezkuntzan aditu den bati entzun nion dena errealitatea dela. Beste batean, fisikari batek esan zidan pentsamendu batek kosmosean eraldaketak sortzen dituela. Zutabe hau teknologiaren inguruan ezagutzen ditudan berriez pentsatzeko tartea bilakatu da niretzat,... [+]


2024-02-25 | Mikel Zurbano
Austeritatearen itzulera

Urtarrilaren 17an Europako Legebiltzarrak Egonkortasun Itunaren erreforma onartu zuen. Arau eraberrituek aurrekontuaren zorroztasuna indartzen dute eta joan den hamarkadan ezagutu genuen austeritatearen ereduari ateak zabaltzen dizkiote berriz ere. Itun berria ez da 2010eko... [+]


2024-02-25 | Bea Salaberri
Lanaren obsesioa

Gertatzen ari da lanaren gaiarekin zerbait, aldaketa bat, politikoa eta soziala, eta nekez gustukoa izan litekeena.

Lana aipatzean, maiz etortzen zait gogora Urepele aldera joatean, bihurgune batean, luzaz ageri izan den idazkia, eta agian han dirauena, baina nolaz aspaldian... [+]


Eguneraketa berriak daude